مدرسة ثانوية بني آل زايد

البارت الرابع 4

( طلعت حور وهي تبكي قهر وتبكي حسره في قلبها على التعامل الي صار لابوها  وماتقدر تسوي شي، ركضت ريم وراها )

( عبدالله ، يمشي وكتفه جت بكتف ابو حور ، ولف عليه وتفآجئ )

عبدالله: ابووو حور ؟؟
(ابو حور منزل راسه )
(عبدالله ، شاف كسرة الخاطر الي فوجهه وسحبه وجلسه بالكرسي)

عبدالله: تعال عمي هناا ،، اخذ المويه ،،
( بعد دقيقتين)

عبدالله: ارتحت؟
ابو حور : مدري كيف اوصف لك شعور خيبات الامل ، كنت عارف وظيفتي بس مو قدام بنتي
عبدالله : الوظيفه مو عيب ي عمي ، لا تضايق حالك ، وحور ماتوقعتها تتركك وتروح
ابو حور بفزه : ليه شفيها بنتي ؟
عبدالله: مافيها شي ، لا تخاف انت ارتاح الحين ولا تشتغل من اول يوم ، وانا بكلم ابوي
ابو حور يوقف : لا والله ماتكلمه ، مستحي منه ساكن فيه بيته واهرج !
عبدالله يمسكه من كتفه : ياعمي الدعوه مو كذا ، بس بتفاهم معه لا تشيل الهم مو قايل شي
ابو حور يجلس بدمعه وخنقه : يارب وش هالموقف الي حطيتني فيه يارب  مايهم نظرة الناس لي لكن عيالي عيالي ي عبدالله وش بيقولون عني ، وش سويت بحياتي انا

عبدالله: عشانك صرت فراش هنا ، هاذي نعمه احمد ربك عليها وبنتك وعيالك بيرضون فيها غصب عنها
ابو حور: الشكوى لله هاذا الي بيصير
( عبدالله تركه وراح لاجتماع ابوه )

( عبدالله يدخل ولا طق الباب وفتح الباب بقوه ، كان عند ابوه اجتماع )

عبدالله بصوت عالي : م تخاف ربك انت
ابو عبدالله بفزه ونظره : اطلع برا ، باجتماع انا
عبدالله: ژق ، بأجتماعك ، انت جاوبني م عندك قلب توظف رجال شايب راعي بيت ، بوظيفه مثل ذي وقدام بنته
( ابو عبدالله انحرج ، يمسك ولده ويسحبه برا )

ابو عبدالله بعصبيه : تدخل علي وتقول ذا الكلام مريض انت !
عبدالله يرفع صوته : اي مريض ومجنون لان ربي حطني عند اهل مافيهم قلب ،
خاف ربك الي فوقك

( كل الي في الممر من طالب ومعلمين يطالعون ومستغربين وش السالفه )

(ابو عبدالله من العصبيه صفق ولده كف قدام الكل )
ابو عبدالله: احترم نفسك واعرف مع مين تتكلم ي كلب
عبدالله يناظر في ابوه بصوت مرتفع : كنت متوقع منك هاذا الشي ، لا تلومني اذا كرهت اعترف فيك قدام الناس ذي كلها ، انت ابو بالله ابو ، لا قلب لا ضمير ، تحسب عيال الناس لعبه عندك ( يأشر على ابو حور ) شوف ذا الرجال كبرك كبرك توظفه بوظيفه كذا وش ذنبه عشانه مالقى عيشه ياكلها هو وعياله ، الله لايحط الناس بيدك

( وراح ، اخذ شنطته وطلع ابو عبدالله انحرج مره ، يأشر على ابو حور)

ابو عبدالله برفعة اصبعه : اسمع يا أنت خلك في المكتب بخلص اجتماعي واجيك .

( خارج المدرسه )

( حور تاهت ماتدري وين تروح ، جلست قدام بيت قديم قريبه من المدرسه ، وهي تبكي ولاهيه في همومها مرت سياره سياره اكسنت مودل 2015، كانو 3 شباب وقفو عندها )