يكولون التحبه تضمه بلعين
انا بيا عين اضمك وانته عيني
موج... دخلت للبيت واني بشكل عصبي وتعبان ولمن سألتني امي كلت ضايجه عله حالت خاله ام احمد (جوارينه)....... بعد ماصار موقف العامل الي باوع من السايج كلت اكيد ابو جعفر هيج يشوفني ويضايق مني بطلت اباوع بشكل نهائي هوه اصلآ اني ماباوع بس مرات قليله ابتعدت عنه هواي
محمد... بعد الي صار حبييييته كلش هواي وتمسكت بيه ورا اسبوع وهيه مختفيه حجيت ويه اخوي لأكبر
مني وكتله اريد ازوج اول شي رفض بس بعد مااصريت عليه قبل وأخيراً لان هوه اله تاثير جبير على ابوي ورحنه حجينه وياه ورفض حجيت ويه خالي يتوسطلي يم ابوي وراح وكله وهم رفض خصوصاً الي اريد لزوجه زغيره بلعمر
حجيت ويه كل واحد ثقه كون مايوصل الحجي لزوجتي واولادي لحد مايكمل الزواج والي عرفو اخواني كلهم 2 اخوان واخت وحده خوالي بس الزلم عرفو لان اريدهم اول شي يقنعون ابوي وثاني شي يرحون يخطبولي وعمي وبنته مزوجه بعتبار اختي ماحسبه بنت عمي ابدا كل هذه بعدين عن زواجات عمامي زوجات خوالي زوجات اخواني لان منبه عليهم كلش انو عائلتي متعرف غير لمن يكمل الزواج
امي متوفيه... الله يرحمها
وبعد عناء اقتنع ابوي وحجه ويه ابوها وكله نريد نجيكم وابوها كال حياكم الله
موج... كلشي توقعت بس يجي يخطبني جان من سابع المستحيلات بس سواها وتقدملي واثبتلي انو اني ماغلطت بختياري ولا بمشاعري وهوه نفذ الي عليه وصار دوري اخلي اهلي يوافقون اجت امي وحجتلي وهيه تضحك ممقتنعه ابدا كالت خل يجون وفتره ونكلم البنيه رفضت..... بدون لاتسألني موفقه او لا...... يومين واجو خطبو سيارتين زلم وكال ابوي وتفقو شهر ونردلهم الجواب واذا نريد اكثر هم براحتنه ونسأل ونشوف ابوي كلهم................. مايحتاج نسأل عنكم نعرف اصلكم ونعرف انتم ناس اجاويد اهل عز وشرف واحنه نتشرف بنسبكم بس تشوف البنيه والله يجعلهه من نصيبكم....
اجه ابوي وجان مثل امي يضحك على خطبتهم وكلهم نسأل لان جان متأكد ارفض بس صدمتهم من كلت لامي موافقه
حسين... زهراء
زهراء... ها عمي
حسين... كولي الموج خل تجي هيه وامها
زهراء... اي عمي...... موج عمي يريدج انتي عمتي
موج... هم كلج شيريد
زهراء... لا بس اكيد علمود الخطبه
موج... يمه كلبي شون بيه.... يارب
موج... ها بابا دزيت عليه
حسين... اي بنيتي تعاي اكعدي يمي امج وين
موج... هسه راح تجي
حسين...خير ان شاء الله.
بعد مااجت امي
حسين... سمعت من امج موافقه عله هذه الزواج.
موج... لحضات من الصمت
حسين... هااا احجي بابا لتستحين
موج... بصراحه اي اني وافقت
حسين... اي ليش توافقين انتي شايفته
موج... لاا
حسين... هسه اطلعلج صورته
موج... بابا اني ماهمني شكله
حسين... مو عن شكله ياابويه عن عمره رجال جبير مو من عمرج انتي بعدج ورده شون فكرتي بيه امي اخلي وردتي تزوج رجال جبير يذبل غصنهه
موج... اي ادري بي جبير وقبل لتكلي هم ادري بي مزوج وعنده جهال
حسين... خلص اذا تدرين عله شنو موافقه
موج... بابا خل افهمك
حسين... يلا هاي اني كدامج فهميني اقنعيني ولو اني اعرف مستحيل اقتنع
موج... انته بيوم من لأيام كلت... اني ماريد بناتي يضمن عليه شي
حسين... شنو قصدج
موج... لا لا فهمت غلط خل اكملك هسه
وكلت اي موقف يصير وياجن تجن تحجلي اول واحد وغصون طبقت كلامك واجت كلتلك بابا اكو واحد بالجامعه يدز عليه اخته يريد يتقدملي وانته بوكته شكلت
موج... رحت حجيت وياه
موج... حلو بعد ماحجيت وياه وكتله انو غصون عده اهل يكدر يتقدمله بالحلال وهوه اجه تقدم ومن سألت عليه أخلاقه بي الناس فول بس بعد الزواج شون شلع كلبهه حتى خلاها تترك عمله حارمه من الطلعه من اقل حقوق يمنعها وهاي زينب هم شابعه ضيم ويه رجلهه وهاي سلوئ نفس الشي
حسين... اي الناتج
موج... اي هذني كلهن ازوجن من عمرهن ورغبتهن هنه واهلهن ومشلوعه كلوبهن يعني الجبير الزغير نفس الشي بس اكو شغلتين بيهن فرق هوه العمر والثاني العقل يكون اعقل من هذه العمره 20 ميت مره دارس الدنيه وفاهم ومسؤول
أنت تقرأ
احببته من علئ الجدران
Romanceقصه حقيقيه.... تنبني القصه علئ حب وان كان فارق العمر كبير لاكن الحب اكبر.... تواجه صعوبات حتى تكدر تتحمل غيابه بالعسكريه وحتى تقنع اهلهه وتتحمل انو تكون الزوجه الثانيه...
