احفاد هتلر 🔥(روايات ليبيه)

7🔥

اللهم صلي على سيدنا محمد ✨❤
في صباح ثاني يوم يوم يحكي هلبا تفاصيل صارت مع ابطالنا ✨♥️
نور مقمعزه وهيا تتذكر الأحداث الي صارت معها امس
فلاش باك
مصبية نور ف نص الهوتيل بعد لوصلت بصعوبةة بسبب الفيلوا
واخيرا وصلت وقمعزت علي الكرسي بكل هدوء منتظرة شن حيصير وغارقة ف افكارها لين قاطع صوت افكارها مالك وهو يقول : اشبحيلي هنايا
شافتله بنظرة خوف نظرة خوف من مستقبل مجهول لان عارفة اني خلاص مصيرها تحدد مع مالك وخوفها من شخصيتة وكيف تزوجها .
مالك ببرود : إني نعطيك قوانين كانك مشيتي عليهن حتقعد راضية وضامنة حياتك ولاكن لو خلفتيهن وفجاة تحولت نظرته حتشوفي شي في حياتك مشوفتيهوش والاحسن متشوفيه الكلام هذا دب الخوف ف روح بطلتنا ويويلك ينور من حياتك المجهولةة مع مالك
هزت راسها ك استجابة لكلامه
كمل مالك : طلوع ف اي وقت انسي تطلعي بدون علمي ممنوع تعلي صوتك قدامي ممنوع تطلعي لصحباتك ممنوع تساليني علي حياتي ووين ماشي ووين جاي اياكي تجربي تديرها تخالفي كلامي يويلك قعدت نور تسمع وتشبحله ف نفس الوقت مصدومة من كلامه اصلا هو شن الي مش ممنوع خافت وفضلت السكوت وعدم الاعتراض لانه عارفه انه مش ف صالحها .
مالك بعد شبح علامات الدهشة والصدمة علي وجها
وبينهن علامة الرضا محبش يذيد عليها وطلب منها ترد لي الغرفةة الي اشرله عليه وانها ترقد ومترجهش ناضت بصعوبة وفكت السيور متاعات الفيلو بصعوبة واخيرا خشت خذت دوش بارد لعلى وعسي يطفئي ولو جزء بسيط من الالم الي داخلها .
فلاش
استقاظت من تفكيرها وهيا تردد ف جملة علاش يصير معايا هك يربي انا شن درت ف حياتي من سيئة باش يصير معايا هكي
مالك بجمود : هيا الحقيني
نزلت وراه وهيا لابسةة العباية باش تروح توتي روحها للمحضر
_____________________

تسريع الاحداث
كانت مقمعزه علي كرسيها تستقبل في المباركات وتعارف باقية عائلة مالك عليها ومر المحضر ك اي محضر ليبي وكلنا عارفين الاجواء الي تصير فيه
سرعان ملقت نور روحها في غرفةة ديكورها كل علي الاسود قعدت تتصفح فيها بعيونها بعد غيرت حوايجها قررت تستلم لنوم هاربةة من مالك ومن واقعها

____________________________

احمد بعصبية موجه كلامه لخوه : كيف كيف فهمني شن الي مخططله بظبط
شبحله مالك ببرود : وانت شن الي واجعك في الموضوع يعني
احمد يحاول يصيطر علي عصبيتة باش يفهم خوه ولان هو اكثر واحد حافظ مالك : مالك يخوي ميصيرش من الي قلته توه مفكرتش في امي شن حيصير فيها ولا بنت خالتك اهيا الي مزال مكملت يومين عروس
مالك ب اصرار : انا قراري أخذته وحسمت الموضوع وامي م عليك فيها
سكت احمد وهو مش عارف كيف يتصرف مع خوه وعناده الي هو متاكد انه حيدخل في طرق هو ميبهاش بكل
____________________

مصبي يشوفلها وهيا غارقة في نوم عميق كيف الملائكة مكانش بكل يبي يجوزها بطريقة هدي مع انه هو اكثر واحد عارف انها بريئة ومليهاش ذنب في الي صار بكل طبع بوسةة هادية علي رأسها وقرر ينفذ الي يبي غدوة مش حيقطع عليها نومها العميق انسحب بهدوء من جمبها ودخل ياخذ دوش علي امل التفكير يرحمه ولو شوي .
_____________________
راقدة زهور في غرفتها تحاول تقنع روحها ان الي داراته هو الصح زواج نور من مالك الشي الأنسب ليها لان هيا عارفة ان احمد أو فراس مش حيتحملوا مسؤولية نور وأن مالك هوا اكثر واحد تعتمد علي لاكن هيا خايفة خايفة من نفس الشئ الي خايف منه احمد ومش عارفة شن حتكون ردت فعل نور لاكن هيا متاكده ان مالك مش حيدير الحاجه اهيا .
_____________________