احفاد هتلر 🔥(روايات ليبيه)

3🔥

كانوا يرجو ف باخره امعبيه اسلحه والحراس مطوقين المكان وراهم فجاء صار شئ خله الباخره تردد من أعماق البحر وبديت رماية ف ف المكان ومش معروف من وين المصدر مالك رفع اسلاحه وابداء يضرب وفراس حتى هو يضرب والحراس يضربوا ف حراس العصابة والطرف التاني يضرب لين
فراس عيط: مالك افطن
مالك التفت : وهوب تخترق الرصاصة جسمه
فراس طيح اسلاحه وجاء يجري لمالك
فراس : بسرعة ولع السيارة وانت تعال ارفعه امعايا اسرعوا مفيش وقت دارو كيف مقللهم فراس وخدى جرى ل المستشفى
_______________________
وداد بخبث شبحت ف نور وقالت : اي مقلتيش ل امتي بتقعد عندكم نور
نور انصدمت وشبحتلها بوجع
زهور شبحتلها بغضب : نور بنيتي ابتقعد معايا انشاء الله لين تلاقي شاريك حياتها
وداد انصدمت: شنوو كيف تقعد معاكي معندهاش هل هيا ولا كيف
أسمهان : عيب يابنتي الكلام هذا
زهور بحقد : انا خالتها وانا الاوله بيها
نور سيبتهن يتناقشن وجت بتركب
زهور حطت يدها علي قلبها وشهقت بخوف : وين مالك وليدي حاسة صارتله حاجه وه عليا وليدي وين
كلهم شبحلها بصدمه
وداد مصدومه ونور ردت مطلعتش
وكلهم يهدوا في زهور
فدوه : اصبري يوخيتي اكيد مافيه شئ
نور اتهدي فيها حتا هيا
مرام تحاول ترن علي فراس مرام بخوف : ماما فراس ميردش
____________

فراس بصياح : جيبولي بيرلا
جن الممرضات جري خدوه منه ودخلوا الغرفة العمليات
فجاء استقاط علي روحه انه مكلمش جده واكيد عرف من الحراس ونهارات سود
رن علي جده فراس: الو جدي
الجد كان ف مكتبة هو واحمد ينهوا ف ملفات
هتلر: نعم شن في
فراس : مالك اتصواب واحنا توه ف المستشفى
هتلر بصدمة : ش شء شتقول انت
احمد شبح ل جده ب استغرب وفزع
هتلر : ف اي مستشفي احكي
فراس : مستشفي ******
ج هتلر : هاني جاي وصكر علية وصبه دار جرده
شبح ل احمد: صبي نوض معايا بسرعة
احمد باستغراب: وين
هتلر : خوك مالك تصواب
احمد ناض بصدمة : ك ككي كيف
هتلر : هيا مفيش وقت
طلعوا هو واحمد يتجارو
بينما فراس رد علي اخته وحكالها وهي خبرت امها والعائلة كانت ف حالة صدمة لاكن محد قدر يطلع من الحوش ويمشي المستشفي لانه هدي أوامر الجد هتلر ل الحراس وبحكم انه ميبيش شوشره ف المستشفى
وصل ج هتلر ونزل يجري هو واحمد ويحاول يبان طبيعي ويتحكم ف روحه لانه الجد هتلر نقطة ضعفه احفاده وخصيصآ مالك لانه يد هتلر اليمين في كل شئ
هتلر وصل ف فراس قدام غرفة العمليات بخوف : شن قال الدكتور وكيف صار معاكم هك واصواب مالك
فراس : جدي اهدي وقعمز ع الكرسي مش كويس هك لصحتك وبنسبة لدكتور مزال ف طلع وتوه نحكيلك كيف صار هك
هتلر قعمز : هي ادوي كيف صار هك
