في ظروف تجبرنا اني احنى نكملوا في الي بدينا فيه مفيش فرصةة لاتراجع في أوقات التراجع فيها ممنوع أو جائز لاكن في شي مانعك كيف !
نفس الي صاير مع بطلتنا فكرت تتطلق لاكن هيا ادركت اني معندهاش مكان غير حوش خالتها 💔.
______________________
صباح يوم جديد يوم بيعشوا فيه ابطالنا تفاصيل جديدة ومشاكل جديدة ولاكن بينهم شعور جديد 🌤❤.
مقمعزه علي سريرها وفكرت في شكل أدم كيف بريئ هيا مش قاسيةة لدرجة انها تحقد علي طفل مشافش من الحياة شي في نفس الوقت سخفت علي حالته هوا كيف تحمل الكم سنة من غير أمه وباته حتا لو كان طفل بس هو محتاجهم ف ابسط تفصيل في حياته وجعها كيف عايش من غير ام هيا اكثر وحده عارفة شعور انك تعيشي من غير ام قديش صعب لذلك قررت انها لو تعبي فراغ بسيط في حيات أدم تحاول تعوضه عن حنانها رغم اني مفيش شي يعوض حنان الام .
ناضت بنشاط خدت دوش تحاول تهدي افكارها
وطلعت لبست توتة طويلة وحطت طربوشها كونها عارفة اني فراس واحمد مش قاعدين وحتي لو قاعدين اكيد في الدور الي تحت مستحيل يرقوا فوق
طلعت بهدوء شافت ضي الدار الي مقبلتها والع كان محلول شوي قعدت تشوف المشهد الي خطف قلبها
ادم بشدوقة الورديات ورموشه الكثيفة كيف باته وشعره الي مغطي جبينه وبجسمه الدبدوب شوي حرفيا كان منظرر يخطف القلب وخصوصا هيا مركزتش علي امس قعدت تشوف ل المربية (سالمة )
كيف تحاول توكل فيه وهوا رافض قررت تدخل
جيت علي الباب طقة خفيفة شبحتلها سالمة ب ابتسامة : تفضلي خشي بنتي
نور : صباح النور
سالمة : صباح الورد تعالي قمعزي جمبي
جت نور وقمعزت بهدوء وسط نظرات أدم الطفولية
جت قمعزت جمبه علي طرف الصالون الي كان في الغرفة الغرفة الخاصة بي الضيوف بينما يجهزوله غرفته قررت تبداء تحكي معاه سألته بنفس نبرته الطفولية : كنك حبيبي ليش متبيش تاكل
شبحلها أدم واكتفاء بسكوت لين قاطعت السكوت سالمة : هوا صعب يتكلم مع حد مبيعرفوش بسهولة الحكاية عايزه مسألة وقت "المربية مصرية "
نور اكتفت انها تهز راسها وتحاول من جديد لاكن سبقها أدم بصوته الطفولي : انا منبيش ناكل
شبحتله كيف متوتر وكيف ماسك ايديه ويفرك فيهن من التوتر سألته : باهي عليش حبيبي عادي نقعدوا اصحاب ونهدرذوا مع بعض هو سرعان م شبح ل مربية بيشوف ردة فعله اكتفت انها تهزله رأسه واستاذنت وطلعت مسيبه نور مع أدم
نور : باهي شن رايك نوكلك انا
شبحلها فترة بعدين هز رأسه ابتسمت هيا انه بداء يستجيب معها وبدت توكل فيه بشوي وخايفته يغص كملتله ورفعت السفرة علي جنب وبدت تتبادل الحديث معاه
نور بفضول :شن اسماء كرتونك المفضل
أدم بحماس : ماشا والدب
ضحكت علي برئته : تعرف حتى انا نحبه هلبا
ضحك وكمل كلامه وهوا يحرك ايديه ويحكي وهيا سرحانه في حركته الطفولية
أدم : حتا كرتون سبونجبوب
نور : اي صاح يهبل
بعدين سألها شن اسمك
ردت علي : نور اسمي
سالته بعد تردد كبير قررت تسأله : ادومي
ادم : نعم
نور : انت تعرف وين ماما
أدم هز رأسه
نور : باهي وينها
أدم ببرائة : هيا فوق عندي ربي بابا قالي بعد تولي راجل كبير توه تشوفها
اظبطته باش ميشوفش ادموعها وهو بادلها الحضن : متبكيش نوني
ضحكت وسط بكاها : حلو نوني
ادم ضحك وخدوده توردا قريب عظتهن من جمالهن
بعدين قالت له : حتا انا ماما عندي ربي فوق
أدم : حي معنها بعد نكبر تمشي معايا نشوفهن مع بعض
هزت رأسها وقعدوا يهدرذوا من موضوع لموضوع كانت معجبه بي وبسلوبه في الكلام وخدوده الي توردوا بعد يخجل أو كيف يدلع فيها مر عليهم ساعتين ونص وهيا مش فاطنة للوقت
نور : توه ادومي بننزل نشوف حنك "جداك" بعدين نجيك نكملوا
