احببته من علئ الجدران

الجزء 6

            صـرت اتخيلك بين لاغاني
          اسافرلك عـمر واني بمكـاني

الكاتبه بنين الـ حسن

____
موج... حبي كل يوم يزيد ومجاي اكدر اسيطر على كلبي مره استسلم ومره اكول لا اني اقوه من هيج وراح امنع نفسي منه جنت بين يومين وثلاثه اشوفه بس احاول قدر الممكن ماخلي يشوفني حتى لو شويه بس هوه فهمني وصار يدير وجها فتره طويله وبعدين يباوع لجهتي بسرعه حتى مالحك اشرد... بقينه تقريبا شهر اقل ع هل حاله اشوفه بس قليل وهوه اقل مني بعد بس من جان يجي مايجيب وياه اي احد وبسبب هالشي من اشوفه انسه عنده حياة خاصه وعائلة لحد ماا مره جاب ابنه وياه وسمعته ينادي على ابو جعفر بابا قهر الدنيه كله صار بكلبي ورجعت حالتي تعبت ورجع الندم والقلق والتفكير وكلشي متعب بس بليل من اروح انام افكر وراجع كلشي مريت بي اشوف انو مو لازم اكون حزينه على فراكه وشنو يعني اذا ماصار الي اواسي نفسي بكل الكلمات الي ممكن تقويني وفعلا اكعد ثاني يوم بأمل بس اهم شي ماشوفه لان من اشوفه يتغير كلشي لو افرح بشوفته لو اضوج لان اذكره مو الي

___
محمد... بعد مارجعت موج صح مو مثل اول ماشفته بس ع اقل اشوفها بالاسبوع مره تبردلي كلبي شويه جنت كل ماشوفها مادير عيوني عنه شتكول عني خل تكول بلكي تفهم اني حبيتهه واريده الي تحت اي ضروف... صرت ماجيب آلاء للبيت لا هيه ولا الجهال ولا البنات اني الوحيد الي اجي خفت لا ترجع تبتعد عني مره ثانيه بس مره ردت اطلع اجي للبيت سراج صار يبجي ويريد وياي أخذته لان لشوكت ابقه أبعدهم عنهه جنت من اروح للدوام وتأخر يومين ثلاثه لو سبوع كلبي يبقه يمهه بس اريد ارجع حتى اروح للبيت وشوفها جان اكو شغل بلبيت من العمال بس ماجنت اخلي جعفر يروح للبيت او صادق اني بنفسي اروح حتى لو شي بسيط بس علمود متشوفهم وهم أريده فرصه وحجه اجي بيهن للبيت بلكي اشوفها....... من يوم مافتحت الباب الي بلغلط وراحت فتحت الشباج حتى تشوفني تربعت براسي وكلت خلاص الي الي وجنت اريد اعرف لو بس شويه من اتقدم الهه توافق لو لا وهذه عن طريق نظراته واهتمامهه الي بس طول هاي ال
فتره ماشفت اي شي يخليني اتقدم الهه وجانت حتى من تباوعلي متخلني اشوفها اني جنت اشوفها بس بدون ماتدري توكف ورا الشباج وتباوع واني اشوفها لو فد مكان بس مبينه منه ومرات نظراتي تسبقها مطلعه راسه من فوك السياج يباوع

___
موج... اجه رمضان واني من اعرف ابو جعفر موجود مره اروح اشوفه مره اغمض عيوني وروح لاكن بيوم غسلت فرشات خليتهن ع حايط السطح ف جان اكو هوا عالي  وطارن ووكعن لبره انجبرت اني اطلع اخواني ممجودين بس ابوي ونايم وحتئ لو كاعد ماكله لبست عباتي ورحت باوعت لبيت ابو جعفر ماكو احد رحت اتمشه الجو جان كلش حلو وصلت مسافه عنهه وشفت سيارة ابو جعفر جايه للبيت تظاهرت بأني ماشفته وصلت دنكت أخذته وجايه امشي وهوه صفط سيارته وجاي يدخل للبيت واني كل روح مابقت بيه احس كلبي يريد يطلع اجر النفس كوه رجليه وحده طك بالثانيه امشي ومعدنكه راسي المشكله هوه وصل لباب البيت ورجع مادخل بقه بره واكف شويه جرئيت نفسي وباوعتله
وجان يباوعلي اول ماباوعت ابتسملي بعد دنكت ومارفعت راسي لحد مادخلت للبيت
___