احمد مكنش معاهم تمامآ ويشبح ل باب العمليات وكيف خوه الي يعتبر فيه كل شئ هو قاعد بين الحياة والموت وأخيرا شبح ل فراس وانتبهله ويحاول يفهم من دار هك لانه من غير شك حيمشي يشرب من دمه
فراس : وهدي كل القصة
احمد شبحله : كيف موصلتش باخرة الافندي ع الوقت في شئ صار غريب ف موضوع لانه ولا مره اتاخرو ف تسليم البضائع
ج هتلر شبح ل احمد : شكله ف ملعوب ف الموضوع
فراس مقعمز يشبحلهم وخلاص
احمد جاء بيتكلم لاكن اول مطلع الدكتور سكت وعداله بسرعة
ج هتلر : شن حالته حفيدي يا دكتور توه
الدكتور بخوف : ضروري نحصلو فصيلة دم o+ ف اسرع وقت لان الفصيلة هدي مش متوفره ف بنك الدم حاليا و استأذن وعدى
ج هتلر شبح ل احمد : رن علي امك خليها تجي لان هيا نفس فصيلة الدم
احمد بسرعة : حاضر وعدى يرن علي امه
بينما زهور تبكي وتخبط ونور وصبياتها يهدن فيها الا هيا ماليش تهداء عم الهدوء بعد رن تيلفونها
زهور خدته وردت بسرعة ببكي : وليدي شن صارله ليش مسكرين تيلفوناتكم وليدي شن صايرله قلبي عليه نار عليش اديرو هكي
احمد مركز ف أسواقته يحاول يهديه ويحاول يوضح أن الأمور تمام : إمي اهدي مالك كويس توه انتي امسحي دموعك هاني جايك باش تتبرعيله بدم
زهور بخوف :دم عليش هو شن صارله مش هيا إصابة ف كراعه كيف صار
احمد فهم إن فراس مش قايلها الحقيقة
تنهد بضيق : هيا وتي روحك اني خاش عليكم
وصكر باش امه مستالش اسائلة معنداش لها اجوبه
زهور ب استعجال : مرام بسرعة جيبلي عبايتي
فدوه : هيا بنلبس باش نمشي معاك
زهور : هيا بسرعة باش محتاجين دم
نور شبحتلها : فصيلة شنو الدم
زهور ب استغراب : O+
نور بفرحة انها بتقدر تساعد خالتها ولو اشوي : نفس فصيلة دمي نقدر نتبرعله كان تبي
زهور بفرحة : الحمد لله يا ربي تعالي هيا بنيتي البسي عبايتك
وداد تشبح ل نور بحقد : حتا نا بنجي معاكم
امها بتفنيص : سكري فمك وين تمشي جدك محوته قبل ب زهور لولهه التبرع مكان خلها مسكينه تجي
وداد شبحتلهم بحقد وناضت
سمعو صوت كلكس بمعني احمد جاء طلعن بسرعة وركبن وزهور استلمت احمد تهزيب ع مخدوهاش من الاول وعلي تصكيرة التليفونات وهلبا اسائلة علي مالك
واخيرا وصلوا المستشفي دخلت زهور تجري ودموعها ينزلن ولحقتها نور وفدوه وصلت قدام غرفة العمليات ف الوقت الي مشى احمد يجيب امه جوء نص معارف هتلر المستشفي وكانوا معبين الممر كله اول م وصلت زهور مجموعة نسحبت برا المستشفي ومجموعة روحوا
زهور بخوف ودموعها ينزلن : وليدي كنه عليش ف غرفة العمليات ها
ج هتلر شبحلها : مالك متصواب إصابات ف بطنه
زهور شهقت بصدمة : شن شنو ينعلي وليدي قلبي كان حاسس وقعدت تبكي ويهدوا فيها
الممرضه جت : مفيش وقعت لقيتوا متبرعة ولا مزال
زهور : اي انا انا بنتبرع
الممرضة شبحتلها : انتي عندك اي مشاكل
زهور : عندي انسداد ف شراين القلب
الممرضة : ميصيرش لازم متبرعه غيرك
