عروس الملك السابعة🫐مكتملة🫐

🫐الجزء 55🫐

و بجوج وكل وحدة ناضت تشوف شغلها، لاللة رحمة خرجات خرجات تجيب دم العود اما لاللة شامة وصات وصيفة من وصيفاتها باش تجيب ليها خصلة من شعر روح الندى ، خرجات الوصيفة ناوية على نية ومشات لجناح لحريم كتقلب بعينيها ودور دايرة راسها مسخرة ، عيات تقلب على روحد الندى ساعة متلقاتهاش ، سولات وحدة من الحريم وهي ضح ضحك وقالت باللي مشات تصلي زعما . حتات راسها الوصيفة وخرجات مزادش لهضرة باش متخلي حد يشك فأمرها ومشات حتى هي لجامع فين مصافين النساء لابسة زيف على راسها وساترة ماستر الله وبدات دور وتقلب قبل ماتبدا الصلاة حتى جات عينها على روح الندى وهي مربعة رجليها بين النساء فالصف شادة التاج فيديها كتعقدو بخيوط كيتجيدو حتى ربطاتو مزيان من الجناب وهزاتو على راسها فوق الزيف وزيرات خيوطو مع الدورة دالراس باش ميطيرش وجلسات بحالها بحال الناس وكل شيوية تقيس فالتاج . وقفات حداها الوصيفة وتزاحمات . بدات الصلاة وناضت روح الندى كتصلي بحالها بحال العيالات . كتركع وتسجد مخشعة والوصيفة حداها غير كدور عندها وتقلب كي دير دوز لشعرها اللي مخبي تحت الزيف . على الله تبان ليها شي زغبة وطيرها بالموس الماضي اللي جايبة معاها.  صلاو شوية وجلسو يرتاحو وهنا تبسمات الوصيفة وقالت  - شعرك عريان من اللور   حطات روح الندى يديها على راسها كتقلب وثالت  - بصح؟..... ودابا؟  الوصيفة : بلاتي تخبيه ليك مزيان باش كايبقاش يزلق ليك .. دزري نغطيه ليك   روح الندى ؛ واخا  يالاه عطاتها روح الندى بالضهر وهي تجيد الموس ودارت براسها كنقاد ليها الزيف وهي رااااها كتخرجو ودخلو حتى حكمات شوية وقالت   - هبطي راسك نلويه ليك تحت الزيف راه تحل   هبطات روح الندى راسها على نيتها حتى كتحس بشعرها تنتف وهي تلفت موجعة واخا مطارت حتى زغبة من راسها ، مع الدورة دعينها شافت الموس فيد الوصيفة وني تنوض وقفات كضرب فخادها و تقول  -بااااغياااا تسرقي ليا تاجي يا ىكافرة و فالجامع
وقفات روح الندا وجمعات عليها لعيالات كاملين .. شادة تاجها فيدها معنقها لصدرها ومخرجة عينيها فالوصيفة   روح الندى: يا السراااقة بغااات تسرقني وهاازة بونقشة فيديها وفالجامع .. شهدو يا الناس شوفو هادا الكافرة بالله مدخلة بونقشة ونتفاتني من شعري   الجماعة : اعووذ بالله ... ان هادا منكر اعوذ بالله   وقفات الوصيفة مخرجة عينيها كتفتف حتى طاح الموس من يديها شافو كلشي بدات تبكي وتنوح وعيات تحلف حتى حد ماتاق فيها .. جروها من الجامع كينعلو فيها ، ونيت جابها ليها الله فبيت الله واش الناس كتصلي وهي كطاع وتهبط معاهم كتفلى وجايل بسحرها حتى لتما . هادا دواها نيييت هي الشوهة والقضيحة . اما روح الندى كرزات على تاجها ورجعاتو فوق راسها شاداها بالخيوط مع عنقها وبدات صلاتها . وهي كتصلي طلقات واحد مولاتي حزقة وهي راكعة حتى كلشي دور وجهو ورجعو نعلو الشيطان كملو صلاتهم . اما هي سكتات حشمات من الحزقة اللي طلقات ودارت براسها ماشي هي واخا كلشي [29/6 10:34 PM] 🧚🏻‍♀ Ghazal Trust🧚🏻‍♀: بداو يدورو فعينيهم جيهتها . كملات صلاتها وربعات رجيها ترتاح لاش تبدا تاني فاش يبداو ، تلفتات اللي حداها مرى كبيرة وقالت   - ابنتي اللي تنفس خاصو يعاود لوضو راه مدايزااش صلاتو   روح الندى : وانا مالي !  