احببته من علئ الجدران

الجزء 3

:جابتــه الصدفــة
      .. وصآر أغلــى مـآ عنــدي

محمد... وصلت للبيت وجان تمطر خفيف كلش غطيته وجان اريد انزل واشوف بتهم ع السطح والمطر بده يقوه دخلت للبيت بقيت انتضر يوكف المطر حتى ارجع للبيت

__
موج... اول مطره بلشته ف اكيد مهمه ومنا احب المطر اكمز وركص وصفك وطك اصبع واغني...... قبل كلشي باوعت ع بيت ابو جعفر ماكو احد بعد اخذت راحتي وهم جنت متوقعه محد يجي ليل ومطر شكو جاي

__
محمد... مطرت كلش قوي وتأخرت تمطر ف كلت خل اطلع بس اجت ع بالي البنيه كلت اشوفها وروح طلعت وشفته بعده جوه المطر بس مبلله كلش سبحانه بلمي مارضيت عليه وجنت اكول بكلبي......غبيه روحي جوه لتتمرضين ...ف بقيت اباوع عليه وامشي لجهت بيتهم بدون مااحس

__
موج...هيج باوعت ع سطح ابو جعفر وشفته موجود ويباوع عليه ومبتسم فوكاها حرت شسوي ملابسي لازكه عليه من المطر وبدون شال وشعري مفتوح وشكلي كلش ممقبول هوه من شافني شفته بده يغطي بلسمنت واني من الفشله خليت كذلتي فوك وجهي ودنكت راسي ودخلت للبيت وبعد ماطلعت حتى من رجعت مطرت قوي

__
محمد... شافتني وبين عليه الخجل علمود لتكول اباوع عليه بديت اتظاهر جاي بشغل مو الهه... راحت بقيت اباوع لبيتهم انتظرها وبيه فرحه.... كلت لنفسي اني ليش جاي انتظرها وليش اباوع عليه وليش اتونس من اشوفها استغفر الله ربي العظيم واني كلت بعد ماباوع عليه ابد شبيه ماكدر اسيطر ع نفسي ولا مره سمحت لشي يتغلب عليه بس هيه كدرت وكل مره امتنع منه لا إرادياً ترجع عيوني ادور عليه

__
موج... كل مره يصير بينه موقف اني وابو جعفر اختل بلبيت ف اسبوع خمس ايام من لفشله عدا هذه الموقف اصلن خلاني اتقرب منه اكثر وثاني يوم خلصته يم الشباج حتى اشوفه ماكو شكد انتضرت اجه ولدهم وحده عرفت مراح يجي لحد لمغرب وبطلت اباوع لان صدفه يجي بليل... رحت اخبز واكو خبز قديم احنه نخلي فراش ع السطح ونخلي ينشف ونعبي بكونيه ف صعدت للسطح حتى اخلي لخبز هناك اول شي رحت باوعت لبيتهم ماكو شي رحت كملت وبقيت كاعده اعبي بلبقيه بكونيه لان اكو من يومين بالسطح بنص التعبي ورحت اشوف ولكيت سيارته موجوده واني يافرحت كلبي ركضت للغرفه لبست شالي رتبته ورجعت للخبز وادعي يصعد للسطح شويه وسمعت صوته فوك اخذتني الرجفه لان اول مره هيج اوكف واتقصد اخلي يشوف شفته بعد بقيت مدنكه راسي وشكلك مادري بي
___

محمد... صعدت اشوف السطح لان اريد اطلع عمال تكمل البنيان.. وشفتهه بلسطح بقيت افتر فوك ماعرف شسوي بس اريد ابقه علمود اشوفها جنت محتار مابين كلبي والحرام اخذتلي منهه نضره طويله حتى اروح هيج باوعت عليه

__
موج... باوعت حتى اشوفه موجود لا لان حرفياً مارفعت راسي لكيته واكف يباوع عليه خجلت ضحكت ودنكت راسي ودخلت للبيت بس فرحتي جانت متنوصف وبليل هم شفته بس وياه رجال ف ماباوعت عليه عفته ثاني يوم الصبح كعدت ع صوت العمال بسرعه رحت للشباج لكيته ماكو وجان هوه بكل مره من العمال يخلصون شغلهم يجي للبيت واغلب جياته العصر ف كلت اكيد العصر يجي بقيت انتضره بكل حب واشتياق هنا عرفت حبيته وتعلقت بي وبس ماجنت اعرف تصرفي وين موديني بس كل الي اعرفه غلط بغلط واني جاي ادمر عائله كامله ع حساب مشاعري... طول الوقت افكر بي وشنو نظرته الي وليش يباوع عليه كل شافني معقوله لان يشوفني اباوع عليه لو هوه طبعه هيج لو اكو عنده مشاعر مثلي صار العصر اجه اخيرا جنت اباوع عليه من فوك سياج السطح بدون مينتبه وهوه يباوع ع شباج غرفتي اول مانزل من السياره باوع للسطح وشافني بسرعه نزلت راسي ووخرت رحت كعدت بسطح مقابل سطهحم مباشر هسه يجي هسه يجي ماكو باوعت شفته بحديقتهم يرش مي بس عينه ابدا ماوخرت من شباج غرفتي ومن السطح كلت يلا يمكن ميكدر يصعد للسطح خلي اني اروحله للشباج فتحته وسويت نفسي جاي ارتب بلبرده اعدل بيه نوب بقيت افكر شسوي شسوي اخذتلي قماشه انضف بيه الغرفه رحت ع اساس اريد اخليه ع شباج تنشف باوعت عليه لكيته مدنك بقيت واكفه اباوع بتفاصيلها طوله عيونه خشمه حلكه بكلشي بي ف هيج وباوع عليه ارتبكت ماعرفت شسوي بسرعه وخرت رجعت باوعت لكيته هم يباوع ويضحك

