دخلات عيشة على شادية للكشينة فين جالسة مقابلة الطاجين فوق الفاخر وجلسات حداها كتحاك معاها
عيشة : واش بصح تلاقيتي الامير ولد الملكة فالغابة؟
قلبات شادية عينيها وقالت : غاااا لكدووب ... اااشمن الامير واش تيقتي ديك المسطية ؟
عيشة : مسطية ولاكن عمرها كدبات .. واللي شافتو عينيها كينطق بيه لسانها ... نتيق بيها هي اللي ناقصة عقل ومنتيقش بيك نتي يا لكديديبة
شادية : ايوا تما بقييتي يا لحبيبة ... انا ماعندي مانعاود ليك .. وكلام يامنة غير تخربيق وكن تيقاتو مي كن دفناتني حية ... واش الاااااامير غادي يوقف معايا اااانا ويهضر معايا ااانا ... شادية بنت مسعودة المزلوطة .. لا لباس كي الناس لا ماكلة تكهمنا .. وكااع هادا زهر عندي باش يتلفت ليا الامير من دووون لبنات كاملييين ... ها بنات القاضي.. ها بنات الشيخ .. هابنات التجار لكبار ... بلااااا اللي عندو هوا فالقصر كيعاودو عليهم غير لحمامة لختها مكيشوفوش الشمس وكيقطرو بالزين (تنهدات) انا اختي عيشة ... كاااع مطامعة لا فأمير .. ولا ولد الشيخ ولا حتى تاجر كبير ... انا بغيت غير شي واحد بحرفتو يوكلني منها ويشربني منها ونلبس حتى انا تواب زينة بحال بنات لقبيلة.. مانخرج نسرح وضربتي الشمس تقلبني ..مانمشي نسقي .. نجلس غا فخيمتي نربي ولادي ويعزني ويبغيني وميخلينيش نشقى برى داري... صاافي هادشي اللي طالبة .. ماطلبة خدم ولا قصور ولا لويز ولا ذهب... بغيت غير نعيش شوية ونتهنى من لقهرة وتمارة ديال ديما
عيشة : واللي يطلبها يطلبها كبيييرة يا لهبيييلة ... مالك اش ناقصنا اللي مانطلبوها كبيرة .
شادية : انا مكنتخيلش راسي مجبدة دايرين بيا لخدم ... ولا كنعيش الاوهام وكل ليلة نحلم ... عارفة راسي معمرني نوصل لداك لمقام اللهم خليني كندور فروندتي براااكة عليا
عيشة : وا اللي سمعك يقول غا شي خويييبة ولا شرفتي وخرفتي وباغا تقبلي على اللي كان ... مالك باااقا صغيرة وبااقا تجيب سيد الرجال ... وزييينة وغزاالة رجال لقبيلة كاملين يتمناوك
شادية : هه! عليها شادين الصف فباب الدار ... فين عمر شي واحد جا وصاوم شي وحدة فينا؟ ياك ماعمروها جبدو حس الزواج حتى بالضحك
عيشة : واش اللي كيعرف مسعودة غيبغي يتناسب معاها!!! راه كيهربو منها هي ماااشي منا حنا ... كيقول المثل بعد من لبلى لا يبليك ... وهما راه مكرهوش يتزوجو بشي وحدة فينا .. ولاكن ياختي غييير كيتفكرو مسعوظة كيديرو بنااااقص من شي زواج وما يجي منو . نتي يا لحمقة مزااال تشرطي راك مزاااال صغيييرة ... مزااالين نتشرطو ونتكبرووو ههه ماشي راه عندنا دابا ارض وبقرة وعجل هههه
شادية : ههههههه ها لعااار وريني شي بنت فلقبيلة اللي كضل تسرح من الصباح حتى لعشية بحالنا ..
أنت تقرأ
عروس الملك السابعة🫐مكتملة🫐
Romance💎مكتملة💎 😍😍😍😍😍😍😍😍😍😍😍😍😍😍😍😍😍😍 بقلم: Ghazal Trust🍒 👑عروس الملك السابعة👑 قصة شاملة بطابع فكاهي، ودرامي،... ولأول مرة غنوضف الخيال فقصصي ... نجرب الخيال هاد المرة ونشوف اش غيطلع تاني 😂😂...
