مدرسة ثانوية بني آل زايد

البارت الثالث عشر 13

( سيارة العصابة )

( يزيد يحاول يتسمع له بس م قدر ، لما وقفت السياره وكان فيه اصوات شباب حولين السياره ، ونزل يزيد بدون محد يحس ، وتفاجئ بالمكان ، بيت كبير وسيارات ، مايدري وين يروح بس تخبى في مستودع صغير جنب السياره ، وحصل مويه وجلس حوالي نص ساعه لما اجتمعو حولين السياره ويزيد يتسمع )

يوسف : هاه كيف كان الحادث
سعد: والله كان حادث راح يشهد له التاريخ
يوسف : كفوو عليك ي سعد كفو عليك ، والحين تخلصنا منهم
سعد : بس سمعت انهم طلعو عبدالله الباقي اختفو

يوسف بنظره حاده : وش قاعد تقول انت ! حنا بنتخلص منهم وانت تقولي بس عبدالله ، ذولي قتلو ريم ، ومجرمين ولازم يموتون ، روح الان لموقع الحادث ودور لي اثرهم

سعد : بس مقفلين الطريق
يوسف يرفع يده : مو شغلي دبر نفسك ابغى اشوفهم ميتين فاهم

( ركب سيارته سعد وراح للحادث ، وطلع يزيد من مكانه ولحق يوسف بكل هداوه ، دخل البيت وماقدر يدخل يزيد بسبب التجمع عند الباب  ، ويحاول يشوف من الشبابيك لما حصل شباك مُطل ع الصاله ، وهنا وقف يتسمع ، وكان كله بنات وعيال ، من ضمن الاصوات الي سمعها صوت رهف )

يزيد بخاطره : ذي مو كانها صوت مييين يربي ذكرني مييين ايه رهف ، الا رهف شتسوي هنا ؟؟؟

( بيت القديم )

ابو حور: دقو عليه يطمنونه بولده الحمدلله
بسام : الحمدلله انه بخير
ابو حور : اي والله اما الباقي الله يستر عليهم
حور توقف: انا لازم اتحرك ادورهم
بسام يوقفها : توك جايه من حادث ارتاحي حور لا تتعبينا
حور : انا مابغى اتعب احد انا رايحه ادورهم طفشت وانا جالسه بسوي شي ع الاقل

ابو حور : حور اقعدي لا تسوين لنا مشكله استاذك حتى عرفو انه معكم ، ننتظر الاخبار

( اتصال لبسام من امل )

بسام : انا بستأذنكم دقايق ، وانتِ لا تتحركين ( طلع )

- بسام : هلا امل
- امل : استاذ كيفك اخبار العيال
- بسام : بخير ، وكلهم بخير شفيك ؟
- امل : دورت رهف ، مو موجوده بالمدرسه ولما سألت صاحبتها ارتبكت وغير الموضوع
- بسام : شلون مالقيتها ؟
- امل : ابداً مو بالمدرسه فيه شي صاير ي استاذ صدقني رهف ذي الي تشوفها طيبه بس انها من تحت لتحت وتبي تنتقم لصاحبتها اكيد
- بسام : زين اسمعي بقولك كلام وسويه بالحرف الواحد
- امل : تم
- بسام : امسكي مها واحشريها .....

( غرفة حور )

حور : ابوي امي مادرت عني ؟
ابو حور: ابو عبدالله اكيد قالهم جالسه تدق علي مارديت مدري وش اقول لها

حور : يبه ابي طلب منك تكفى بسمع صوتها وبكلمها خلها ترتاح
ابو حور : مقدر ي بنتي مقدر ، انا مابي اورطهم بمشاكل يكفي مشاكلك
حور : يبه طلبتك
ابو حور : لا ي حور اطلبي شي ثاني غيره ، مقدر اخليك تكلمين مابي يجيك ضرر عشان مكالمه وتعرفين عيونهم علينا