احفاد هتلر 🔥(روايات ليبيه)

19🔥

في اوقات الانسان يتمنى فيهن الموت بس في سبب يمنع فيه وكل يوم الايام يمرن والالم يذيذ اليوم مر علي بطالتنا 4 شهور
مصبيه تشبح لروحها كيف الحزن سيطر عليها تشبح لبشرتها الشاحبه وللهالات السوداء تحت عيونها من قلت النوم واخيرا حطت يدها علي بطنها الي بدت تكبر اليوم كملت 5 شهور حامل مباتش تشوف جنس الجنين قمعزت علي السرير بتعب وهيا لين توه حاسه انٍ الي صارلها حلم💔.

________________

اميره خشت بملل فتحت روشن الغرفه وشبحتلها : لامتى
وداد عزقت التيلفون من يدها : نبي نفهم كنك معايا
اميره قمعزت جنبها ومسكت يدها بحنان : لكِ فتره متغيره وحابسه روحك في الغرفه
قالت وداد بشرود : خايفه من عذاب ربي
عقدت حواجبها : كيف
وداد وهيا مش فاطنه لروحها : انا السبب في موت مالك ودموعها تنزل بغزارة انا ا ن ا الي حطيت القنبله في سيا ر ت ه مكنتش ن ب ي نقتله وكملت تبكي والتفت بصدمه بعد سمعت صوت شي انكسر : م ا م ا
اسمهان بصدمه : كيف قدرتي اديري هك كيف بنحط عيوني في زهور وباتي ومسكتها من شعرها وعطتها طريحه سمحه
اسمهان : انا فعلا معرفتش نربيك سودتيلي وجهي وطاحت من طولها جرتلها اميره وهيا مزال تحت تأسير الصدمة

______________________

مصبي يدخن ويشبح للعشب الي قدامه بتعب الضحكه الي ديما مرسومه علي وجه اختفت قاطع تفكيره يد انحطت علي كتفه قال بتعب : اسيل اخطيني
غفران بتردد : ك يف حالك
التفت عليها وهز راسه بهدوء ومشي
زفرت بحزن علي الحال الي وصلوا له وانها السبب الاكبر 💔

____________________

زهور مقمعزه كيف العاده تقراء في قران بعد موت مالك ذادت تقربت من الله اكثر رغم انٍ الحزن مسيطر عليها ب الكامل حطت جمبها المصحف بعد سمعت اسيل تقول : ماما وينها مرام
زهور صبت واتكت علي الصالون بتعب : مشت تشوف نور هيا وتقوى
اسيل هزت راسها : واحمد خيره ليا يومين معاش شبحته
زهور بحزن : مالك كان اقرب واحد له ومن وقت وفاته وهوا حزين عليه هلبا ودموعها نزلن انا لين اليوم حاسه روحي في حلم اخ علي الوجع الي فقلبي عليه
جرت لها اسيل وخذتها في حضنها ودموعها ينزلن : كل شي مكتوب من عند الله فا لا اعتراض علي حكمه لازم تقوي روحك علي الاقل علي شان حفيدك ونور كلنا مالك واجعنا لاكن مافي شي في ايدينا غير الصبر

