احفاد هتلر 🔥(روايات ليبيه)

14🔥

نزلت بخطوات ثابتةة خطوات كعبها اطق في الارض
رفع عيونه شبحلها لاكن سرعان م غير نظرات عيونه في اتجاه معاكس
تقوى : كيف حالك يا احمد
احمد عزق طرف الدخان وعفس علي : مليح
تقوى : وين مالك
احمد برفعة حاجب : في حوشه مالك
تقوى : عطيني النعته
احمد : تقريبا معندكش شغل مع مالك مزال
تقوى : أحمد لو انت
قاطعها احمد : مالك توه راجل مجوز ومتهني من مراته وولده ياريت تسيبي في حاله لان وقتها حتشوفي شي مش حيعجبك وسيبها ودخل ل داخل
خدت بعضها وطلعت بعصبية وبصدفة تلاقت مع وداد جايةة ل جدها
وداد بخبث : اوو تقوى كيف حالك
تقوى ببرود : تمام وانت كيف حالك وحال خالتي
وداد :امورها تمام
تقوى : اوك انا توه بنمشي عندي شغل وجاية بتمشي وقفها صوت وداد وهيا تقول
وداد بشر : انا عارفه انك تحبي مالك وكنتي علي علاقة ب احمد
التفت عليها تقوى بصدمة : ك ي ف
وداد قربت منها بخبث : متخفيش الموضوع حيقعد سر  واحنى الاتنين هدفنا مشترك
تقوى : قصدك انتي
قاطعت عليها وداد : اها انا نحب مالك كنت
تقوى : وتوه
وداد : توه معاش يهمني كل الي يهمني نتخلص من نور
تقوى بتكلم قاطعتها وداد : عارفة اني افكارك متخلبطة توه عارفه انك مزال تحبي مالك وخشيتي في علاقة مع احمد خصوصآ باش اتقربي من مالك كل شي عارفته مفيش داعي تشرحي شي انا كنت جاية بنشوف جدي وفي نفس الوقت كنت بنجيكم لاكن وفرتي عليا مسافة توه منبيكش تقولي شي بعدين تندمي عليه حنسيبك يومين اتفكري وتردي عليا وخليك عارفة اني لو وافقتي حتقعدي اختارتي الصواب وتوه ب السلامة ومتنسيش تسلميلي علي خالتي وسيبتها ودخلت وهيا مبتسمة بخبث ومتأكدة اني تقوى حتوافق .

______________________

في مكان اول مره نمشوله ❤✨

كانت مقمعزه علي كرسي الدرجيحه مكانها المفضل كونها متحبش كترت الطالعات مما جعل عدد أصدقائها محدد كانت تفضل في مكانها هذا كونها بديت في ب اول نظرة حب لحبيبها حبيبها! اي حبيبها الي بينها وبين روحها خاطرها تمشيله وتقوله قد اي ش هيا تحبه وتعبرله علي مشاعرها وتحكيله علي احلامها الي بينها وبين عقلها كان عندها امل اني في يوم حيبادلها نفس المشاعر أحلامها وتخايلتها كان وردية مشافتش ل الجانب السئي فيهن حبته منذ الطفولة بعد دخلت سن المراهقةة ظنت أنها حتنساه وتكمل حياتها كيف م يحكولها صحبتها انهن نسين حب المراهقة لاكن هيا عكسهن حبها نقي طاهر خالي من اي ذنوب حباتها من طرف واحد وهل حيتحول هذا الحب من طرفين أو حيقد من طرف واحد حبها استمر حتى بعد تخطت فترةة المراهقة وكيف تتخطاه وهوا ديما قدام عيونها لذلك مجتش لها الجرأة انها تحاول تنسه أو تعترف بفكرة انه لغيرها بينها وبين نفسها حباته حب اعمى !
عمها عن كل تصرفاته رغم عارفة طبيعته وطبيعة شغل متجراتش مره تقرب منه لان عارفه النتيجة قاطع صوت تفكيرها امها وهي تقول : خيرك يا أميرة ليا ساعة نضبحلك
ناضت بهدوء حطت خصلات شعرها المتناثرات خلف وذنها وقالت بحنان : اسفة مامتي غير مفطنتش
اسمهان بعصبية : وينها المجموعة وداد
ناضت أميرة وقربت من امها : نسمع فيها تكلم ف اسيل ماشية تكسد عندهن
أسمهان بلوم : باتك دلعها هلبا لدرجة معاش قدرت عليها ومعاذ تعطي علم وين تمشي ووين تجي ومسيبه  حمل البيت عليك
أميرة خذت امها في حضنها : خليها تغير جوها وانا كاني علي الحوش مش تاعبه في قعد روتين يومي