احببته من علئ الجدران

الجزء 21 والأخير

رغم التعليقات السلبيه والكلام الجارح اكمل قصتي
وياريت ماتحكمون ع بسرعه

. اعوف الناس كِلها وانتچي بفَيك

وصلنه للبيت جنت كلش تعبانه كبل صعدت لغرفتي غيرت ملابسي ونمت ابو جعفر بقه شويه ينتظر أولاده ومرته يجون ويجي شويه واجه نام

ثاني يوم الصبح ابو جعفر كال اذا مو كلجن سياره وحده محد تطلع من الباب
ف طلعنه الاء صعدت كدام يم ابو جعفر واني ولبنات ورا

رحنه واني سلمت ورجعت ويه ابو جعفر
والبنات بقت للغده..

رجعت للبيت نظفته كله وسويت غده وغسلت المواعين.

ورا العرس بيوم رجعنه مثل قبل ليله يمي وليله يم الاء.  ماكدرت مااغار

جنت بأقل فرصه اتقرب منهن بس اخذتلي فتره ابتعدت عن الكل حتى ابو جعفر اخذتلي اسبوع تقريبا ارتاح من كلشي
وبعد هذه لأسبوع قررت ابدي من جديد وياهم واتفقنه اني وابو جعفر نبدي بزهراء وصادق لان همه أسهل شي للوقت الحالي

صرت كلما اطلع اشتري ملابس اكسسوارات للبنات اكول من ابوهن
وابو جعفر كل شكم يوم يطلعنه نتغده لو نتعشه بمكان
وبلبيت ماننجمع بس ع السفره ف صار دوم يكعد بصاله والاء تجي تكعد يمه ولبنات من يشوفونهم كاعدين يجن يكعدن ولولد هم اني اخليهم يتجمعون كلهم اروح اجيب شي ناكله مثل الفواكه الحلويات وغيره من اكلات خفيفه

ومرات ابو جعفر بليل يكول تعالو نتعشه بحديقه
ناخذ فراش نفرش ونطلب اكل جاهز ونكعد احله كعده وهاي اكثر شي يحبونه لأولاد والبنات الاكل بلحديقه ف صار يكثر منهن يسولفون ويضحكون وكلش يندمجون اني ابقه ساكته لان بس احجي يسكتون ف ابقه بس اضحك بدون ماحجي يبقون همه وابوهم  وامهم يسولفون واني ساكته بأغلب الكعدات والاماكن

مر شهر أو شهرين ف كسبت زهراء وصارت صديقتي بس صارت مشاكل بينه هيه ويقين
يقين ترفض علاقتي ويه زهراء ف تعصب ع زهراء

واتفقنه اني وزهراء نبقه صديقات بلسر عن الكل علمود لا تصير مشاكل وياها
صارت بليله الي ابو جعفر يم الاء تجي تنام يمي ونسهر ونلعب ونتابع افلام ومسلسلات وكلش تتخفف عني

جانن يقين زهراء ثنينهن بغرفه بس من صارت زهراء تريد تبات يمي كالت لأبوها تريد غرفه وحده علمود تكدر تجي يمي بدون لا تحس يقين

فاطمه لا اجت اعتذرت من ابوها ولا اتصلت عليه ف تصرف هوه لمن عرفنه بيه حامل اخذنه كومه هدايه ورحنه الهه اني وابو جعفر لبيت عيالهه ف هيه من شافت ابوها هيج حضنته وصارت تبجي وتعتذر
وهيه جانت تعرف بعلاقتي ويه زهراء وجانت دايمآ زهراء تحجيله عني وتحاول تصلح بينه
ف من رحنه بعد ماعتذرت من ابوها ماعتذرت مني بس حجت وياي كأنما ماكو شي واني فرحت كلش
صح جانت برسميه كلش بس تتحسن ويه لأيام