احببته من علئ الجدران

الجزء 1

اسمي موج عمري ،،19
عائلته متكونه من اب وام وثنين بنات وثنين ولد اخوي الجبير علي عمره 25
مزوج وزوجته اسمه زهراء
والثاني اسمه معين عمره 21
والبنات اني واختي عمرها 23 مزوجه

______

ساكنين كلنه ابيت واحد بهدوء وسلام....

اكو قطعه ارض بصف بيتنه كلش مكانه ركن كلش حلو  وهواي ناس تجي تسأل منو صاحب القطعه حتى احنه منعرف لمن بعدين اجه رجال الي هوه صاحب لارض ويفكر يبيعها راح ابوي عليه طلع صديقه

حسين....السلام عليكم
محمد... هلا ابو علي حياك الله
حسين.... ها اليوم هناا
محمد... اي والله اجيت اشوف القطعه مدري ابنيهه مدري ابيعها
حسين.... يعني هسه هاي القطعه الك
محمد... اي الي
حسين... لعد شون متكلي واني صارلي شكد ادور صاحبه
محمد... والله مادري بيك ماتدري عبالي عندك علم بس المن تدور عليه
حسين... عود اريد اشتريه افتح بيه أسواق
حسين... والله مادري هيه مكانه حلو والمنطقه حلوه اشوف وردلك خبر

___

حسين... هاي القطعه الي يمنه طلعت مالت واحد من جماعتي
حنان... يااا وانته ادور صارلك شكد
علي... اي بويه وشنو يبيع لا
حسين....والله مادري الرجال بعده محتار لان يكول مكانه زين
موج.... اذا تسويه كوزمتك يارب يبيعها بس اذا اسواك انشالله يبنيه ويسكن بيه
حنان... انتي شلحيتي ويه لكوزمتك
موج...مو يمه والله عاجبني اشتغل بيه اني
حسين... هسه خل يبيعها اول وبعدين نشوف شنو الزين ونسوي
موج... ماكو احسن من الكوزمتك

____

موج... ماما
حنان... هاااا عيوني
موج... هاي القطعه الي يمنه شصار عليه
حنان... يااا وين غير صاحبه كال مابيع وراح يبنيه
موج.... خرب يومه شكد اناني
حنان... لتحجين هيج ع العالم ويلا روحي تصلي ع غصون شوفيه تجي اليوم لو لا

____

موج... غصني شونج
غصون... هلا يروحي
موج... شنو تجين ليوم
غصون... اي اي اجي فد ساعه هيج ونطلع
موج.. تمام يروحي هلا بيج

موج.... جايه
حنان.... ها خوش هلا بيهم

___

بعد فتره طويله اجه صاحب لارض وبنه قطعته وخلص من البنيان الجدار والسقف وبعده مستمر بالعمل

احنه بيتنه طابقين بس الطابق الثاني صغير غرفتين وصاله وحمام والباقي سطح واني غرفتي فوك وتصير مقابل بيتهم بضبط يعني اذا افتح شباج غرفتي اشوف بيتهم كله...

جنت نايمه وسمع صوت كلش عالي كعدت مرعوبه فتحت باب غرفتي اهلي ماعدهم شي عرفت من هذوله الناس الي يبنون ابيتهم فتحت الشباج شفت رجال واكف ع صفحه واكو سياره محمله طابوك وجاي تفرغ بي والصوت منه سديته ورحت
ثاني يوم نفس الشي هم اكعد ع صوتهم وفتحت الشباج وشفت نفس الرجال ماهتميت سديته ورحت للعصر باوعت ماشفت احد طلعت للسطح اشوف شيسون ويوميه هيج يطلعون صوت صعدت ع شي عالي علمود اكدر اشوف من سياج السطح وشفت اكو طابوك وتراب وسميت وهوسه هواي فوك البيت عرفت راح يسون طابق ثاني ف واني اباوع ع البيت جان الرجال موجود واني ممنتبها وين يم سيارته ف من شافني باوع عليه ودنك راسه اني بسرعه شردت
وبعدين نسيت السالفه وره شكم يوم تكدرر نفس الموقف هم اباوع من فوك سياج السطح وشافني
بس هاي المره كلش ستحيت منه لان تكرر هسه شيكول عليه ف كمت انتبه يلا اباوع لان الفضول كلش قوي حتى اباوع علئ بيتهم وشون يشتغلون بي...