الأخــيــرة 2
بسم الله نبدأ وعليه نتوڪل 🧡
عارفين يعني ايه "وَاصْبِرْ عَلَى مَا أَصَابَكَ"
الموضوع بجد حلو اوي ومُريح، يعني لو أتظلمت مثقال ذرة والله هتاخد حقك، يعني لو حد عمل فيك حاجة واّذاك من غير ماتتكشف ليك فى الدنيا، فمتقلقش هيتعرف فى الآخره وهيقف قُدام ربنا مكسور وهيقف قدامك يترجاك انك تسامحه عشان ربنا يعفو عنه ويرحمه، شوف الكرم قد ايه!
ولو قدمت خير لحد وملقتش المقابل، لو وقفت جنب الكل ووقت شدتك بقيت لوحدك.. ركز ربنا بيقولك ايه !! ايوه ربنا بيقولك أنت تحديدًا.. وأصبر على ما أصابك ودي شاملة كل حاجة في الدنيا.
يعني متزعلش من اللي بيحصلك وأتحمّل وأصبر وأحتسب علشان هيراضيك ويردلك حقك بكل عدل.
سيب كل واحد يعمل اللى يريحهُ، ويوم القيامة هيكون الحساب علي الملئ ان كان خيرًا فخير، وان كان شرًا فشر
خليها دايماً في بالك.. "وَاصْبِرْ عَلَى مَا أَصَابَكَ".
🌸🌸🌸🌸🌸🌸🌸🌸🌸🌸🌸🌸
" حرام عليكى يا مفتريه.. ربنا على الظالم "
"إيه يا حبيبى هنجت بسرعه كده.. طلعت خرع اوى يا أبو الفوارس"
"خرع مين ده اللى خرع يابت.. ساعتين بنجرى وساعه رياضه وأنا عريس يوم صباحيتى وكل ده وخرع.. والله لو حد كان قالى ان ده هيحصل ما كنت اتجوزت"
"يالهووووى وبتقولها فى وشى كده يا فروستى.. لالالا تخص عليك بجد اخص مكنش العشم ياراجل.. ده انا عايزه مصلحتك وصحتك وقولت اهو منها كتافك تعرض كده"
"كتافى.. أنت بتسمعى ياسمين عز كتير يابت صح.. هى مفيش غيرها بتاعت الكتاف والحاجات دى"
جلس أرضاً وهو يتنهد بتعب وإرهاق، صدره يعلو ويهبط من آثر المجهود.. تلك المشاكسه لن تتركه بحاله منذ السادسه صباحاً وقد أصرت عليه أن يمارس معها رياضتها اليوميه.. انصاع لها ولم يدرى أنها ستفعل به كل هذا
"أنت قعدت ليه، لسه بدرى يافراس الله"
"بدرى من عمرك يا حبيبتى أنا هروح وأنتى الله معك"
وقف ليعدل من هيئته أثر جلوسه أرضاً وأدار ظهره حتى يذهب ليتفاجأ بها تصعد على ظهره وتحاوط خصره بقدميها.. ثم قبلته من وجنتيه بقوة
"زعلت ولا إيه يا أبو الفوارس ياقمر أنت"
"فى حد يعمل كده فى زوجه يوم الصباحيه يامفتريه.. طب كنتى قولى انك عايزه تتشالى كده وكنا وفرنا الصحه لحاجه اهم"
"اللاه بقى بهزر معاك متبقاش قموص كدهون"
"هزارك تقيل يا روحى.. أه يانى ملحقتش انام ساعه على بعض حرام عليكى"
"ما هو من شقاوتك يا أبو الفوارس....
" ممممم بتردهالى يعنى قال الشقاوة مكنتش على هواكى "
أنت تقرأ
الذئبّـــــــ آلَآًسًــــــــوُد(كَيـــــــّانــــ آرًسلانــــ)
Açãoيقولون أن بين حياه الواقع والعيش ف الروايات فرق كالموجود بين السماء والأرض... ولكن ماذا إذا كانت الرواية قصه واقعية بحته؟! هو شخص مثالى ولكن المثالية أحياناً بها نقص ف دائما ما تكون عصبيته المفرطه خسارته الأكبر ف ماذا إذا أحب لدرجه التملڪ .. هى ع...
