..
خرجات بالزربة و جلسات تحت واحد الشجرة بعيدة شوية على الدار وبقات كاتفكر في شنو غاتدير ، وكيفاش غايكون مستقبلها ؟ واش باها غادي يكون في صفها شي نهار ولا لا ؟ .. يلاه جبدات بطبوطة من جيبها حتى حسات بشي حد حط يديه على كتفها .. دارت مفزوعة وهي تلقاه عماد
ياسمين : عماد حرام عليك خلعتيني
عماد : ههه كاتخلعي
ياسمين : جلس أعماد
عماد جلس حداها و مدات ليه نص بطبوطة ههه
عماد : اي حاجة من يديك بنينة ، الله يعطيك الصحة
ياسمين : ههه غير شوية وصافي .. (شافت فيه ) توحشت أعماد نجلسو هاكا بجوج
عماد لاحظ الجرحة لي في وجهها ،
عماد ( حط يدو على الجرحة ) مالك هنا
ياسمين :(غوتات فاش حط يديه على الجرحة ) اي ..
عماد : شكون دارها ليك .. هضري
ياسمين : (جمعات الضحكة) : دديك مرت با لي دارتها لي
عماد : واش شاطوا عليها يديها ولا شنو ؟
ياسمين : صافي نسا أعماد هادشي ..
بقاو جالسين كيهضرو حتى داز الوقت و ناضت ياسمين قافزة
ياسمين : عماد خاصني نمشي تعطلت
عماد : بقاي غير شوية
ياسمين : مانقدرش راه دابا غايكونوا فاقوا و فطروا خاصني نمشي أعماد
عماد : ماسخيتس بيك اياسمينتي (باسها في خدها حتى توردو بالحشمة )
ياسمين : اويلي ههه واش حماقيتي
عماد : وشنو فيها إلى بست حبيبتي .. بوسيني حتى نتي
ياسمين : (تعلات وباستو في خدو ) يلاه بالسلامة
عماد : بالسلامة
بقا متبعها بعينه حتى غبرات من قدامه
عند ياسمين لي مشات .. دخلات للدار كاتسلت حتى وقفات عليها مريم
مريم : حصلتي .. فين كنتي ها ؟؟
ياسمين : (بتلعتم ) : هااا ف فين غانكون غير عندك البقر طليت عليهم
مريم : ممم تقت بيك .. ماما أجي هايا جات هاد اللفعة
ياسمين (عرفات راسها صافي غاتاكل قتلة ديال العصا خرا) يلاه بغات تهرب لبيتها حتى وقفات عليهم حكيمة
حكيمة : فين كنت نتي ها ؟ حطيتي الفطور و غبرتي
ياسمين : كنت في الكوري .. طليت على البهايم و البقر و عطيتهم الماكلة
حكيمة : اول مرة ديري شي حاجة مقادة في حياتك .. يلاه سيري كملي الشغال قبل ما نزرق ليك الحنك لاخر
ياسمين ( تخلعات و مشات دغيا )
كملات ياسمين شغال الدار و داكشي لي عطاتها حكيمة تدير و جا الوقت باش تمشي تسقي و هادي هي اللحظة لي كاتسنا ياسمين .. حيت كاتلاقا مع صديقتها لي بحال ختها أسماء
مشات بالزربة باش ماتعطلش و فيديها بوديزات . حتى وصلات السقاية ولقاتها عامرة دورات وجهها يمين و شمال و خصلات شعرها الرطب كيتطايرو .. كاتقلب على أسماء حتى شافتها جايا عندها
أسماء فاش وصلات عندها يلاه غاتسلم عليها وهي ترد البال الجرحة لي فوجه ياسمين
أسماء : ياسمين ... شكون شكون ضربك في وجههك
ياسمين : شكون من غير ديك حكيمة .. فين ما تدور ضربني
أسماء : ياربي تعطيها الݣرد فدوك ليدين .. وعلاش بالسلامة هادشي ؟
ياسمين : و جدت ليهم العشا و حطيتوا قالت ليا فاش نعيط ليك أجي باش تجمعي الماعن و تغسليهم .. اوا انا مشيت كانفكر حتى داني نعاس ... نتفتني شوية وتقلع لي شعري من بلاصته و خبطتلي وجهي على واحد الجيهة ماضية في الطبلة ايوا هادشي لي كاين
أسماء : دابا على هاد التخربيق ضرباتك.. والله الى مريضة هاد المرا ماشي طبيعية .. أجي دابا وباباك كيشوف هادشي ماكيقول والو
ياسمين : كيشوف كلشي على عينيه عمرو دافع عليا ولا قال ليها علاش كاتعاملي معاها هاكا واخا ناكل العصا قدامو ماكيتحرك فيه والو ... عرفتي أ أسماء شي مرات كانقول وقيلا ماشي بابا غير مربيني
أسماء : غريبة والله , سمحيلي أياسمين و لكن كلمة أب بزاف عليه بنته لي من لحمه و دمه كاتكرفس و لي ماكتجيه والو عايشة الحياة ... هاد الدنيا ظالمة بزاف .. كون كانت شي وحدة في بلاصتك كون ماتت غير بالفقصة و لا انتاحرات ولا فين ماتدور تبكي .واخا هادشي كامل باقا قوية و شادة فراسك و صابرة
ياسمين : ههه (تنهدات ) ااااه شي قول ليك كثرة الهم كاتضحك والله ما كدبوا ، اش غاندير الى جيت نبقا غانبكي ماغانعيش ماولو ولا يلقاوني شي نهار ميتة بالفقصة عرفتي شنو لي مخليني صابرة هو حيت عارفة وراء كل صبر كاين فرج والله ان شاء الله ماغايخيبنيش
أسماء : الله يفرج عليك ياربي و ياخد ربي منهم الحق كاملين
ياسمين : آمين ( شافت في السقاية و هي تفكر باقا معمراتش ) اويلي أسماء ماعمرتش البوديزات
مشات كاتجري و طلبات واحد البنت تخلي ليها نوبتها حيت عارفة الى تعطلات غا تدير ليها حالة ديك حكيمة . عمراتهم و مشات سلمات على أسماء هاد الأخيرة لي شداتها باش تبقا غير شوية يهدرو ولكن ياسمين رفضات و مشات كاتجري حتى وصلات و بقات كاتدق ولكن تاحد ماجاوبها .....
..
أنت تقرأ
" وُرُودٌ ذَابِلَة "
Romance"تحكي الرواية عن فتاة تُدعى✨ ياسمين✨ ، هذه الأخيرة التي ذاقت كل أنواع العذاب و الخيانة حتى من أقرب المقربين ما دفعها لتصبح قاسية و تغير من شخصيتها لتعيش وسط الذئاب " لا أريد حرق الأحداث لذا تابعوا الرواية لتتعرفوا على ياسمين و ما معاناتها في الحياة؟...
