မိစ္ဆာနှင့်တာအိုရဲ့သွေးနှော

ဆန့်ကျင်ဘက်များ (၂)

ယောင်ကျူရှောင် ၏ မျက်နှာသည် အနှစ်တစ်သောင်း နှင်းခဲများကဲ့သို့ အေးစက်နေပြီး လူချင်းယူ ကို အေးစက်စွာ ကြည့်နေလေသည်။
လူချင်းယူ က ပေါ့ပေါ့ပါးပါး မျက်ခုံးပင့်လိုက်ပြီး "သူမ အဆင်ပြေလား?" သူ့အသံတွင် အောင်ပွဲခံသော လေသံတစ်ခု ထွက်ပေါ်လာပြီး "မင်း ငါ့သမီးကို လျှော့တွက်လွန်းတယ်"
"အအ!" လူယောင်ယောင်း ခေါင်းညိတ် သဘောတူလိုက်သည်။
ဟုတ်တယ်၊ သူသည် ဇီဇာကြောင်သူမဟုတ်ပါ၊ ဝိညာဉ်နို့မှတပါး အခြားအရာများကို စားနိုင်သည်။
နောင်တွင် ဖေဖေနှင့် အဖေသည် သူ့အား တောရိုင်းအသီးအနှံများ စားရန် ပေးနိုင်သည်။
ယောင်ကျူရှောင် က သူ့သမီး မသိနားမလည်တဲ့ အကြည့်တွေကို ကြည့်ပြီး သူ့အမူအရာက ပိုနက်လာသည်။
လူချင်းယူ က ရွှတ်နောက်နောက် ပြုံးလိုက်ပြီး "အရမ်းစိတ်တိုနေပြီလား? ဒါပေမယ့် ငါ ဘာမှ မလုပ်ခဲ့ဘူး"
လူယောင်ယောင်း သည် သူမ၏ လက်သီးသေးသေးလေးကို ကောက်ကိုင်လိုက်သည်။ သူမ၏ အနက်ရောင်တောက်ပြောင်သော မျက်လုံးများက ဖခင်နှစ်ဦးကို အပြန်ပြန်အလှန်လှန် ကြည့်နေကြသည်။ ပတ်ဝန်းကျင်လေထုက လေးလံနေမှန်း သူမအလိုလို ခံစားမိသည်။
လူယောင်ယောင်း ရုတ်​တရက်​ အသံမထွက်​ရဲ။
ခဏအကြာတွင် သူမသည် ငိုက်မျဉ်းလာသည်။ သူမ သမ်းဝေကာ အိပ်ငိုက်ခြင်းကို ထိန်းထားနိုင်သည် ။ မျက်လုံးမမှိတ်ခင် အကြိမ်ပေါင်းများစွာ စကားတွေပြောနေမိသည်။
ဖေဖေ အဖေ ရန်မဖြစ်ကြနဲ့...
…
ယောင်ကျူရှောင် သည် ဆိုဖာပေါ်တွင် အေးစက်သော မျက်နှာဖြင့် ထိုင်နေသည်။ အိပ်ပျော်နေသောကလေး၏ဗိုက်ပေါ်၌ သူ့လက်ကိုတင်ကာ သူမစားသုံးခဲ့သော ပိုလျှံနေသော စွမ်အင်ကို ချေဖျက်ပေးသည်။
လူချင်းယူ သည် ခဏလောက် မျက်လုံးကို ငုံ့ကြည့်ပြီးနောက် သူ မော့ကြည့်လိုက်ပြီး "မင်းဘာလို့ ဒီလောက်တောင် ဒေါသထွက်နေတာလဲ?"
"မင်း သူ့ ကောင်းဖို့ လုပ်နေတယ်လို့ မင်းထင်လား"
လူချင်းယူ က ထေ့ငေါ့ပြုံးလိုက်ပြီး "သဘာဝဝိညာဉ်သန္ဓေသား၊ တာအိုနဲ့ မိစ္ဆာ နှစ်ကိုယ်လုံး၊အော်ရာတေနဲ့ ပြည့်နေတဲ့ ခန္ဓာကိုယ်။ အိပ်နေတဲ့အချိန်မှာတောင် သူ့ပတ်ဝန်းကျင်ကနေ အငွေ့အသက်တွေကို အလိုလိုစုပ်ယူတာ"