عروس الملك السابعة🫐مكتملة🫐

🫐الجزء 59🫐

شد ليها فيدها باسهم وقال : كيعجبوني يديك .. ريحتك ... (غمزها ) وبلا منهضرو على ... توحححححشتك   جمعها بين يديه باسها فعنقها وزير عليها وهي كتهرب عنقها وضحك ودفعو كتهر وقالت كتلهت   - اااي هههه.. بلاتي نقول ليك ... بلاااتي ااااي ههههه اصيييل هههه  هز راسو شاف فيها كيضحك وقال : شنو بغيتي تقولي ليا ؟  روح الندى : نقول ليك انا شنو كنبغيك فيك حتى انا وشنو كيعجبني وشنو مكيعجبنيش   عنقها وقال : خلي من بعد ...   روح الندى: لالا خههه اااي دابا   هز راسو شاف فيها وقال : يالا سربي   روح الندى : انا كيحمقوووني عينيك وحواجبك مرسومين ... عندك واااحد الشوفة كتسطيني ... وفاش كتعصب كتخلعني ههه...   ضحك وقال : عارفة راسك كتعصبيني بعدا   عنقداتو بيديها على عنقو وقالت : شوية خههه بلاتي نكمل ليك ... كيعجبني شعرك بزاااف ولحية ديالك وكتعجبني فيك الخالة اللي عندك هنا .. حدا فمك كنشوفها غير انا ههه حيت مخبية بالزغب ههههه ... وكيعجبني صوتك بزاااف... ويديك و حتى رجليك و كولك كااااامل كنحماااق عليك ههه .. وصدرك تبارك الله كبير كيعجبني نوسد عندو .   رمش بشوية كيبوسها من شافيفها وقال  - ويلى شرفت غتبقاي تبغيني؟  روح الندى: نمووت عليك عمرني نكرهكك... ونتا باقي صغير ماشي شارف ... ياك باقي صغير ؟  تبسم وقال: بااقي وغتشرفيني قبل وقتي ولاكن فايتك فالعمر بعشر سنين ... خاص يكون ولدي عندو 7 سنين دابا بحال كاع الملوك   روح الندى: وعلاش ماولدتيش   تبسم وقال: نولد مع اللي بغا قلبي ونساتني فاللي فات ... كنت مواعد نفسي الى مانسااتنيش هاد المرة فاللي فات منولدش معاها   روح الندى : فاش تنسيك؟   عنقها وقال: نسيتيني نتي وكنهضر معاك بصفتي محمد اصيل ماشي ملك .. نساي دابا وبغيتك تولدي ليا ولد يحكم من بعدي   حلات عينيها مانواتش يقولها .. فرحات فرحة قداش حتى تلفات ليها الهضر ة سكتها ببوسهة فمها نساتها اللي وراها واللي قدامها .. كتشم فيه ريحت العود خفيف ترخات ليها وبدات بيدها كتحل ليه عقاد العنق و هوا بيدو كيطلع قفطانها .   ناعسة على جنبها موسدة يدو وهوا موراها معنقها حاط بدو على صدرها ومغطين نصهم بغطا احمر .. قدامها المراية ديالو مقابلة معاها كتشوف راسها ناعسة فأحضانو عريانة هوا مغمض عينيه موراها حتى بدا يسرح بيديه تاني وهوا ناعس مهبط لتحت لين رجليها . ضحكات وعارفاه قاتلو النعاس شحال ماشبع نعاس واللي فيه ماهناه كيبوس كتافها وهوا ناعس ونايض ليها من دا وا جد كيحلهم بزز ويضحك . نعسات على ضهرها وقالت   - فيك النعاس ههه نعس شوية بعدا .   قال كيخشي وجههو فعنقها : مافياش ... ديري معايا كما درتي نهار الاول . . . حسيت بيك حشمانة هاد المرة ... بغيتك كما عرفتك النهار الاول   قالت كتمتم حشمانة : وراه غير حيت كنتقصح   دوروليها وجهها عندو كبوس فيها بشوية ... النهار الاول كان كتر ... وتقصحتي فيه كتر ... ودابا شوية رتاحيتي شهر كامل ... بغيتك تحيدي الحشمة معايا وتطلقي راسك راه حبيبك اللي كتبغيه هوا اللي معاك ... شبعي منو وحيدي شوقك كي بغيتي واللي عجبك ديريه معايا مابيناتناش قوانين دابا   تزير وجهها وقالت : مانقدرش ... داك النهار كنت شاربة داكشي ماشي لخاطري ... نشربو ؟  