احفاد هتلر 🔥(روايات ليبيه)

17🔥

بعد كل شي صعبً يمر لازم ترجع القوى اضعاف مًكانت رغم انِ الموضوع محتاج وقت لاكن صارالعكس مع تقوى من اليل وهيا تخمم في موضوع اختها الي ضهر فجاء وبدون سابق إنذار هيا كانت حدمر حياة اختها اختها الي مكانت تعرف انها عندها اخت ! مكنتش تعرف حتى إن عندها اهل غير هلها الشي هذا خلاها تعيد تفكيرها وتراجع حساباتها والاهم تشيل عيونها من علي زوج اختها

_________________

صباح يوم جديد 🌤️❤️
النسمة الباردة طاغية علي الجو تمهيداًلدخولً فصل الشتاء ❤️🌥️

قمعزت علي سريرها بتعب وهياحاسه بشعور اول مره تحسه ناضت تجري علي الحمام بعد حست انهاْ بتستغرغْ طلعت من الحمام وهيا عاقدةً حواجبها وحاطه يدها علي بطنها ب الم شبحلها وهوا راقد في السرير
مالك : خيرك
نور بتعب : بطني توجع فيا
ناض من علي السرير وقرب منها وغمز : شنِ الدورة ولا
نور بصدمة وخجل : خيرك رايح سخيف
قرب راسه وحاصرها علي الساس ودفن راسه في رقبتها تحت صدمتها
مالك : مرتي وحلالي ونقول الي نبي ولو غيرك كنت قتلته علي الكلمة هدي حس برعشتها في حضنه ورفع راسه وقرب علي فمها بمفه : ولانك حبيبتي
شبحتله نور بصدمة ومش مصدقه الكلام ومش مستوعبه انٍ هذا مالك😂😂
قاطع الحظات الزوجية السعيده دخلت ادم عليهم مداهمه وهوا عاقد حواجبه وقال قبل لايشوف المنظر بعصبية :عليش شلتوني داري مش قلت نبي نرقد وسكت وهوا يشبح للمنظر بصدمة ومالك مزال مستمر دفاته نور من عليها شبح مالك ل ادم وبرود :خيرك
ادم شبح لباته ورخاء حواجبه الي كان عاقدهن كيف مالك ونور ماسكه ضحكتها ب الغصب : شن كنت ادير
مالك برفعة حاجب : شن يفرخ تبي تعرف مزال بدري وبعدين امتي بتتعلم ادق الباب ولا تبيني نصكره ب مفتا وقاطع كلامه نور الي ردت الحمام تجري شال هوا وادم نظرهم من علي نور وشبحوا لبعضهم ولحقوها😂😂.

_____________________

دقت علي الباب وهيا منتظره انفتح الباب وكانت اميرة
اميرة ب ابتسامة : اوه تقوى واخيرآ نورتينا تفضلي وبعدت من طريقها خشت تقوى وصكرت الباب واضبطتها : والله مفضيتش بكل من وقت جيت
اميرة : عاذرتك حبيبتي قالتلي خالتوا انك كنتي توتي لصفقة انتي وشركة
تقوى : اي صاح وين وداد وخالتي
اميرة : ماما طلعت ل جارتنا مريضة ووداد في غرفتها كان تبي امشيلها
تقوى ناضت ؛ اي بنمشيلها انديرهالها مفاجاء
اميرة بضحكة : بعدك اتحب المفاجات تفضلي غرفتها فوق تاني غرفة علي اليسار وانا انوض نكمل ترتيب غرفتي
تقوى : تمام حبيبتي منعطلكش ومشت طلعت وداد قبل لا تفتح سمعتها تكلم في التيلفون قررت تسمع عليها
وداد بضحكة : هههه ضحكتني انا اصلا مستحيل مستحيل نفرط في مالك ولو علي جثتي والهبله تقوى ضحكت عليها بكلمتين وصدقت بنت خالتك وعارفها هبله
سامي خوها : اي هك تعجبيني نبيك اديري الاِ انا مقدرتش انديره
وداد بخبث : متخافش اطمن تربايتك
تمالكت تقوى اعصابها وقالت في داخلها : حيجي يوم ونحاسبك اشد الحساب يكلبه وبعدت خطوتين علي الباب : دودي وينك
وداد بصدمة : صوت تقوى صكر صكر ان شاء الله مسمعت شي وصكرت دقت تقوى  علي الباب
وداد : تفضلي تقوى
دخلت تقوى ب ابتسامة حضنتها وهناء وداد تاكدت انِ تقوى م سمعت شي خذت نفس ب راحة : اهلين حبيبتي ولفت يديها حظنتها وبعدت واشراتلها علي الكرسي : تفضلي قمعزي
قمعزت تقوى وهيا جابت كرسي وقمعزت قدامها : اي شن سبب الزيارة الحلوى
تقوى ب ابتسامة خبث : نبي نعرف الخطة ب الكامل وشن الي عليا وشن الي عليك باش نعرف كيف نصرف
بدت وداد تحكي ل تقوى في الخطة الي بيديرواها وتقوى تسمع بكل تركيز "تقوى طلبت من امها وباتها وجدها انِ محد يعرف بموضوعها هيا ونور "