___________________

نزل وهوا يمشي بجسمه السموني شعره الناعم الكثيف المتساقط علي عيونه وعيونه الزرق وكانه بحر ادم كان نسخه من مالك في عيونه وشعره وطريقة كلامه نسخه مصغره منه ادم في الايام هدي بداء يرايف لبوه هلبا وكل يوم يسال نور وين بابا افتقده بكل لان تعلق بيه رغم آنه عاش كم سنه بعيد عليه لاكن كان صغير هلبا وتوه تعود عليه .
دق علي الباب دقات خفيفه : ماما
ابتسمت بهدوء كونها كل متشوفه تشوف مالك ممكن ادم هوا الشي الي مزال مصبرها علي الحياه وكونه تعلم يناديها ماما : تعال حبيبي
خش بخطوات هادئه سرعان م فتحت له أيديها وجاها يجري باش يرتمي في حضنها : شنوا حبيبي كنك زعلان
ادم بحزن : مامي ابي (نبي)بابا
بساته علي راسه بحزن كونها حست بنفس شعور ادم لانه مجربته وهوا توه اصغر ف اكيد حيحسه اكثر وجعها قلبها عليه وعلي طفلها الي مزال مجاء : ادومي بابا في مكان احلى من هناء بهلبا
ادم بطفوليه : باهي علاش مخذناش معه
نور : حيجي يوم واحني نمشوله وسكتوا بعد سمعوا جرس الباب نزلت من علي سريرها بهدوء بعد لبست ملاية الصلاء وخذت في يدها ادم ونزلت
شافت من كميرة الباب تقوى ومرام فتحت الباب واسقبلتهن ب ابتسامه : تفضلن حبيباتي
فلاش باك
وقتها مالك مرت علي وفاته شهرين دق الباب وفتحت اسيل كانت نور عند زهور بعد اصرار منها انها متتحركش من عندها لين تكمل 3 شهور ونص حمل علي الاقل ونور لان معندهاش جهد تناقش وافقت في وقتها جت تقوى وخشت ب كل قوة : سلام
كل الموجدين : وعليكم السلام
زهور : تفضلي قمعزي ببنتي
تقوى : ذاد فضلك خالتي بس انا جايه نبي نحكي مع نور ب موضوع بوجود الكل
شبحتلها نور بتعب : تفضلي
تقوى ب كل قوه : نورتكون اختي وانا اختها الي تخطفت من 25 سنه
شبحتلها نور بصدمه وكذالك باقيه العائله لا تقل عنها
نور بصدمه : ش ن كيف مفهمتش
بدت تقوى تسرد في احداث القصه وكيف عرفت وشن صار وحكت كل شي وقتها نور اغمى عليها من اثر الصدمه لاكن مع الوقت تقبلت واستوعبت
"تقوى مكانش في بالها تازي اختها او مالك واستمرت مع وداد حتى تقدر تمنع اي ازئ علي اختها وتوه بعد تاكدت إن حياة نور بخير اعلنت الخبر وكان صدمه لجميع واكثرهم وداد"

باك

مقمعزه متمدده علي الصالون بتعب : لا منبيش
تقوى ب اصرار : يا وخيتي ضروري تعايني وتكملي متابعه عند الدكتور هدي الامانه الي سببها لك مالك اديريلها هك
نور نزلن دموعها بتعب : حتي فرحتي بيه انطفيت لوًكان يومتها جاء خاطري فئ الفراوله راه مصارش الي صار
شبحت تقوى ل مرام بحزن وهيا بادلتها نفس النظرات وقربن عليها حضننها .

__________________

يوم عن يوم يمر وانا الالم في قلبي يذيد هل كان هذا اخار لقاء بيننا لما لم تخبرني كل يومآ نارالاشتياق تذيد تشتعل قلبي لم يعد يشعر ب اي فرح كل الفرح والنور اختفاء ورحل معك وحل بعد رحيلك الحزن والظلام اخبروني اين يباع النسيان وكيف لي ان اعود لنفسي وكيف لي ان اجد ملامحي السابقه
نور#💔

_____________________

نشبح لروحي ووللحاله الي وصلت روحي فيها بسبب الحب 💔
ياريت سيبتك في حالك ودعيت ربي ينسيني فيك ليش بس تصرفت ب انانيه كانت هذي اخار كالمات تقولها وداد 💔.

_______________

من اليوم معاش حنهتم ب اي شي الا بروحي صح تصرفي في نسبه انانيه بس هذا الصح حاولت بكل الطرق اني نقرب منك لاكن الواضح انٍ حبك الاول مزال مسيطر علي قلبك انا اسفه يقلبي بس انت حبيت الشخص الغلط 💔
#اميره💔.

__________________

يوم عن يوم يمضي ومفيش شي جديد الحزن استوله علي جزء كبير من القصر المه الي كانت كل يوم في الصبح واجب إن العائله كلها تلتم عليها اليوم معاش نشوفوا في بعضنا الا في الاشياء الضروريه رغم إن يجمعنا سقف واحد لاكن كل شخص فينا اعتزل علي الاخر انا معاش طلعت اكثر شي فاجانئي مكالمه نضال يسال فيا علي حالي واحوالي ويعزي فيا علي خويا عجبني تصرفه رغم انه مشافش مني الخير 💔.
#مرام💔.

________________

من الاول مكانش لازم نلعب ب بنات الناس شجعت اختي علي الشر كنت سبب في موت شخص وسبب في تدمير هلبا حيات بناس وتكسير وخيبه قلوب بنات طالع من المستشفي ونشبح ل التحليل في يدي ربي بس عطيني فرصه نكفر علي خطيايا وخوذ روحي .
#سامي💔.

يتبع.........