جلسات جنبها لاللة ياقوت وبدات دوز يدها على راسها وشعرها مبسمة وعلى خدودها كتقول
- يا بنتي مزاااالة صغيرة على الولاد ونتي براسك خاص للي يرعاك ... مالكي على هاد الزربة هادي كاملة يالله عاد بلغتي ونضتي حملتي ... مكتسمعيش لكلامي وكديري اللي فراسك ... جربي الوحم يحساب ليك ساهل . . . تمنيت نشوف ولاد ولدي وخليفتو وحلمي هوا نشوف حفادي .. ولاكن ابنتي متبغيت عداب متبغيت قهرة ومافيا اللي يتقهر عليك ... فرحت بحفيدي اللي جتي فالطريف ولاكن خوفي عليك نقص من فرحتي
دورات روح الندى وجهها كتمضغ فالنعاس وقالت
- مصلوق .. هاديك ... ها.. اه كبالة
ضحكات لاللة ياقوت وناضت من حداها غطاتها شوية ومشات خرجات عند وصيفاتها وقالت هازة راسها
- ديرو لينا شواية على برا شويو لينا شوية ديال الذرة ... نبدلو الجو ونديرو شغلة نشغلو بيها راسنا ... خبروهم يديروها لينا على برا فالهواء
حنات وحدة من الوصيفات راسها ومشات كطير عندهم للكشينة خبراتهم و فلحين بداو الروايح فالجردة ديال الدرة وبداو الاميرات كينزلو ضاحكين ويشوفو بعينيهم و الطباخ كيشوي ويغلف ويمد ليهم ليديهم .
حلات رو الندى عينيها
مكهومة نعاس وراسها مشقوق .. ناضت بزز غسلات وجهها وخرجات كدور فعينيها هاكا وهاكا خايفة يقشعها شي حد ... متشافت حد وهي تسلت مع جنب الحيط راجعة لبيتها
.دازت حدا واحد السرجم طويل فالحيط كيطل على الجردة وخي ترجع عندو كطير بحال ال بانت ليها شي حاجة ، طالات لقات الاميرات كيتمشاو جنب الشواية والجاريات حتى هما خلاوهم يخرجو .. شافت الدرة وتحلو عينيها وتحل فمها
روح الندى : الكباال!!!!!! يااااحلليلي
مشات كتجري هبطات وخرجات الجردة فاتخة شعرها مطلوق ومشات نيشان للشواية مداتها فحد وهزات واحد الكبالة فيديها وبدات تاكل بالزربة وكلشي كيشوف فيها ، تكلمات لاللة شامة وقالن
- واخا تكوني موحمة مديريهاش!!! عمرك شفتي النعمة ولا مالك؟ هااه؟
ماجاوباتش روح الندى ودخلات طول وعرض فلكبالة سرطاتها كاملة ولاحتها فوق الطبلة...هزات راسها فالطباخ وقالت
- عطيني المصلوقة ... سبحاان الله عاد كي حلمت راسي كناكلو
ضحكات شامة وقالت : هه... عطيها عنداك تاكلك
شافت فيها روح الندى فرحانة وقالت
- حتى نتي عزيز عليك المصلوق بحالي! مكتاكليش المشوي ؟
هزات لاللة شامة حاجبها تجاهلاتها وقلبات وجهها جلسات دايرة رجل على رجل ، شدات روح الندى كبالتها ومشات جلسات حداها وقالت
- كي طرا وجرا نزلتي تاكلي معانا ؟!
شافت فيها لاللة شامة وقالت : ايوا مزيااان تقادو لكتاف ورجعتي تجلسب جنبي بلا حشمة بلا حيا
أنت تقرأ
عروس الملك السابعة🫐مكتملة🫐
عاطفية💎مكتملة💎 😍😍😍😍😍😍😍😍😍😍😍😍😍😍😍😍😍😍 بقلم: Ghazal Trust🍒 👑عروس الملك السابعة👑 قصة شاملة بطابع فكاهي، ودرامي،... ولأول مرة غنوضف الخيال فقصصي ... نجرب الخيال هاد المرة ونشوف اش غيطلع تاني 😂😂...