ادم هز رأسه وقرب منها مسك وجها ب ايديه الصغيرونات وسط استغربها وطبع بوسه علي خدها شبحتله بصدمة القطة خطفت قلبها وقالها : وعد تجي باهي
هزت راسها : وعد يا حلو
أبتسم وحطتله علي كرتون ماشا ونزلت مسيبته راقد في السرير ويتفرج علي التيلفزيون ادم خطف قلبها بحركاته الطفولية نسيت موعد الفطور الي فاتها قررت تنزل تشوف زهور نزلت
زهور : صباح الخير بنتي
نور ب ابتسامة : صباح الخير خالتو
زهور :مشاء الله جوك رايق اليوم
نور قمعزت جمبها : قبل مننزل خشيت هدرذت مع ادم جوه حلو
ابتسمت : آدم يخطف القلب مفيش حد يشوفه م ييحبهش بس يبنتي انتي مش زعلانه بسبب وجوده
نور : لا يخالتوا مهما كان هوا طفل ومذنبه شي في الي صار
ابتسمت زهور وهيا فرحانة من تفكير نور
__________________
مقمعز يدخن ومش معدل علي خوه وكلامه
احمد : توه انت درت الي فبالك من دون تفكير
اكيد الكل عرف ب أدم
مالك : اي وخليهم يعرفوا
احمد : تي ازف شن البرود الي عندك يراه حياة أدم في خطر هك
مالك : خليهم يجربوا يقربوا
احمد بغضب : نفس الجملة الي قلتها قبل م اروئ
قص كلامه مالك بعصبية : معاش تجيب اسمها علي لسانك معاش نبي نسمع اسمها اسكت
سكت احمد اضايق انه جبد اسمها في الموضوع
اروئ تقعد " ام أدم "
_______________________
النمس : وين كان ولده كل هلمدة
عمر : تقريبا في فرنسا مع مربية اسمها سالمة مصرية الجنسية
النمس : جبتلي معلومات عن مرته
عمر : نعم يسيدي تقعد من قرية ***** في مدينة ال ****** بأنها موضف في شركة **** ولاكن من فترة توفاء هوا ومرته مرته من عائلة **** اكيد عرفتها نفس عائلة أم مالك وفي نفس الوقت اختها يعني
يعني هيا بنت خالت مالك بعد هلها توفوا جبتها خالتها عندها وجوزتها لولدها
النمس بتفكير : كويس معنها بنبدواء فيهم
عمر : تمام
بديوا يحطوا في خطة يحاولوا يقضوا فيها علي مالك
_____________________
روح الفيلا تالف حاس انه هموم الدنيا فوق كتافة دخل خذى دوش علي امل انه يروق لاكن كان حاس رأسه بيطربق من كمية الصداع والتفكير قاطع الافكار هذي صوت دقات بسيطة علي الباب هوا عرف الدقات هذين لمن : تفضل
دخل بجسمه السموني لدار من غيره أدم 😂❤
أدم : بابا رايفت عليك
مالك فتحله ايديه وسرعان هوا جاء يجري وارتمى في حضنة : حتى انا رايفت عليك بابا نبي نقولك حاجه
مالك رفعه وصبي رقد علي السرير ورقده علي صدره : قول يروح بابا
أدم : اليوم قعد عندي صديقة
شبحله مالك بستغرب لان عارف اني صغار الجيران ميجوش عندهم وكذلك في عائلته مفيش صغار من سنه أو اكبر منه شووي
مالك : منوا هدي يبابا
أدم ناض قمعز وقعد يحكيله بحماس علي الي صار اليوم وكيف جاته نور بعدين قاله : هيا ادلع فيا ادومي بابا نوني سمحه بكل وشعرها سمح
قرصله مالك خده : وانت منين شفت شعرها يا صايع
أدم ضحك ببراء وكمل يحكيله في تفاصيل يومه وهوا يستمع له بحب المظهر هذا مفارقش عيون نور الي تشوفلهم من غير ميفطنولها قاطع تفكيرها مرام جت تجري
يتبع.......
___________________
اسفة علي التاخير غير كان عندي ظرف ومحبيتش نخلف بالموعد ❤.
تصبحوا علي خير + رايكن في الحلقة
بنات فضلا علقن فوق ال 5 تعليقات باش الرواية توصل ل اكبر عدد
باي حبيباتي ❤.
أنت تقرأ
احفاد هتلر 🔥(روايات ليبيه)
Actionإعلان الروايه 🔥 تحكي علي أكبر عائلة في الابلاد احفاد هتلر اكبر تجار مخدرات في الابلاد وعلي الحفيد مالك المعروف بقوته وغروره اول الناس ميسمعو اسمه يرعشو ش السبب؟ وشن بيصير بعد اتعيش عندهم بنت العائلة البسيطه بنت معندها حد غير خالتها زوجة اكبر تاجر...
