هاد حكيمة غاتكون كاتعامل مزيان مع ياسمين في الاول و كاتمثل دور الزوجة الصالحة و من بعد شهور قلال بينات وجهها الحقيقي ياسمين وهي في عمر 10 سنوات كانت هي لي كاتشقا بزز منها و بالعصا من الفوق حتى من قرايتها كانت غاتحبسها لولا لطف الله و إصرار ياسمين على اكمال دراستها لانها هي السبيل الوحيد لي غاينقدها ... بقات ياسمين على داك الحال هي لي كتدير أغلبية الحوايج .. وبعدما كانت كاتلبس مزيان ولات كاتلبس غير لي كيشيط من عند مريم بنت مرات باها و كاتاكل غير لي كيبقا ليهم واخا الخير موجود زائد هي لي كاتشقا عليهم و كاتسخر و خلاصة القول كانت بمثابة خدامة عندهم و هادشي بخبار الأب لي تحول من اب حنون الى أب قاسي لا يحمل في قلبه اي ذرة مشاعر اتجاه ابنته الوحيدة ياسمين ..
كبرات ياسمين و وصلات الباك و نجحات واخا كلشي كان رافض انها تقرا ... كان حلمها تقرا إدارة الأعمال وتكون سيدة أعمال كبيرة ولكن الأب ديالها بخر ليها حلمها لانه ماقبلش انها تمشي للمدينة وتكمل قرايتها وهادشي كامل بسب زوجة الأب القاسية لي كانت كاتحكم في أبسط الأمور ..
ياسمين بنت زوينة و عاطية العين و دريفة و حنينة ..عندها شخصية ضعيفة .. وحساسة لاقصى درجة ....متقدرش تدافع على راسها .... كانوا كاع ولاد القرية كاتعحبهم و كل مرة كيتقدم ليها واحد ولكن الأب كان كيرفض ماشي حبا في ياسمين ولا حيت باقا صغيرة ، لا غير حيت كانوا كلهم على قد الحال و بما انه كان شخص طماع فكان باغي شي واحد من عائلة كبيرة و عندو الفلوس باش يستافد منو
أما ياسمين فكان في قلبها عماد فقط هو لي خدا قلبها وهي في أيام المراهقة بسبب الحنان ديالو و العطف ديالو عليها بغاتو بحكم انها مفتاقداه .
أما مريم بنت زوجة الأب فكانت كاتغير منها لانها أحسن منها في كلشي و كلشي كيفضلها عليها طبعا كانهدر على ناس القرية اما العائلة فكانت ياسمين مهمشة بيناتهم ...
...
....
....
.......
_فهاد البارت و البارت لي قبل حاولت نقربكم أكثر من ياسمين ومن حياتها كيف دازت و من المعاناة ديالها ... لي باقا مكملة
+ كانكتب و كانقرا غير راسي كنت كانتسنا تفاعل ولكن والو كانتمنى يكون تفاعل واخا غير 4 ناس يقراوها غايشجعوني باش نكمل و نعطي اكثر .. 😭_
مع ذلك شكرا لكم ❤️🍓
أنت تقرأ
" وُرُودٌ ذَابِلَة "
Romance"تحكي الرواية عن فتاة تُدعى✨ ياسمين✨ ، هذه الأخيرة التي ذاقت كل أنواع العذاب و الخيانة حتى من أقرب المقربين ما دفعها لتصبح قاسية و تغير من شخصيتها لتعيش وسط الذئاب " لا أريد حرق الأحداث لذا تابعوا الرواية لتتعرفوا على ياسمين و ما معاناتها في الحياة؟...