المرى: راك تنفستي خاصك تجددي لوضو وتعاودي صلاتك   روح الندى: ايوا واخا تنفست مافيهاش الريحة واش بغيتي نحصرها فيا حتى طلع لفمي! كاع الناس كيحزقو   المرى: ولاكن عيب طلقيها قدام الناس و خاصك تجددي لوضو  عقدات روح الندى حاجبها وقالت : ايوا يلا عيييب سدي ودنيك انا منخليش كرشي تخناز باش يبقا نيوفك مسرحين .. انا فاش كتجيني كتخرج بلل ماتشاورني الى ماعجبكش الحال ماعندي ماندير ليك مراهش عندي باب نسدو باش تبقا لداخل   المرى : انا غير قلت ليك ابنتي باش تعاودي لوضوء ضبري راسك   روح الندى : حصي غير نتي عينك وسديها راه حس الحزاق كيجبد خوتو .
ربعات يديها وجلسات كتخمم ودورها فراسها بوحدها شوية وهي تنوض كاع جمعات الوقفة كتبركم بفمها   - بناقص منجلسش كاع انا هنا نمشي جيهة اخرى حسن ليا .  ناضت مخيخة كتزطم وسط النسى بفولارها الاخضر ملوياه ودايرا فوقو التاج مربوط . مشات بين جوج عيالات وجلسات ربعات ساعا واالو حفات الراحة لا بغات دوز عليها فلخر ناضت كتبركم بوحدها   - ايوا نمشي نعاود لوضو شندير ... نصلي وفلخر مايدوز ليا والو .. نعاودوه اش غيطرا .  دخلات لواحد دار لوضو صغيرة وجددات لوضو ديالها وخرجات . سمعات القرأن كيتقرى وهي تمشي كتجري وتشير بيديها وتعيط   روح الندى : اااحبسوووو .. تسناو راه كنت كنتوضااا .. اااحبسو نعاودو .  بقات تشير مادها فيها حد وكل واحد دايها فراسو بقات بوحدها كدور فبلاصتها . ماعرفات مادير ووقفات معاهم كتصلي .  دخلات لاللة رحمة لزريبة كبيرة فيها لخيول مسدود عليهم كل واحد بوحدو . دخلات شادة فلحيوط مضوية بقنديل صفير فيديها وعايفة الطريق اللي دايزة منها ومقدمة وصيفتها هي للولة قدامها كدفع فيها   - طلي شوفي فين كاين عودو .. غيكون فشي بلاصة بوحدو معزول قلبي دغيا قبل لا يجي شي حد   الوصيفة : نشوفو الجهة الاخرى واقيلا   مشاو كيقلبو فالضلمة حتى لقاوه مكسل مجبد هاز راسو فبيت معزول فيه بوحدو . غير شافهم وهوا يوقف بدا بنفخ ويضرب برجلو فالارض ويهز راسو تخلعات لوصيفة وهي هازة الموس والزلافة فيدها وقالت   - كيجري علينا كي نديرو نقربو ليه ؟  