جرها من خصرها عندو وقال: لا ... باغيك نتي ماشي داكشي اللي شربتي .. حتى كنحس بيك بديتي تزعمي وكترجعي تكمشي مناش خايفة ؟ مني؟   روح الندى: لا .. غير حيت .. احم . قوي عليا وصافي   باس خدها وقال: ديري بيديك كلشي اللي تعلمتيه معايا واللي يالاه كتعلميه .. رضي راسك ماشي ضاروري ترضيني ... غنغبر عليك 3 شهور ... روي عطشك اللي كنشوفو بعيني وماقادراش ترويه .. فين روح الندى اللي عرفت نهار الاول كاع ماشفتها هاد النهار  سكتات حاطة صبعها ففمها كترمش وتقول بينها وبين راسها .. نزعم ؟ لا منقدرش . غير نزعم واقيلا
بقات تبرق بعينيها فيه وهوا هاز حاجبو ضاحك كيشوف فيها ويتسنى شنو دير ، طارت عليه كضحك عنقاتو وبدات تبوس فيه كلات ليه وجههو ماخلاتوش حتى يهضر وبزز باش قال   - ديريها من الصباح ههه   روح الندى : نتبادلو انا اللي نولي ملكة دابا باش نقدر ندير اللي بغيت   بعد وجهو وقال : نتي الملكة ديالي وعارفة راسك ملكة معايا بلا متقوليها وفالفراش حكمي باش مابغيتي   عجبها الحال ونيت حسات براسها ملكة معاه فالفراش ، مكاين حكام وهي اللي بدات تفشش وتغنج عليه وتقلب مرة ليمين ومرة ليسر .. مرة تلوح عليه رجلها مرة يدها ... مرة تجرو عندها مرة تبعدو عليها .. مرة تبوسو مرة تهرب عليه ، حمقاتو ولاكن فاش دخلو للصح كلات ليه وجههو وعنقو ماكلة وشرطات ليه ضهرو تشراط حتى هاج عليها بحال البحر مرة وحدة سخفها وتلاح حداها عرقان كينهج ويضحك   - مسخووطة ... تنوضي الميت من قبرو هه  هزات راسها كضحك تكات على صدرو كاملة مطبعة وقالت   - يااك!! حشومة عليك   شد وجهها بين يديه وقال : ماخليتي للي كبر منك مايديرو ... عفريتة مع راسك   عوجات لحن صوتها وقالت   - ايييوا نتا اللي بغيتي .. ماعجبتكش !  حل عينيه معجب من سؤالها وقال : جننتيني ماشي غير عجبتيني يا نحيلة ديالي .  عنقها وحط راسها على صدرو كيدوز يدو عليها بشوية من عنقها وهوا هابط مع ضهرها حتى للتحت .. تهرات وهي تنخز شوية   - ااه  شاف فيها هاز حاجبو وقال  - ااه!   هزات راسها كضحك وقالت : هههه غييير هريتيني وصافي ... لحمي لورشتيه ليا   دوز يدو على دراعها وقال  - هاد ااه ديالك ماشي غير بورشاتني انا وصافي   روح الندى : خليني غير نرتاح شوية   باسها فجبهتها وقال : رتاحي حبيبة ديالي   بقا يدي فيدو ويجيب بصبعانو مور ضهرها ورقبتها وودنيها مغمض عينيه وهي ناعسة كترمش على صدرو وكرشها على كرشو ورجليها بجوج بين رجليه كتخبش بضفر رجلها فرجلو وتلعب بشوية بصبعان رجليها مع صبعانو ودوز يدها على لحيتو حتى حسات بيه حط يدو مور ضهرها ومابقاش كيتحرك .. هزات عينيها شافتو نعس ورجعات حطات راسها على صدرو حتى عيات ناعسة فوقو وناضت تكات على كرشها حداه هازة رجليها كتلب بيهم وتهرو فوجهو بصبعها وهي نازلة مع صدرو حتى لكرشو ، بدات تسوط فودنو وضحك بشوية حتى فيقاتو .. حل عينيه فيها مبسم وقال
