احفاد هتلر 🔥(روايات ليبيه)

18🔥

شعور الفرحةةً طاغي علي المكان شعور إنِ في حفيد جديد حينور العائلة شعور حلو وشعور قلق وخوف عند البعض الاخر
تقوى "رغم كمية الكره الي كانت اتجاه نور لاكن اول ما عرفت الحقيقة انا بروحي مستغربه كيف تلاشئ كل الكره هل يمكن رابط الدم الي بينا اقوى من الكره اوقات نحسدها إنها كانت عايشة وسط هلها رغم اني كنت عايشه مع هل مش هلي لاكن في النهاية نمسح كل الافكار اهيا لان لو كانوا يعرفوا بوجودي مكانوش خلوني حسب كلام امي مريم اني جيتهم بعد مراجات سنين وانا ابدآ مش حاقده علي بابا علي وماما مريم لانهم ملهمش ذنب في الي صارلي "

______________________

فراس "كل محاولاتي انِ نتقرب من غفران بأت ب الفشل حاولت انِ نتقرب منها بكل الطرق لين اخر شي قررت تعترفلها بحبي لاكن قالتلي انها متبيش واحد كيفها في حياتي وانِ مش موصفات شاب احلامها وقتها تمنيت الارض تنشق وتبلعني من هذاك الوقت سيب الحوش واغلب الاوقات نرقد في المربوعهً محاولآ معاش نتلاقاء معها مهما كنت تافه والجو ايزي عندي لاكن منرضاش رجولتي تتهان خذيت وعد علي روحي انِ معاش بنجي في طريقها ونحاول ننسها انا مستغرب في روحي كيف حبيتها في الفترة الصغيره لاكن القلب وما يفعل "

____________________

غفران "حياتي كانت شبه مستقرة لاكن صدمني بابا بعد قال يبي يسافر وبيسيبني فترة سبوع والصدمة الاخرى انِ بنقعد عند صاحبه وما في اليد حيله الاسبوع الي قال عليه ولوا اسبوعين ومزال ما جاء حسب كلامه انِ الامور معقدة في الشركة وفي مشكلة ماليه كنت نتجاهل في فراس وحركاته ورغم اني مشاكلنا كثرت ومننكرش انِ حسيت بشعور حلو اتجاه لاكن مش متاكده انِ شعور حب صدمني يوم اعترفلي بحبه واكثر شي انصدمت وقت فطنت لي ردي حسيت انٍ جرحت رجولته من هذاك اليوم معاش تلقيت معاه وندمت هلبا "
____________________

وداد "انصدمت هلبا بخبر حمل نور واكثر شي قهرني الفرحة الي واضحة في عيون مالك واغلب العائله حسيت انٍ الامور ذادت تعقدت خلتني ناخذ خطوة وندمت عليها هلبا كلفتني هلبا تمنيت انٍ خليته في حاله لاكن شن ينفع الندم بعد فوات الاوان "

__________________

مالك "حسيت انٍ حترجع شخصيتي القديمة وحنكمل حياتي بسلام مع الانسانه الي حبها قلبي وولدي ادم وصغاري المستقبلين لاكن مش كل شي نبوا يصير صار شي مكنتش متوقعه او كنت متوقعه لاكن الفرحة بولدي اوً بنتي الي جايين خلتني منفكرش في الموضوع  "

_________________

اميرة "شعوري كان جميل ميتوصفش انِ حب الطفولة الي عاش عمره لين اليوم من طرف واحد ممكن يكون من الطرفين جيت احمد وهدرذته ومدحه للمقروض خلتني نتغاضاء علي هلبا حجات كانت اهم اولوياتي لاكن صدمتي بعد عرفت من وداد انه كان علي علاقه ب تقوى وقتها حسيت ب الم كبير في قلبي احمد الي طول عمري صاينته في غيابه وفي حضوره رغم انٍ مفيش شي بينا لاكن في النهاية طلع يحب ويتمعشق خاب ضني هلبا شعوري وقتها مينوصفش💔"