احببته من علئ الجدران

الجزء 4

لَيت كُل العيون التي تَراك كانَت عيوني...♥️

___
محمد... الوو الاء اني جاي بطريق اخذج انتي ولبنات لبيت اريد بس اوصل اطلعن ماريد تأخير
الاء... اي هسه اكلهن بسرعه
محمد... جبتهن ورجعت كل وحده راحت بجهه يفترن بلبيت اني بقيت بره انتضرها بلكي تجي لان اريد ألتحق 10 ايام يلا انزل وبعد هاي المده ماكدر اشوفها بقينه تقريبا نص ساعه وهيه ماكو
___

موج...رحت اسوي كيكه سويته وخليته بلفرن تستوي وصعدت اخذلي فره بالسطح لان هوه مكاني الوحيد الي ارتاح بي خصوصاً بطبيعتي احب الجو السماء الغيوم لهوا اللاشجار وكل النباتات واموت ع شي اسمه زراعه رحت كعدت يم ورداتي واخذتي وحده صغيره وكمت ادلع بيه وسمعت صوت ابو جعفر لان  صوته جدا مميز   عالي وخشن وبي غصه شويه ف مميز واحبه كلش هواي... بسرعه كمت باوعت من السياج لكيته واكف بلحديقه ويمه مره كاعده مدري شسوي وبنات ثنين يفترن بلحديقه جهاله يم السياره يسولف ويه المره الي كاعده وهيه مبينه اصلن مرته وبناته يشاركن بالحديث وياهم وكل شويه وينادي ع واحد من جهاله علمود لايرحون بعيد

___
محمد... بعدين البنات وامهن اجن يمي للحديقه ماكدرت اباوع وجنت اتمنه ماتجي علمود لتشوفهم وياي بس للإسف سحبت عيني بسرعه وشفته موجوده وتباوع علينه بس شافتني اباوع عليه بسرعه وخرت وبعد ماطلعت انتظرت فتره ماكو ف كلت اصعد للسطح حتى اشوفها

___
موج...صفنت بنفسي اني شجاي اسوي رجال وعائلته متجمعين ومتونسين واني اباوع عليه شكد قليلت ادب بناته أولاده زوجته هاي حياته الي بانيه وياهم اني منو حتى اجي واحبه هيج وحتى بدون لايدري بيه ولا يحس واني شون اكدر اخرب هيج عائله حلوه ومتماسكه... واني بين الف سالفه ابو جعفر باوع عليه بسرعه وخرت كعدت بلكاع مكسوره مهضومه مو منه من نفسي اني شسويت بنفسي وين وصلته اغار عليه من اهله من مرته من بناته رجال عايش حياته واني هيج اجي ابساطه أريده الي
كعدت ابجي بحركه ومن كل كلبي اني ليش هيج سويت ليش مامنعت نفسي من البدايه ليش حبيته

___
محمد... صعدت لكيته كاعده تبجي وتبجي بقوه واضح متأذيه هواي بقيت محتار شبيه معقوله لان شافت مرتي وياي بقيت اتقرب من بيتهم حتى اصير اقرب عليه وشوفها زين

___
احببته عندما كان لوحده
فإحترق قلبي عندما رأيته مع غيري..
___

موج... واني بعز كسرتي شفته موجود تمنيت ماشايفته ابدا تمنيت ماطالعه للسطح تمنيت ماجاي للمنطقه ديباوع عليه بنضرات غريبه وكئنما يسألني شبيه يريد يعرف ليش ابجي وجاي لجهتي باوعتله بنضره مليانه حزن كمت بس جانت رجليه متشيلني ستندت بلحايط ودخلت للبيت.

___
محمد... باوعتلي بهذيج النضره المليانه تعب وماشردت مثل كل مره اصلن جانت كوه تمشي ويه الحايط كلت يمكن مريضه لو نضربت بشي لان ممعقوله لان شافت اهلي وياي بنيه بعمر الورد تهتم لرجال بعمري ليش اصلن اني
غلطان واباوع عليه حتى عيب عليه وطبعا هاي كل يوم اكول لنفسي هيج وكول خلص بعد ابدا ماباوع ابدا بس من اشوفها اتمنه متروح من كدامي بقيت فوك ع امل تجي بس تأخر لوقت كلش وصار المغرب واني اتحجج فوك بعدين نزلت بس بالي وتفكري َكلبي كله يمهه شبيه هيج تبجي وتعبانه...