احبني رغم عجزي

البارت ٩

صلوا على الحبيب المصطفى صلى الله عليه وسلم

حور وهي تنظر لمن يشاور عليها بصدمه وتقول:- روح

عند باب المطار نري بنت في العام العاشر من عمرها تجري و عدي من الناحيه الأخري يجري عليها لحد ما وصل عندها وحضنها جامد وفضل يلف بيها بفرحه

كنان بسخريه:- لا والله وانا كنت نايم في حضنك ولا ايه

عدي وهو ينزل روح ويضم كنان:- حبيب قلبي اللي وحشني دي كلها غيبه

كنان بابتسامة:- والله وانتوا وحشتوني اوي يلا نزلت اهو عايزة اشوف سيلين وحور وطمطم ونجلاء

عدي:- حور معايا هي راحت فين

كنان بمكر:- معاك بتعمل ايه قولتلها ولا لسه

عدي بفرحه:- قولتلها يا صاحبي بس لسه مردتش عليا

كنان:- مسيرها هترد متقلقشي بس هي فين وحشتني

عدي بغيرة:- هي جايه علينا اهي بس السلام من بعيد مفهوم ولا اعيد تاني

كنان بضحك:- انت اهبل يابني حور اختي ومتنساش ان قبل ما سافر كنا يعتبر عايشين مع بعض

حور بفرحه وراحه تسلم عليه وتحضنه كالعادة:- كنان وحشتني اوي مشيت وقولت عدولي

كنان بحب اخوي ويبادلها الحضن:- وانتي كمان يا حبيبتي وحشتيني اوي عامله ايه

حور بحب اخوي:- بقيت كويسه لما انت جيت

عدي بغيرة وغضب:- انا بقول اجيب اتنين ليمون وخلاص

حور بعدت عن كنان بخوف وفرحه من غيرته عليها

روح بزعل طفولي:- حور وانا مش وحشتك ولا ايه

حور وهي بتحضنها جامد:- انتي اكتر واحده وحشتني يا روحي بجد كان نفسي اشوفكم اوي

روح بكلام لا يليق بسنها الصغير:- وانا كمان كان نفسي ننزل من زمان بس شغل كنان هو اللي آخرها بس الحمدلله أننا جينا لو هو عايز يرجع انا هقعد معاكوا هي سيلين فين عايزة اشوفها

حور:- سيلين في البيت يلا نروح نشوفها

كنان بقلق:- عدي انت مخبي عليا حاجه تبع سيلين صح كل ما أسألك عليها بتتهرب وكمان مش بكلمها بقالي اسبوع واكتر وكمان هي في البيت ليه المفروض تبقي في الكليه دلوقتي أو معاكم

عدي بحزن:- كنان يلا نركب العربيه وهقولكم كل حاجه

_______________________________

في المستشفى كان يقف اسد أمام الغرفة التي يوجد بها سيلين وكان قلقان عليها اوي وبيفكر ايه اللي حصلها ومين اللي عمل معاها كدا وبعد وقت قصير خرج الدكتور

اسد بقلق:- سيلين فيها ايه يا دكتور

الدكتور:- الانسه سيلين اتعرضت لموقف دخلها في انهيار عصبي وكمان علي ما حد انقذها كان للاسف الوقت اتاخر