- فين كنتي من قبل؟ علاش ماجيتيش شحال هادي؟   عوجات راسها وقالت: ماكنتش كنعرفك ... ونهار شفتك حلفت حتى نوصل ليك واخا نموت فالطريق   حطات يدها على صدرو كتهرو وتهضر بشوية و تهز عينيها كترمش فيه وهوا متبع شوفاتها بعينيها وشفايفها اللي كيتحركو بشوية وبلعاني كتلعب بلسانها . حط صبعو على شفاها وهي كتهضر   روح الندى : واخا كنتي قاصي عليا فاللول .. وشرطتي ليا لحمي كامل وكنت كنشوف روحي غطلع على يديك   جرها عندو بشوية وباس شفايفها حتى لسقو عليها وقال   - كن قتلتك كن دمت طول حياتي ... ماكنتش عارف باللي البنت اللي كنعلم على يدي بحال هاكا .  هبطات عينيها وقالت : من امتى بديتي كتبغيني؟ انا من نهار اللي شفتك فيه حدا الواد ماداني النعاس   تبسم وقال : بديتي كتعجبيني فالايام اللي كنتي كتعلمي عندي ... تما ولفت نشوفك كل ليلة واخا .. كنتي خواافة ومكتحشميش .  روح الندى : ههه نخاف مانحشم ههه  تبسم وقال : هاااديك ... تخافي ما تحشمي جيتي فيها هيا هاديك   روح الندى : غنبقا نقول ليهم تخافو ما تحشمو هههه   ضحك وقال : والى سولوك معناها قولي ليهم حكايتها منين جات ... غادي تنشر هاد المقولة .. وشكون مولاتها .. النحيلة روح الندى ... كتخاف نشرط ليها لحمها بالسيف .. ولاكن مكتحشمش وجايا عندي مقزبة .. وعارفة راسك غتمشي مشرطة   حطات راسها على صدرو كضحك وقالت   - كان كيعجبك دير ليا بحال هاكاك ياك !   عقد حواجبو وقال : لا ... كنت كنوريك باللي السيف ماشي ساهل ... وباش تعلمي تخفي يدك ورجلك قبل مايوصل ليك السيف .  قالت غضبانة : اممم.. وشحال من مرة كنتي غتنزل عليا كن ماهربت وجهي.. كنتي كل مرة كتبغي تقطع ليا يدي ولا رجلي   جرها عندو وهزها بالخف طلعها عليه جلسها وقال : غنقطع ليك لسانك وناكلو وناكلك نتي من بعدو ... منين خرجتي ليا يا النحيلة كلك عسل   جرها من يديها حتى تخلعات طيحها على صدرو كيضحك وهي تهز راسها كضحك   - غفلتيني ههه   باسها وقال : باغي منك ولد   روح الندى : ضاروري الولد؟   حرك راسو وقال : جيبي ليا الولد هوا اللول .. من بعد تبعي ليه شحال ما قديتي ديال البنات ، جيبي ليا الولد ... باغي ولدي منك نتي ما من حتى وحدة اخرى   باستو على شفتهو وقالت كنشوف فعينيه : واعدني عمرك تبدلني ... دابا نتا معايا ماشي ملك ياك ... واعدني عمرك تبدلني ولا تجي فمكاني وحدة اخرى  شاف فعينيها ساكت شحال وقال : انا دابا ماشي ملك ... انا حبيب وكنواعدك ماتجي شي وحدة فمكانك ... عقلي على كلامي مزيان .. انا حبيب ماشي ملك .. واللي كيواعدك دابا حبيبك ، ونتي واعديني تبقاي دايرة عقلك حتى نرجع   قالت طتيرة من الفرحة : كنواااااعدك ... منأدي حد والله  شد فحنكها وقال : النحيلة فاش كتأدي شي حد كتموت ... وانا ماباغيكش تموتي .