أحببتك لأنك كُنت كل الرفاق
أحببتك لأنك كُنت الجزء الناعم في ايامي.
من رجعنه خلينه لاغراض كله بلحوش وبعدين نقلناهن براحتنه
جنت اشوف الاء وجها غيره يقين حقد
جنت امشي واقرأ آيات من عيونهن وشرهن لان نظراتهن تخوف...
صادق جعفر مرتضى سراج ولا واحد أذاني بكلمه
وجانت كلما تصير مشكله وهمه موجودين ميقبلون ويوخروهن عني...
ويكولن
عيب من ابوي
لخاطر ابوي
شيكول ابوي علينه
ليسمعج ابوي
اي واحد منهم وخصوصاً صادق
هوه أقرب واحد لابو بين لولد والبنات
البنات جانن امهن شتكول وتحجي لذالك هنه بكل مشكله
لولد لا جان ميرضيهم زعل ابوهم رغم همه مو موافقين ع زواجنه وميحبوني بس محد يتقرب مني او مسمعني حجايه
ثاني يوم راح ابو جعفر يجيب لاغراض الي حجرهن
وأولاده سراج ومرتضى انعجبو بلكرس المرجوحه
كلهم بس اني اشتريلكم بعدين
كتله لا خل ياخذون هذه وانته من يصير عندك مجال اشتريلي
همه وافقو بس امهم كبل طفرت ياخذون زبالتج تتفضلين عليهم منريد منج شي ومن هل حجي
كال ابو جعفر اني ممنطي الج حتى ترفضين منطي لأولادي بس اني مراح انطي الهم علمود اشتريهم واحد أكبر يكفي ثنين مو علمودج
هيه بعد تفشلت وسكتت
بلايام الي فاتت جان سلام خاطب ف قرب موعد زواجه
وصادفت قبل الزواج بأقل سبوع الاء طلبت ليله من ابو جعفر
ومن ماراح راحت كالت لابو حتى يكله يعدل بينه
هوه من حقها بس اغار اموت من الغيره ماتحمل يروح ينام يمهه وليخوفني اكثر يصير بينهم شي يتقرب عليه اني هوه جان كلش منزعج من هل شي بس مجبور
وصار يروح ليله الهه اليله الي وبليلتهه متاخد عيني نوم وكل شوي انزل اشوف الحمام خاف واحد منهم طالع يسبح
وثاني يوم اكعد قبل لايكعد واراقبه يسبح لو لا
وشنو وضعه يسولف وياها تكعد وياه
بس كلشي ماكو شكم مره بمره اراقب بس لا تكعد هيه ولا هوه يسبح
بس هيه كلما يبات يمهه وكت صلاة الضهر تدخل تسبح ومرات تسولف عود تسمعني وتكول
خل اروح اسبح قبل لتصير الصلاة
بس جنت اطنش لان ماشوف شي يخليني اصدك بيهن شي كل الي بينهم سلام ومن تسأله ع شي لو تحاجي يجاوب وهوه داير وجها وكد السؤال
بس هيه تحاول تقهرني.. واول ليله راح الهه ثاني ليله الي ومن تقرب عليه رفضته هوه عرف ليش
بس كلي انو هوه ينام بلكاع وهيه ع الجربايه
ومرات تنزل تنام وياه بلكاع بس يكله كومي لو يدير وجها عنه ويتجاهلهه
ف بطلت تتقرب منه بسبب رفضه الهه
أنت تقرأ
احببته من علئ الجدران
Romanceقصه حقيقيه.... تنبني القصه علئ حب وان كان فارق العمر كبير لاكن الحب اكبر.... تواجه صعوبات حتى تكدر تتحمل غيابه بالعسكريه وحتى تقنع اهلهه وتتحمل انو تكون الزوجه الثانيه...
