احبني رغم عجزي

البارت ١٤

صلوا على الحبيب صلي الله عليه وسلم

اسد:- ممكن اعرف انتي رافضه ليه

نور بتوتر:- ا انا هاا م فيش حاجه

اسد بحنان:- نور يا حبيبتي انا عارف انك بتحبي ادهم وهو بيموت فيكي وعارف كمان أنه علي طول بيطلب منك الجواز وانتي كل مرة بترفضي بالرغم ان مفيش سيب لرفضك ده لانكم بتحبوا بعض ممكن بقي اعرف سبب رفضك لادهم

نور بدموع :- انا خايفه يكون مجرد تعلق ان انا بنت عمه وعلى طول قدامه خايفه بعد فترة يبعد عني ويفكر في واحده تبقي ناضجه عني خايفه من فرق السن هو اه عشر سنين بس بس بردك بحس ان انا بالنسبه ليه طفله وهو معجب بيها وبعدها يكتشف اني مجرد اخت ليه انا بحبه اوي يا أبيه وعمري ما شوفته اخ او ابن عم لا انا بحبه اوي ومن زمان بس كل ما يتقدم أقوله لا علشان اسيبه فترة يمكن يرجع في كلامه تعرف انا حسيت بايه لما شوفته واقع في الجنينه وانت بتصحي فيه انا حسيت ان روحي بتتسحب مني ادهم كل حياتي بس انا اللي بحاول اتهرب من الموضوع ده علشان متعبشي بعدين

اسد بحنان:- بس ادهم بيحبك بجد ومن زمان كمان مش من الفترة دي وانا عايزك متشكيش لحظه واحده في حب ادهم ليكي تقدري تقنعيني ان دا مجرد تعلق أو اعجاب يخلي الواحد يوصل للمرحله دي الدكتور قال إن نفسيته تعبانه وتكاد تكون تحت الصفر ودا كله علشانك ولسه بتقولي أنه مش بيحبك نور فوقي يا حبيبتي بدل ما يفوت الأوان وادهم يحصله حاجه ادهم قالي انك لو مردتيش عليه الفترة دي مش هيخليكي تشوفي وشه تاني وهيسافر علشان يحاول ينسي

نور بصدمه وبكاء:- لا طبعا ادهم مستحيل يسيبني ويمشي احنا بنحب بعض مستحيل ده يحصل

اسد حضنها باخويه:- اهدي يا حبيبتي كل اللي انا عايزه منك انك تقعدي مع نفسك وتفكري كويس ومحدش هيجبرك علي حاجه بس بردك متنسيش انكوا بتحبوا بعض يلا روحي غرفتك واقعدي مع نفسك

نور؛- شكرا يا أبيه علي وقوفك جمبي

اسد :- مفيش شكر بين الاخوات يلا روحي

نور مشيت وأسد اتطمن علي ادهم و نزل لقي الكل طلع غرفه ولسه رايح غرفته وهو معدي من قدام غرفة نور سمع صوت سيلين وهي بتقولها:- يا نور يا حبيبتي دلوقتي ادهم بيموت فيكي وانتي بتموتي فيه يبقي هتفكري في ايه بقي دلوقتي اول ما يفوق ويبقي كويس تروحي وتعترفي بحبك ليه وتوافقي علي الجواز

اسيل باتفاق:- ايوا كلام سيلين صح حرام عليكي نفسك وادهم انتي كدا بتعذبي نفسك وبتفكري في اوهام مش هتحصل افهمي بقي

نور بحب:- بجد انا مش عارفه اشكركوا ازاي علي وقفتكوا جمبي انتوا وأبيه اسد هو كمان وضحلي حاجات كتير مكنتش واخده بالي منها وانتي يا سيلين بجد احلي اخت انا بحبكوا اوي

اسيل بضيق مصطنع:- لا والله يا ست نور انا كدا هغير علي فكرة ولا علي راي المثل من لقي أحبابه نسي أصحابه