__________________

حطت يدها علي كتفها لفت : خيرك
اسيل : من بكري وانا نقول ي ماما مترديش
زهور : لا غير شردت في موضوع قديم
اسيل : ان شاء لله خير كلمي احمد يمشي يجيبلي من اميرة الشيت
نسيته عندها وملقيتش فراس
زهور ناضت : تمام توه نشوفهولك
________________

طلعت من الحمام وهيا علي وجها علامات الصدمة : ح ا م ل  م ع قولة انا حامل
طلعت تجري ل مالك : مالك مالك
ناض مالك بفزع ومسك ادم الي كان في كتره قريب طاح : خيرك شن في
نور ببكاء : مالك ا ن ا
مالك حط ادم وقرب منها بخوف : انتِ شنوا احكي
حضنته بفرحه ممزوجه بدموع : مالك انا حامل
مالك مش مستوعب : كيف
نور بعدت عليه و بستغراب : شن كيف مالك انا حامل منك حبيبي واحنى مخذيناش احتياطاتنا
مالك حضنها بفرح : قصدك توه في قطعة مني في بطنك وحط يده علي بطنها توه لازم نمشوا اديري تحليل باش نتاكد هيا تعالي معايا

___________________

فتحت الباب اول مًشافت احمد ارتبكت : ا ح مد تفضل
احمد عزق الدخان : ذيد فضلك لاكن جاي مستعجل اسيل قالت انها ناسيه شيتها عندك
اميرة : اي صاح خش لين نجبهولك
دخل احمد وقمعز علي الصالون وهوا يستني فيها
خشت لغرفتها حطت يدها علي قالبها : اه يا احمد كان تعرف شن يصير فيا بعد نشوفك يارب كان مفيش بينا نصيب شيل حبه من قلبي وهنيه مع غيري نزلت دمعه حاره ومسحتها بسرعه وخذت الشيت ومشت وتتله قهوة وحطتله من نوع حلوه المفضل وكذلك هيا "المقروص" طلعت مدته له : تفضل
احمد خذاه منها: صحيتي مكانش في داعي اوه مقروض
ضحكت اميرة
شرب من القهوة وذاقه : مشاء الله طعمه قنينه من داره
اميرة بًابتسامه : انا
احمد : معنها مش شوري بكرا نجيك ناخذ منك سطل كامل
ضحكت اميره بفرح : ادلل من عيوني اصلا نوع المفضل عندي
احمد كمل القهوة :ًيسلموا اموره اوه طلعنا مشتركين في نفس الحلو
ضحكت اميرة بخجل كونه اول مره يهدرذ عليها واخرى يناديها ب اسم دلعها
احمد صبي وخذى الشيت من علي الطاولة : هيا ما تبي شي
اميرة صبت معاه : لا مغير سلامتك
وطلعت مع لعند الباب
احمد رفعلها الوشاح الي قريب يطيح من علي راسها : افطنيله ومعاش تحلي انتِ الباب ومشي وصكره خلفه
مسيبها مصدومة خلفه وحتى هوا مصدوم من تصرفاته بينما اميرة اصبح عندها بصيص امل انِ يقعد حبها من طرفين هزت راسها تطرد في الافكار وتمشي ادير المعمول الي بدت فيه بكل حب وشغف وكانها اول مره ادير معمول .

_____________________

طالعت من المستشفي  وركبت في السيارة وهيا علامات الفرح معبيه وجها كونها سمعت احلى خبرين في يوم واحد اعتراف مالك بحبه وحملها وشبحت لتحليل الحمل بفرح وردت شبحت ل مالك الي يشبحلها بحب وكانه اول طفل بيجي وادم الي مقمعذ في النص ويسفق وفرحان انه بيجيه اخ او اخت هناء نور حست ان الحياة بدت تضحكلها بس هل يترى هيدوم الحال هذا او حيصير شي يقلب جميع الموزين
نور شبحتله : نمشوا نخبروا خالتوا
هز مالك راسه وولع السيارة وطلع وهوا شعور الفرحه مسيطر عليه ولاكن هل حيدوم الشعور او حيتلاشى؟
يتبع........