___
محمد... جنت طالع وصرت قريب من البيت كلت خل امر عليه هستوني وصلت وذكرت اني مواعد البنات اجيبهن يشوفن البيت دخلت اسكي الحديقه واروح اول ماصرت قريب من البيت عيوني بوحده صارت ادور عليه خصوصا الشباج بكل مره اروح للبيت عيوني تبقه ع الشباج الي اشوفها منه بس نزلت من السياره شفته موجوده هنا رتاحيت لان اذا اجي للبيت ماشوفها احس بنقص مرات اروح بس ماشوفها كل شويه اريد ارجع اجي مره ثانيه حتى اشوفها لان جيتي ماتكمل بدونه اني من نفسي ماعرف شنو الي يصير وياي مرات احس احبه واريده ومرات احس مجرد شعور وشكد احاول اتغلب ع نفسي ورغبتي بس اكول خل اروح اشوف البيت تجي ع بالي وكول اي بلكي اكدر اشوفها
.... كملت وردت اروح بس هيه ماكو كلت يلا اجيبهم واجي وشوف اذا الكاها موجوده

___
موج... اني شويه ورحت كلت فشله شيكول عليه اروح احسن رحت يم زهراء شويه ورجعت مالكيته بعدين رحت نزلت ولكيت معين يدرس
موج... ها حبيبي شسوي
معين... حبج برص
موج... ها يعيوني
معين... عمت عينج
موج... كبر مو مال احترام شنو عندك دارسه
معين... لا والله جنت ضايج وماعندي شي كلت خل اطوع ودرس للعالم
موج... اهاااا لعد يلااا ادرسلي اخيتك متعرف هاي الخرابيط
معين...منو الضربج عله ايدج كالت اتركي الدراسه
موج... نفسي والف الحمدلله احسن خيار هوه من تركت الدراسه هاي غصون شستفادت من الشهاده بس المشاكل هيه ورجله
معين... خيار لو بطيخ ضلي ضلي نشوف من تصير عندج جهال منو يدرسهم لو مات رجلج لو طلكتي لتجين عليه وتردين اصرف عليج
موج...اهم شي اعرف اقرا واكتب وبهذه الوكت حتى لو ما عرف البرنامج مليانه دروس ويدرسون وطلاك ماطلك معدله اني وين اكو مثلي بس اذا مات الله يرحمه يومه هذه
معين... ديلا بره اقرا يلا
موج... عابت وجهك

معين خامس إعدادي وغصون متخرجه وتوضفت بس صارت مشاكل هيه وزوجه وخلاها تترك الشغل وتكعد بلبيت واني ثالث متوسط وطلعت ماحب الدراسه حاولو اهلي يخلوني اكمل بس اني اصريت لان اغلب بنات عمي هاي الي مثل غصون تزوجت وعافت الشهاده وهاي الي ممحصله وضيفه وهاي الي مشلوع كلبها بدراسه والمصاريف كلت اختصر الموضوع وكعد احسلي واني أساساً ماحب الوظيفه والعمل خارج البيت ف شتغلت ويه شركت مندوبه يعني انشر واعرض منتجات وملابس ومكياج ومن يجي عليه حجر اثبته يم الشركه وهمه يوصلو للزبون وراتبي شهري واكدر اازيد سعر القطعه الي ابيعها وارباحها الي والحمد ممحتاجه اي شي صح اول شي صعب عليه وصعوبه يلا كسبت زبائن بس ابوي جان وياي بكلشي هوه وامي بس اكول ابطل شجعوني علمود اتعلم واكسب خبره لان بس اني بين اخواني تركت الدراسه وكعدت وابوي كل يوم يجيبلي شغل شكل بس بلبيت يعني بحكم اني ماريد اطلع وابوي كلش مرتاحلي ومطمئن عليه لأن كاعده جوه جناحه وبين اخواني اكثر وحده مطيعه لاهلهه ابدا ماكسرلهم كلمه لو اضوجهم بتصرف لذالك صايره قريبه عله ابوي كلش

يتبع..