تـَرفه بنتَ الّ زايـد

٩

..

رجع سالم مع الغروب لأهله الي يطبخون العشاء وكان ذياب على حصاه كبيره يعبي بندقه رصاص..

تعداه سالم وانتهب له ذياب وناده من غير ما يناضربه

ذياب:"هذي الورقه لك ياسالم اذا كنت تعرف تقرا"

سالم:"لي؟"

ذياب:"اثاريك ابو بنات؟"

مد الورقه ذياب له وتجاهله سالم واخذ الورقه وهو واقف عند راسه وكان يقراها بداخله..

' انا المها بنت الشيخ علي وادري انك عرفتني
ابيك على سنة الله ورسوله انا اسمع عنك من ابوي دايم وهو يحبك ويغليك ودايم يبي لقياك انت وذياب
يمكن تقرا الورقه ذي مع وحده اسمها ترفه قلت لها توصلك هالرساله واذا كنت محتاج شي لا يردك لسانك اطلب وتامر ابوي ماراح يقصر معك او مع اهلك '

ذياب:"اشوف فيه بنات يحبنك..بعد شوي قبل تشرق الشمس بتروح معي وبتتزوج بنته وانا بطلب مساعدته"

سالم:"انـ.."

شمخا:"سالم!..لا تعصي كلامي قرت علينا نوره الورقه انا واخوك ذياب وانا موافقه على فكرة ذياب وبتروح مع اخوك تسمع ولا لا!"

سالم:"تبين تزوجيني غصب؟"

شمخا:"انت ولد نعمه وهي بنت نعمه وبتساعدك!..وينهي ترفه ها؟ وينهي يلا علمني تبي تذبح اخوك وانت تبيها!"

سكت سالم يوم شاف امه معصبه وصعبه عليه انه بينتظر ترفه والي اصعب انه يومنه اعترف لها رفضته بش محد يدري الا هو

قعد في صدر الخيمه وهو يفكر وكانوا بيسوون الي بروسهم..

حطو عشاهم وتعشوا وناموا الحريم وعيالهم وكانت ضبيه وعايف وذياب وشمخا قاعدين ودخل عليم سالم وقعد معهم

ذياب:"عساك الحين استوعبت؟"

سالم:"..بأذن الله الي تبونه بيصير"

ذياب:"قلت لك يمه هذا اخوي دمي دمه ومن بطن واحد ماراح يحب له خاينه"

شمخا:"زين فكرت"

عايف:"مبروك لك يا سالم"

ضبيه:"عقبال ما اشوف عيالك ياخوي"

باركوا له وهو كاره هالشي لكنه سكت ما بغى يصير هذا الشي غصب عنه..

..

نامت هذيك الليله ترفه عند شوق وكانت خيمتهم وحده..

ومن الصباح قامت ترفه لو ذي شوق قاعده وحاضنه رجولها لصدرها