تـَرفه بنتَ الّ زايـد

١

"يا ترفه يا ترفه!"

وسط الغزو على ديرتهم وخيامهم كان صوت المره وهي تنادي ترفه الي عليها برقعها وركضت بوسط الخيول والغزو وفي خيمة ابوها هذاك الرجال الطويل وعريض الاكتاف شماغه وعقاله بس من ظهره كان واقف قدام ابوها

ترفه:"ابوي"

همست ترفه لين سحبته هذيك المره الي تناديها وهجوا لين يخف الغزو

"انا ذباحكم وغازيكم ياديرة البراقع!"

صرخ وكان الصوت يتردد بأذن ترفه والي جنبها كانت تسبحن وتستغفر وكل الي موجودين وراء القشعه نفس الحكايه يذكرون ربهم

ترفه:"اسكتوا!"

سكتتهم ترفه وسكتوا كلهم وهي تسمع صوت الخيول لين ابعدت وتقوم من عندهم والمره الي معها تناديها لكنها رايحه بطريقها لخيمة ابوها

ترفه:"ابوي..الزايد!!"

"اكرام الميت دفنه"

دفنوا جميع الميتين بالغزو وراحوا لبيوتهم وكل بيت ميت فيه واحد ولا ثنين..

طلعت ترفه من عندهم وهي رايحه لبيت عمانها وهم مجتمعين فيه

رفعت برقعها وقام اكبر عمانها على فعلتها

ترفه:"ابوي!..ثاره!"

"ترفه نزلي برقعك واذلفي عند عماتك!"

ترفه:"ياعمي وش قاعد تقول وابوي عادي!"

"كل بيت فيه واحد ميت مير توسعي دامني اقولها بطريقه زينه"

ترفه:"انهبلت!"

"شوفي انقلعي ولا اطردك ياليتيمه تراني مقعدك معنا كرم مني!"

ترفه:"يتيمه؟..ياعيال الح/رام.."

تقدم عمها وصفقها كف وطاحت على الارض من قوه ولا رحمها لين انهل عليها بالضرب وهو يشتم بها..

حاولت تدافع عن نفسها وكانت بتدفه بيدها واخذ يدها وكسرها لها وكأنه يكسر له عود وبكل بساطه بسبب ضعف جسمها واوضاعهم ماهي بذاك الزود..

بعد ما تدخلوا عمانها وعيالهم وما تدخلوا الا اخر الوقت واخذوها لبيت الحريم وهناك جدتها مالها كلمه عليهم

اخذت حفيدتها وبنت اصغر عيالها وهي من الضرب فقدت وعيها وسدحتها عندها وعالجت لها هي والمداويه لديره كسر يدها اليمنى و وجها الي كله رضوض من حاجبها وخشمها وكتفها الايسر فيه رضه قويه وفي المنطقه الي فوق البطن وتحت الصدر..