عروس الملك السابعة🫐مكتملة🫐

🫐الجزء 43🫐

هنا روح الندى فشلو ليها الركابي .. سمعات غوات طامو وعبدية كيطلبو ويزاوكو ويغوتو بالبخور والعود عند بالهم البخور اللي تسبب فقطعان الريوس .

طاحت روح الندى على ركابيها كتبكي حاطاها يدها على وجهها وتقول

روح الندى : ااانااا انااا اااهىء اهىء اهىء .. اناااا اللي خديتو اهىء اهىء اهىء

سمع صوتها وتلفت عندها... هز يدو باش يوقفو تنفيد الحكام ودخل لداخل وقف قدامها كيخزر فيها .

روح الندى : اانا اللي هزيتو ااانااا .. ماشي هما والله ما هما اهىء اهىء

طلع حاجبو وهبط يدو بشوية دوزها على شعرها.. شوية وهوا يشدها بالجهد من عنقها وهزها وقفها قدام عينيه حتى حلات فمها وهوا يقول تحت سنانو كيخزر فيها

- شكون مسيفطك؟

تحلو عينيها وهادشي نيت اللي كان ناقصها غير يشك فيها .. لا ولاكن دابا دخلو اليقين وشافت الموت فعينيه ومن هادي ماتخرج واخا تحلف ليه فالسادات والقبات .

لاحها بالجهد فوق السرير حتا تنفضات ووقف مخرج فيها عينيه

- اري الخاتم

شدات في فمها كترعد مخلوعة وقالت

- حد ماسيفطني اسيدي ... والله حد ما سيفطني... والله ماسرقتو وماعندي ما ندير بيه امولاي

مد يدو وقال : حطي الخاتم ...اااريه

سكتات كترجف وتمتم ماقدراتش تنطق .. الخلعة وسيفتو وهوا شاعل قدامها تلفاتها على سميتها بدات تمتم وتبكي كتكمش رجليها وقالت

روح الندى : غانحطو اااهىء اهىء والله حتى نحطو اااهىء اهىء غير غييير اهههىء اهىء اهىء

ضحك بالجنب وقال : نجيتي من الموت ما مرة ما جوج ... ولاكن هاد المرة مغتنجايش .. وعلى يدي . وماغنحرك حتى تحطي الخاتم

بدات ترجف وتشطح بالخلعة وقالت كتلهت

- الخاتم .. الخاتم .. اهىء اهىء اهىء... والله ماسيفطني شي حد امولاي ..شور عليا ونحطو

زير على سنانو وزعف حتى تهزات من بلاصتها

- حااطي الخاااتم .. وداااابا (شار بصبعو للارض)

خبات وجهها وقالت : سرطتو امولاي اااهىء اهىءااااهىء ... تسرط ليا اااهىء اهىء

ضحك يحسابو كضحك عليه وقال : سرطتيه!!! خراايه دابا

بالغلعة والبكية قالت : واخا ... واغا غير شور شوية عافااك امولاي ... والله حتى نحطو ليك اااهىء اهىء اهىء ... غير شور شوية الله يخلي ليك مااعز علييييييييك اهىء اهىء اهىء ... خاص واحد النهار ولا يوماين

هز راسو عابس وقال : كضحكي عليا!!! سرطتيه ! واخا ... غنفتح ليك كرشك ونتي حية... زطمتي فبلاصة ماتفهمي فيها والو لا نتي لا اللي مسيفطك .