نور : انا بنتبرع نفس الفصيلة ومعنديش اي امراض
زهور شبحتلها بفرحة وكذلك ج هتلر ابتسم برضاء وفراس واحمد وفدوه فرحوا اني نور بتتبرع
الممرضة : تفضلي معايا من هناء
مشت نور معاها وخشت لغرفة قعمزت علي السرير والممرضة جت بتسحب دم نور غمضت عيونها بخوف لان كانت تخاف من الابره هلبا الممرضة سحبت الدم
الممرضة ضحكت : افتحي عيونك كملت نور شبحتلها ببراء : جد
الممرضة ضحكت علي براء نور : اي جد يا اقنينة
نور ناضت بفرحة وطلعت ل خالتها
خالتها برضاء : شكرا بنيتي لولاك معرفتش شنبدير
نور : خالتي متقوليش هك انتي وقفتي جمبي هلبا وهذه مينحسبش بكل
زهور : انتي بنيتي الثالثة
نور شبحتلها بفرحة وحزن لامها الي استحشاتها هلبا
بعد مرور وقت
زهور رفضت تروح الحوش ونور قعدت معاها هي وفدوه لين يطمنو معاها علي مالك ويروحوا
الدكتور طلع بفرحة : المريض ناض وتوه ننقوله ل غرفة عادية وبعدها تشوفو
ج هتلر بفرح : شكرا يا دكتور
زهور بدموع فرح : الحمد لله ياربي
فراس واحمد اضبطو بعض بفرح
فراس : وه أخيرا طلعت من جو الكائبه توه ننزل نشبح البنت الي لابسه فسفوري وين مشت😂
كلهم ضحكوا عليه وهو نزل الكافتيريا متاع المستشفى
بعد مرور نص ساعة
مالك ناض شبح امه الي تبكي بفرح وجده الي يشبحله بسعاده ونظرات الخوف عليه ف عيون خوته ونور وعمته فدوه الي مصبيين علي جنب ❤✨
زهور : الحمد لله علي سلامتك يا وليدي
مالك هز رأسه تعب كلهم اتحمدوله علي سلامته وزهور كملت تهزب فيه 😂
وبعد جهد وإقناع من مالك واحمد وفراس انها تروح وتجي الصبح وافقت
بعدها طلعوه كلهم قعد معاه ج هتلر واحمد
ج هتلر : توه نجي وطلع
احمد شبح ل مالك : كيف صار هك مشفتش وجه الي ضربك
احمد يحاول يتذكر : لالا مشفتاش
مالك : ه البنت شدير كانت هناء
احمد : قصدك نور هي الي جت اتبرعتلك ب الدم
مالك شبحله بصدمة : كيف
احمد حكاله كل شئ وفهمه
الجد هتلر بعد نزل سأل الدكتور علي حالة مالك الدكتور قاله حالته كويسه ومفيه شى أطمئن هتلر ورد الغرفة وهدرذوا شوية ومالك رقد من المنوم
_________________
اشرقت شمس تاني✨
يوم فيه الي متمنية يرجع الماضي ولو شوي باش تشبح هلها الي معاش حست بطعم الحياة من بعدهم كيف نور 💔
و ألي مرقدش اغلب اليل وهو يخمم من يبي يقتل حفيده وشن له مصلحه وخايف يخسر حد من احفاده وملزوم يبان بكل قوته وجبروته قدام الناس كيف الجد هتلر
والي مصدق حط رأسه علي الوساده بعد يوم متعب باش يرقد و ينوض يكسد علي خلق ربي كيف فراس 😂
والي رقد بهدواء والي هو الهدواء م قبل العاصفة كيف احمد
والي رقد بتعب بعد م كان بين الحياة والموت وهو اليوم بفضل ربي رجع ياخد ف أنفاسه كيف مالك
____________
العائلة كلها مقمعزه تفطر بهدواء بعد رجوع مالك من المستشفي والعمات بيتات هنا الثلاثاء
