فى ظل يأسك وأشد لحظات آلامك ..
تذكر أن هناك _ اللَّـــه _
ينظر لك ... يسمع انينك
يري دموعك
مطلع على أسرارك
يربت على قلبك مهما بلغ وجعك
يَنْفُذ إلى أعماقك ... يزيل الظلام من حولك
ويبعث النور داخلك ..
نور الايمان ..
نور الحق ... نور الشمس ..
نور الحياة ...
نور الله الواحد القهار ...
قاهر الظلم .. بالعدل
قاهر الحزن .. بالفرح
قاهر البؤس .. بالحياة
قاهر الخوف .. بالأمان
قاهر الوجود .. بالبعث
إنه " اللَّـــه " يا سادة
لا تفقد الأمل ..
فقط احتسب
وقل يا اللَّـــه ..🦋🦋
🤍🍁🤍🍁🤍🍁🤍
فى دوار الهوارية :
عشق بخفوت وقد اختفى صوتها وتوقف عقلها عن العمل : بتقول ايه ؟!
سليم : بقول انتي من العيله دلوقتي وتبقي بنت عمتي جميله الله يرحمها ...
عشق بجفاف حلق : انت اكيد بتهزر صح !! مش معقول..
في هذه اللحظه تحدث الجد : مش معقول ازاي بس يا بنيتي تعالي في حضن جدك يا غاليه يا بنت الغاليه .....
ياااه من ساعه ما عرفت بموت بنتي وان ليها بنت وانا جلبي واچعني واللي كان مصبرني وچودك واني ممكن الاجيكي واعوضك عن اللي امك اتحرمت منه وتعوضيني انتي كمان عنها....
عشق بعدم فهم : يعني انا بعد العمر ده كله والبهدله اللي اتبهدلتها يطلع عندي ي عيله وناس واهل ..
طب ازاي اصدق !!
نبيلة : تصدقي يا حبيبتي انا اول ما شفتك ما صدقتش عينيا انت شبه امي اللي هي تبقى جدتك .. يمكن ما تصدقيش كلامي لكن بصي كده اعطتها صوره لسيده فاتنه الملامح تشبه عشق الى حد كبير وبالاحرى عشق هي من تشبهها !!
سعاد بحدة : ايه الدراما اللي انتوا عاملينها دي ؟؟
شبه ايه وبنت جميله مين هو اي حد يرمي بلاه علينا ويقول لكم انا بنتها هتصدقوه ؟!
وايش ضمنكم اصلاً ان ليها بنت وانت يا استاذ سليم يا متنور يا كبير العيله عرفت منين ان هي بنت جميله مش يمكن مزقوقه علينا وجايه تلهف قرشين وتمشي ولا انت اتخدعت بقى بالشبه والكلام الفارغ اللي عمالين تقولوا من الصبح . ..
انا مش فاهماكم بجد..
سليم وهو يجز على أسنانه يحاول أن يتمالك نفسه من الغضب : والله انا اللي ما بقتش فاهمك يا عمتي لا المال مالك ... ولا البنت بنتك. .
ولا البيت بيتك... انت بقى ايه اللي مزعلك قوي كده ؟؟
وبصوت اكثر حده ارتفعت نبرته عالياً : لولا انك عمتي واني عامل حساب للقرابه اللي بينا كنت عرفتك معنى كلامك انتي شايفاني برياله قدامك مش عارف انا بعمل ايه !!
دي اخر مره تدخلي في حاجه ما تخصكيش تصرفي وقتها مش هيعجبك ...
أنت تقرأ
وجدت نفسي بين ذراعيكِ ❤️ (الجزء الثاني)
عاطفيةهو سليم الهوارى ذلك المتعصب حاد الطباع الذي هددها بكل الطرق حتى يحصل عليها ويتزوجها ولكنه ما لبث أن تحول إلى ذلك العاشق الحنون المراعي لمشاعرها لأبعد حد ..... أما هى توقف عالمها منذ وفاة والدها الذى تركها وحيدة في هذا العالم الموحش ولم تجد سواه يهتم...
