قصه حقيقيه.... تنبني القصه علئ حب وان كان فارق العمر كبير لاكن الحب اكبر.... تواجه صعوبات حتى تكدر تتحمل غيابه بالعسكريه وحتى تقنع اهلهه وتتحمل انو تكون الزوجه الثانيه...
بعد فتره والده لابو جعفر ادخل وكال لاهله الاء ترجع لبيته ومحمد مو اول واحد ولا اخر واحد يزوج ثنين ف ترجع معززه مكرمه ومراح يقصر وياها بأي شي ولأن كلمته مسموعه بين الناس اهله كلوله هيج وهيه قبلت ترجع ورا يومين اجه ابو جعفر الي وكال رجعت الاء بس متغيره
هيه جان لبسه كله اسود متلبس غير اسود وهوه ابوها توفه قبل 10 سنوات وبقت ع لأسود شكد ابو جعفر كايل الهه غيري لأسود البسي الوان بس هيه تحب الأسود وبقت عليه من رجعت جانت لابسه الوان بس غامقه كلش ومسويه حواجبهه تاتو وصابغه شعرها. بين قوسين مرتبه نفسهه علمود تبعد ابو جعفر عني اني ماهتميت لان اعرف شنو حبه الي
وقبل لا ترجع لبيتهه صارت حادثه ويانه
من بعده زعلانه خابر عليه ابو جعفر كال انتي وين كتله ابيت ابوي كال اي ابقى ولطلعين ابد وسد الجهاز
بعدين رجعت اتصلت عليه بس مارد من فتحت شباج غرفتي سياره طابكه يم البيت مالت ابو جعفر واكو صياح وضرب ع الباب كلش قوي استغربت شكو شويه واتصل عليه ابو جعفر وكال
هاي الاء اتهجمت للبيت من عرفت انتي ساكنه بي ومن محد فتح الباب اتصلت عليه وكالت وين ضامها يعني ادور عليج واخوها هوه الي جايبهه وصارت مشكله
لذالك والده لابو جعفر ادخل وحلاها ورجعت لجهالهه بس من رجعت كلش شاده ويه ابو جعفر وحتى متخلي ينام يمهه بلغرفه وهاي جانت من صالحي انو صار كل ليله بليل يجي يبات يمي والصبح يطلع لو للدوام لو يروح الهم للبيت هنا رتاحيت وأطمن كلبي واخيرا صار زواجنه علني بس ماعرف جنت هذه الشي راح يجيبلي المشاكل ودوخت الراس
صارت مرته والولاده يلحون عليه حتى ينتقلون وأبو جعفر يرفض لان يشوفهم حاقدين عليه كلش ويردون يجون حتى يسون مشاكل اني من كلي هيج صدك خفت شون بيه وياهم اني اريد اكسبهم الي وماخليهم يحسون اني مرت ابوهم وإنما صدقتهم بس الضاهر أحلامي جبيره
صارت زياره المشايه وابو جعفر صار كلش مشغول يادوب يلحك يتصل عليه شويه ومايجي لا الي ولا البيته وأولاده وجان الموعد بانتقال أولاده للبيت ورا صفر لان حسب الي نعرفه شهر صفر مكروه وكلشي بي نحس ف لمن يخلص الشهر يلا يجون للبيت وكل يوم يتقرب يخلص الشهر اخاف واذكر من جنت متحمسه شون هسه وشون حماسي قبل
بس مع ذالك هم جنت اريدهم يجون حتى يعبر هاي لايام ونصير عائله وحده
ورا زيارة الأربعين بيوم اتصل عليه وكال ليله جاي رحت للبيت قبله جهزتلنه سفروه للسهره من الحلويات والفواكه والعصائر وغيره
سبحت ومشطت شعري وعفته مفتوح ماخليت مكياج لان ميحبه خصوصا اذا ثكيل ف خليت تنت لشفايفي ثابت اللون ومسكاره
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
