لاللة ياقوت : احمم... سمع اولدي نقولك ... المعدومة اللي طمرتي ... احمم
سكتات شوية .. صغر عينيه وقال :
سيد الملك : مالها ياك لاباس؟
هبطات راسها وقالت : المعدومة ماتت الله يرحمها ... مابقا ليها ماتاكل ولا تشرب .
حل عينيه فيها مصدوم .. جاتو الساكتة ماهضر مانطق ... شوية عبس وقال
سيد الملك : كفاش ماتت ! علاش حتى واحد ماجا قالها ليا ؟ وفوقاش؟!
تعجبات لاللة ياقوت وقالت : بحال ديما ... واخا يموت المعدوم حد مكيقولها ليك ولا عمرك سولتي عليه ... داكشي علاش مقالو ليك والو .
حط يدو على لحيتو كيشوف فجنابو مصدوم ورجع قال
سيد الملك : ماتت بهاد الزربة !!!
هبطات راسها كتحك ودنها وقالت: ي.ي.ييقدر مسكينة ماصبراتش .. راه غير الخلعة والوحدانية ديالها فداك القبر اللي طمرتيها فيع غيسكت ليها القلب ... دفنتيها وهي حية ... صافي ماتت وترتاحت حسن ماتبقا تعدب
بقا ساكت مقال حتى كلمة ... شافت لاللة باقوت لونو تبدل وسيفتو تغيرات وقالت
لاللة ياقوت : بيك شي حاجة اولدي ؟ مال لونك تبدل
سيد الملك : والو .. غير عيان شوية وكترت على راسي هاد الايام ... خاصني شوية دالراحة .
حرك راسو تالف وخرج نساها ومقال ليها حتى يالاه .. خرجات موراه لحقات عليه ورجعو للقصر . دخلو وهوا يتصادف مع عمو مولاي يعقوب بن الله اب لاللة شامة .. راجل طويل لحيتو كحلة مزال مابات فيه الشرف .. وجهو مافيهمش ريحت القبول بالمرة . . . حنا راسو للملك ورجع هزو.
داز حداه سيد الملك مشافش كاع جيهتو بحال الى مكاينش ومشا ..بقات غير لاللة ياقوت واقفة
مولاي يعقوب : كاين شي مشكل ؟
لاللة ياقوت : كاين ... و خاصني نهضر معاك ضاروي
مولاي يعقوب : اشنو المشكل؟
لاللة : شامة .. بلا شك عارف قصية المعدومة اللي ضربات لاللة شامة
مولاي يعقوب : اه عارف ؟! وفين كاين المشكل؟ صافي تحكم عليها تبقا تما حتى تموت
تبسمات لاللة ياقوت وقالت : المشكل فالحكام ... سيد الملك حكم عليها تبقا بالجوع حتى تموت ... ولاللة شامة وشمس الضحى صبحو فالمطمورة كيرميو عليها الحجر حتا ماتت .. قتلوها ... وعارف الى سيد الملك الى عرف بهادشي شنو غادي يوقع ؟ ... لالة شامة مها ومغاديش دوز ليهم طريفة .. ومغيبغيش شي حد يتدخل فحكامو ويدير اللي بغا ... ونتا عارف اللي خالف كلامو ...يا أما يتنفى عمرو يشوف حبابو ..يا اما يتعدم ويكون جزاه المطمورة .
حل مولاي يعقوب عينيه وقال : مايمكنش لاللة شامة دير هادشي ؟!
لاللة ياقوت : تسنا حتى توصل لخبار لسيدي وديك الساعة عاد غتيق فاش تشوف لاللة شامة كتموت قدام عينيك ... بغيت نقول ليك واحد الحاجة . سيدي محمد اصيل .. راه خسر خوه اللي من لحمو ودمو بسبب الحرب اللي مشا ليها ومحكوم عليه كأمير غيشد الحكام باش يمشي ويسير الجيش ديالو ... فداء هاد البلاد مشا خوه ... وكما خسر خوه اللي جبرو القانون يمشي اللول فصف الجيش ... مغيتردد حتى تانية يطبق القانون على بنتك ويوريها تخالف حكامو ... غمض عينك حلها ها بنتك مشات السي يعقوب .. باش تكون ملك ماشي ساهلة ... حياتو كيقدمها فكل حرب...وفاللخر يجي واحد ويدير مابغا ويخالف حكامو ويخيط كيف بغا . . . السيبة هادي؟
أنت تقرأ
عروس الملك السابعة🫐مكتملة🫐
Romance💎مكتملة💎 😍😍😍😍😍😍😍😍😍😍😍😍😍😍😍😍😍😍 بقلم: Ghazal Trust🍒 👑عروس الملك السابعة👑 قصة شاملة بطابع فكاهي، ودرامي،... ولأول مرة غنوضف الخيال فقصصي ... نجرب الخيال هاد المرة ونشوف اش غيطلع تاني 😂😂...
