مدرسة ثانوية بني آل زايد

البارت الخامس 5

( بيت اهل اثير ، غرفتها )

اثير : هين هين  ي حور وربي ل افضحك اجل ابوك طلع فراش في مدرستنا هههههههههه منجد ذي الفقيره وش جابها عندنا

( فجر يوم الاثنين )

( قسم ابو حور)

( حور جالسه بغرفتها م نامت ، راحت للمطبخ بتجيب لها مويه وصادفة ابوها بالمطبخ ، شاف حور وارتبك شوي )

ابو حور: حور م نمتي
( حور ساكته )

(بعد دقيقه)

ابو حور: والله كنت بشرح لكم ، كل شي بس مو الحين ولا امداني الوقت ي حور وانا ابوك لا تزعلين مني
حور والغصه بحلقها : شوف أبوي انا مو زعلانه منك انا تضايقت منك لانك م قلت لنا ، عن وظيفتك ، ابوي ترى الشغل مو عيب وانت كان حلمك صاحب شركه ،  والغلط عليك لانك من بدايتها م قلت لنا
 

ابو حور : والله ي بنتي ، م قويت اقولكم فراش ، تنحرجون مني ..
حور تقاطعه : يا يبه انا مابي شخصيتك وهيبتك تتطيح قدام الناس ، ابيك كما انت ، امس م قهرني الا يوم انهم يتكلمون عنك وانت ساكت
ابو حور : مدري وش كنت اسوي ، حسيت للحظه ان م باليد حيله اسوي شي وانا شكلي كذا

حور : ي يببه وش اتكلم عنه انا مابيك تنكسر مابيك تنسكر افهمم
( يقاطعهم صوت ام حور )

ام حور: وش بينكسر منه؟
( ناظرو في الام وابو حور توتر )
حور : من تعامل ابو عبدالله له
ام حور : فهميه تعبت معه ، وانتِ وش مصحيك ؟
حور : م جاني نوم
ام حور بصدمه : نعمم شفيك حور انتِ بتداومين مواصله وش صاير معك مو عاجبتني ترا
حور بنرفزه : ي يمه وش بيصير لي م جاني نوم وبس لحول صدق ( راحت لغرفتها )

ام حور : عاجبك تصرفات بنتك ؟
ابو حور : اتركيها بكيفها مو صغيره هي
ام حور : لا حياه لمن تنادي

( صباح اليوم)

( حور راحت مشي برجلها للمدرسه ماتبي سواق ولا منّت احد ، سيارة عبدالله توقف عندها )

عبدالله: تعالي اركبي
حور تمشي : مابغى روح
عبدالله: حور تعالي م تعرفين الرياض انتِ ، لا يجونك مثل امس

( تراجعت حور وركبت السياره ، كان هدوء لما وصلو ، نزلت حور ، دخلت الفصل قبل الكل وحصلت مدرس الكيمياء الجديد )

حور : ذا فصل 3/3؟
المدرس الجديد : ايوا تعالي
حور استغربت : معليش استاذ جايه بدري شكلي
المدرس بضحكه : هههههههه لا بس انا حبيت استقبلكم
(حور بابتسامه دخلت )

( جتها اثير ومسكت يدها بقوها وسحبتها برا الفصل بالقوه ، قدام الاستاذ ، سكت الاستاذ واستغرب واثير سحبتها لدورة المياه )

حور : ي مجنونه فكيني

( دورة المياه، اثير تدفها على الجدار )