لاللة رحمة : قربي مالك خواافة .. ضربي بالموس خلي دمو يشرشر   لوصيفة : مكيراسش فواحد البلاصة كيتحرك   لاللة رحمة : ضربييه ضربييييييه دغيا   هزات لوصيفة يدها يلاع بغات ضرب وهوا يصهل عليها قاستو فرجلو تجرح وطلح لموس لداخل وطاحت لوصيفة على ضهرها برا بيناتهم باب ديال الخشب قصير فاصل بيناتهم . تفقسات لاللة رحمة من لخطية اللي جابت معاها وتقدمات دير شغلها بيديها . هزات الزلافة ديال النحاس اللي جايبين وتحنات تحت الباب اللي عللي على الارض شوية ودخلات يدها بزلافتها كتقربها لرجلو . وحلات مع جلايلها وخوات بيعا ركبتها المحطوطة على الارض وزلقات جا وجهها على الباب ويدها لداخل ومكيهز غير العود رجليه كيصهل وزطم ليها على يدها قبل متهربها حتى غوتات لربي اللي خلقها . خرجو عينيها وماتت يديها وتخل فمها حتى للسماء ما جراتها غير لةصيفة بزز سخفاتة فوق التبن ويدها مرمية حداعا مكتقد كاع تحركها
رجعات روح الندى فنص الليل مع النسى للقصر باش غير يتعشاو ويرتاحو ويرجعو يكملو صلاتهم حتى للفجر . دخلات مع الباب وهي تبدا غادية وكتحيد فالزيف وطلق سوالفها وتقاد فتاج وفراسها بيديها حتى وصلات لجناح لحريم وهي تلقاهم كاملات ناقشات وجالسات كيضحكو فرحانات . لابسات ومقادات كل وحدة تفايح على لخرى . حلات فيهم روح الندى عينيها فرحانة وهي وتشد فوحدة فيهم وقالت كتشوف ليها فيديها ورجليها   روح الندى : شكون حنة ليكم زوييين هادشي بغيت ندير حتى يانا   بعدات لجارية يدعا كتعصر فلحامض بشفاها وتقلب فعينيها وقالت   - حيدي يديك ... الى بغيتيها قلبي عليها   ناضت روح الندى فرحانة كتشوف فيهم .. كل جوجات فين جالسات وحتى من لجارية للي تحبسات مع روح الندى طلعوها وعفاو عليها وجلسات حتى هيا ناقشة ولابسة عاجبعا راسها . شافت فيها روح الندى وكحلات بلعمى دغيا قلبات وجهها ومشات كتقلب على كبيرة الوصيفات المكلفة بيهم حتى لقاتها وقالت ليها فرحانة   روح الندى : بغيت نحني حتا يانا .. بقيت بوحدي لي ماحنيتش  عقداتهم كبيرة الوصيفات وقال : سالات الحنة ... كن بغيتيها كن جلستي بحالك بحال غيرك   روح الندى : مشيت نصلي مع النسى عاد جيت عافاك قولي ليهم بديرو لي بحالهم   كبيرة الوصيفات : ساليييينا .. ورجعي بلاصتك تركني حسن مادوزي هاد الليلة فلحبس . يالاه تحركي .  تزيرات روح الندى وداق صدرها حتى دمعو عينيها . تهاوشات غلى الحنة وبقات كطلع وتهبط فيها وفعلا بقات بوحدها فحريم الملك اللي مدايراش لحنة . رجعات مسكينة كتمسح دموعها ... ماعرفاتش علاش كتبكي واخا غير حنة فليدين قرصاتها وبقات فيها واحلة فحلقها . مشات لجناح لحريم وجلسات مركنة بوحدها جامعة يديها وتاجها على راسها . نسات نفسها وبقات سااهيا فيهم كتشوف لهادي فيديها وتشوف لهادي فرجليها وتنخصص بوحدها . ولبنات بلعاني يشاليو ليها ويضحكو فرحانين كل وحدة تهز يديها توريها لخرى وروح الندى بيناتهم ساكتة وترمش بعويناتها . حتى الجهد والجبهة اللي فيها طفاو سبحان الله وبقات تابتة متبعة ليهم لعين .   شافت حتى عيات وناضت دايزة وسطهم كتشوف فيهم وهما يشيرو بيدهم ناقشن لحناني حتى خرجات مشات نيشان للكشينة لقاتها مرونة بالطياب دلعشاء وكسكسو كيفور والصهد كيخنق .