( غرفة التحقيق ، بسام )
الضابط : وين كنت قبل ساعه ؟
بسام: كنت فاضي م عندي درس
الضابط : وين كنت !
بسام : بسيارتي
الضابط: ليش بسيارتك!
بسام: عشان انام
الضابط : والمكان الي هنا مو عاجبك !
بسام: تراك تسأل وانا اجاوبك
الضابط: جاوب !
بسام: كيف انام والطلاب بكل مكان
( الضابط كمل يحقق مع بسام بدون فايده)
( اهل ريم )
ابو ريم : اي انا ابوها وينها بنتي !
ام ريم بنبره حاده: ابو عبدالله بنتي وين ، واثقين في مدرستك وين بنتي
الرقيب : اذكرو الله واسمعو م نبي نخوفكم بس بنتكم مفقوده مع المفقودين ال5 جالسين ننتظر تحاليل تطلع ونتاكد
ام ريم تضرب صدرها : بنتي أيييش !
ابو ريم يمسكها : وش تقول انت وش جالسين تخبصون بنتي كيف مفقوده
ابو عبدالله: اذكرو الله يجماعه مو بس بنتكم حتى ولدي مفقود
ام ريم وهي ترجف: تحاليل ايش ابو ريم قاعد يقول تحاليل تحاليل وش
ابو عبدالله: دم
( ام ريم يوم سمعت دم وهي تطيح منهاره وابو ريم يمسكها وابو عبدالله خايف على ولده ليكون هوو )
الرقيب : لا تخافون وان شاء الله مو حاصل الا الي كاتبه رب العالمين
( في بيت ابو عبدالله)
( ام عبدالله تنتظر ولدها سلطان يجي ، ووصل سلطان وهو يركض وهيفاء )
ام عبدالله: تعال تعال جابك الله
سلطان بانفاس : هلا وش
ام عبدالله: هاذي وش تسوي معك؟
سلطان : بعدين اشرح لك بعدين مستعجل مستعجل
ام عبدالله تمسكه : والله ماتروح لما تقول وش صاير
سلطان : عبدالله
هيفاء : ولدك يست الهانم مفقود ويقولون احتمال مقتول
( ام عبدالله جتها صدمه وطاحت على الارض وهي ترجف وتردد اسم عبدالله، سلطان يناظر في هيفاء بعصبيه ويحاول يشيل امه ويجلسها على الكرسي ، وجت هيفاء تساعده )
سلطان : ذا كلام ينقال ي هيفاء
هيفاء: ماتبي تفكك الا تعرف
سلطان : بعدين اتفاهم معاك ، انا مستعجل وخليك عند امي
هيفاء : طيب
( نزلت ام حور ، وسلطان يركض لغرفة اخوه )
ام حور : بسم لله شفيكم ، ام عبدالله سمالله عليك شفيك هيفاء وش صاير
هيفاء: يقولون عبدالله مفقود
ام حور : سمالله عليه وش الكلام ذا
( وتقرب ام حور تواسي ام عبدالله ،وينزل سلطان وهو يردد ام حور ام حور )
ام حور: وش شفيك
سلطان : مدري وش اقولك ، بس يبغون بصمات حور ، خصله من شعرها او أي شي
ام حور توقف: بسم الله شفيها حور
سلطان : تو اتصل علي ابوي وقالو حور مفقوده ويبغون اشياء تثبت لحور
هيفاء توقف تصيح : اختي اختي ليكون هي المقتوله
ام حور بصدمه : وش مقتوله انتِ وش العلم سلطان تعال وفهمني
سلطان : وديي والله بس مستعجل
أنت تقرأ
مدرسة ثانوية بني آل زايد
Novela Juvenilتتكلم الروايه عن (مدرسة ثانوية بني آل زايد ) وذي الثانويه معروفه بالرياض ومشهوره بثراء وكل من فيها من عائلات راقيه "للبنين و للبنات" وتحصل المشاكل وتبداء الاحداث ..