قاطع الصمت القاتل الجد هتلر وهو يقول : فراس عدي جيب من الحوازه 7 حواله باش نديروا عشاء علي طلعة مالك بسلامة
فراس بتمتمه : كان حد مرض فراس شيله كان في عزومة فراس امشي جيب من الحوازه حواله وخضره من السوق كان حد بيخش الحمام فراس خشيه الحمام فراس جيب العشاء فراس كان متت ادفن روحك
الجد هتلر شبحله وناض : كلامي واضح راه نسمع فيك
فراس سكت وكلهم مسكوا ضحكتهم عليه
طبعا كلكم تعرفوا اجواء العزومات
كل وحده شاده حاجة ادير فيها ونور معهن ف تطييب
العشاء واغلبه هيا الي دراته جوء المعازيم تعشوا تكمل العشاء منبيش ندقق ف التفاصيل هدي لان الأحداث هلبا
______________
مالك واقف يدخن ف البلكونة شبح نور مقمعزه ع السرير وفاتحه الروشن وهو غرفتة مصادره غرفة نور
نور ماسكه صورة وتبكي : ماما استحشتك هلبا ياريت خليتني معاك استحشتك انتي وبابا هلبا ماما انا معاش عارفة كيف بنكمل حياتي من غيرك انتي وبابا انا محتاجتك هلبا يا ماما وقعدت مظبطه الصورة وتبكي
مالك شبحلها ووجعته كيف تبكي بعدين فاق علي روحه وقال : دلع انتايات وكمل دخانه وصكر الروشن ورقد
تاني يوم الصبح امس روحن العمات كل وحده لحوشها
بينما العائلة تفطر زهور استغربت اني كيف نور منزلتش لين توه زهور بتوجيه لمرام : عدي سلم بنيتي شوفيها كنها مزال منزلت لين توه
مالك كان يفطر ومش عاطي الموضوع اي أهمية
طلعت مرام باش اتشوفها دقت علي الباب مرتين محدش رد فتحت الباب كانت الغرفة مرتبة ونور مش قاعده مرام بصدمة : هدي وين عدت دورت عليها ف الحوش كله ملقتهاش
نزلت تجري مرام : ماما نور مش قاعده
زهور بصدمة ناضت : كيف مش قاعده شتقولي انتي
مالك شبحلها بصدمة وقال بهزوة : ها استلمي عندك قتلك من قبل متجيبيش ها الفرخة شوفيها مع من هربت
زهور كان حد ضربها بضئ قعدت ادور عليها هيا ومرام وآسيل مكتتش عاطية الموضوع اي أهمية
مرام تهدي ف زهور : ماما بلكي طلعت شئ مكان وبترد
زهور قعمزت بصدمة : وين عدت كيف تطلع من غير متقولي وهيا متعرف حد هناء
مالك يدور عليها وعروق رقبته بارزت من كثر الغضب ولو ف الحظة هدي لقها كان بيشرب دمها
زهور ركتها عيطه هزت اجزاء القصر كلها واقفة تشبح بصدمة هيا ومرام ف المنظر الي قدامهن
صدمة احمد وفراس ومالك حتي هو الصدمة متقلش عنهم بعدد شبح المنظر
مكان حد مصدق الي يشوف قوي قدامه .
_________________
ياترى نور وين مشت صح هربت كيف مقال مالك ؟
مالك الواضح يكره نور هلبا شسبب ؟
شن الشئ الي شبحوه العائلة والي صدمهم صدمة صاعقة ؟
هضا كلها بنعرفوه في الحلقة الجاية انشاء الله
حلقة اليوم درتها طويله 2000 حرف
وصلوها 50 كومنت و 60 لايك انزل الحلقة الجديده
🔥الكاتبة الأميرةة الصغيره 🔥