تـَرفه بنتَ الّ زايـد

٣

( بعد فتره قصيرة )

هذي ترفه تمشى بالديره ومعها مسدس تدوره بيدها وجذبت انتباه كل الي يشوفونها وهي ماره شافها عايف وهو واقف قدام زوجته ضبيه انتبه لها وراح يركض مايدري من وين جايبه هالسلاح

عايف:"بنت انهبلتي..من وين ذا السلاح!"

ترفه:"وش فيك لقيته طايح بفراش سالم وقلت اوديه لسالم..هذا هو بالمضافه!"

اشرت ورا عايف وكان قاعد بالمضافه ومعه ذياب وابو صقر

سحبت على عايف وراحت لهم وهي تسأل سالم قدامهم

ترفه:"هذا مو لك؟"

سالم:"الا"

ترفه:"فيه رجال صاحي ينزل سلاحه بفراشه ويتركه!"

شمخا:"ترفه!..تعالي!"

نادت شمخا ترفه من البيت الي جنب المضافه وتغيرت ملامح ترفه ونزلت السلاح بحضن سالم وذياب ماينزل عينه عنها لين ماطلعت وهو يلف على اخوه

ذياب:"اشوفها نزلت الربطه عن يدها؟"

عايف:"اي قالت لي ضبيه انها تعالجت"

ذياب:"لقيتوا البواقين الي باقوها؟"

عايف:"لا ولله ياشيخ للحين"

..

شمخا:"شتسوين بالمضافه ماقلت لك تربين بيتي!"

ترفه:"سويت كل شي يا عمه ولميت الفرش ولقيت السلاح رحت اعطيه ولدك"

شمخا:"زين امشي اقعدي!..نوره قولي الي عندك"

لفت ترفه على نوره زوجة ذياب الثانيه تشوف الي عندها

نوره:"انتي من اهل ديرة البراقع؟..كنت شاكه فيك من جيتي واحس قد شفتك فهذيك الديره بس ناسيتك لين ماتذكرت انتي بنت الفارس ترفه بنت الزايد"

ترفه:"ماني من ديرة البراقع"

نوره:"ايش؟..انا متأكده اني شفتك يوم رحت مع ولد عمي الشيخ عبدالله نعوضهم بعد حرب ديرة الشيخ ذياب معهم لان ديرة البراقع ديره كبيرها مره ولها شيوخ كثير بس انا اذكرك متأكده كنتي نايمه وضيفتونا صح؟!"

ترفه:"تتكلمين كثير انا ماعمري لبست برقع وابوي توفي منزمان مو من الحرب ورحت اشتغل بتجاره"

شمخا:"ترفه احترمي حرمة الشيخ!"

ترفه:"اكذب نفسي اجل؟..ماني من هاك الديره ولني البس برقع فيه شي ثاني؟"