الأيام السيئة لا تبقي.....
سيئة للأبد ❤️🤍🖤
صلوا على الحبيب المصطفى ❤️
انطلقت الرصاصه تعرف مكانها بعدما دوى صوتها عاليا مسبباً الصدمه على ملامح الجميع فسقطت دلال ارضا جسدها يرجف برعب حقيقي بعدما كادت تفقد حياتها في لحظه بدون سابق انذار ولكن مجئ حمزه الذي رفع يد فارس في اللحظه الحاسمه والوقت المناسب هو من انقذها من الموت المحتوم سبه فارس بسره على فعلته تلك ...
ولكن هذه المرة تحدث السيد عزمى : أن..ن.. انت اتجننت يا فارس ايه اللي عملته ده ؟؟
فارس بغضب : انا فعلا اتجننت من يوم ما دخلت هنا وشفت الكره في عيونهم وسبت مراتي وسطهم !!
كانت الدهشه الاكبر من نصيب رنا التي اعدت الكلمه مره اخرى للتاكد من صحتها : مراتك؟؟...
فارس : ايوه مراتي اللي بهدلتوها وهنتوها واتبلتوا عليها واتهمتوها في شرفها لكن جه الوقت اللي جوزها ياخذ لها حقها فيه ثم اتجه ثوب حمزه وقال بغضب جبت اللي قلت لك عليه يا حمزه؟؟
حمزة : ايوه يا فارس زمانهم جايين في الطريق ما قدرتش اسيبك في الحاله اللي كنت بتكلمني فيها دي كنت عارف انك هتعمل مصيبه وكان لازم الحقك ....
فارس : ماشي انا لسه هعمل مصايب مش مصيبه واحده ما تقلقش وهجيب برده حق مراتي !!...
عزمى محاولاً أن يتماسك : رنا ..
خدي دلال واطلعوا فوق دلوقتي ...
رنا : لا يا بابا انا مش ممكن اسيبك لوحدك معاه فهدر بها عزمي بلهجه لا تقبل نقاش : قولت اطلعوا دلوقتي وما تقلقيش عليا...
احتج فارس هو الآخر : لا يا عزمى بيه مينفعش يطلعوا جه الوقت إلى الكل لازم يتحاسب فيه .
يعنى ايه الكلام ده فارس يا ابني رغم كل إلى عملته انا مش عاوز اتصرف معاك تصرف مش هيعجبك وبحاول اعزرك علشان مقدر حالتك كويس لكن مش اصول انك تيجى فى وقت زى ده تتهجم على بيتى وأهله ! ...
حمزة : عمى بيتكلم صح يا فارس ... ممكن تهدى وتسيبهم يخرجم ونتفاهم احنا في المكتب من غير مشاكل ....
فارس بغضب : انا إلى أقرر دلوقتي ايه الصح وايه الغلط ..
وبعدين يا عزمى بيه انت زعلان انى اتهجمت على أهل بيتك ومزعلتش لما أهل بيتك اتهجموا على مراتى والى هى المفروض بنتك برده ؟؟
مزعلتش لما اتهموها فى شرفها واتهجموا عليها فى المزرعة وانت مش موجود ؟! مزعلتش لما منعوها تيجى تزورك لما رجعت من السفر والأمن وقفها برا البوابة زى المتسولين منعين دخولها تزور ابوها إلى ضحت بحياتها وسعادتها علشانه ؟؟...
وكل ده أوامر من دلال هانم ....
ممكن اعرف حضرتك هتعمل ايه بقي بعد ما عرفت سبب هروب بنتك ؟؟
أنت تقرأ
وجدت نفسي بين ذراعيكِ ❤️ (الجزء الثاني)
Romanceهو سليم الهوارى ذلك المتعصب حاد الطباع الذي هددها بكل الطرق حتى يحصل عليها ويتزوجها ولكنه ما لبث أن تحول إلى ذلك العاشق الحنون المراعي لمشاعرها لأبعد حد ..... أما هى توقف عالمها منذ وفاة والدها الذى تركها وحيدة في هذا العالم الموحش ولم تجد سواه يهتم...
