أعتذر تأخرت عليكم جالسه أمر بظروف حالياً الله يسرها ان شاء الله ، وباذن الله برجع اكتب بارتات اطول
اثير : استا... تقفل بوجهي اخس عليك استاذ ، عشان تقفيلتك م راح اقولهم وهاذا الجوال ورجعناه مكانه
...
( تأملت الجوال ، وفكرت تدق على اهلها تطمن ، ومسكت الجوال ودقت لكن .. )
بعد 10 دقايق
( اجتمعو على طاوله الطعام حور عبدالله يزيد اثير )
عبدالله : النعمه كثيره والله
يزيد : خير وبركه
عبدالله: بسم الله
( واكلو الا اثير تفكر )
عبدالله: شفيك اثير ؟
اثير : هاه هلا وش مافيني شي
عبدالله: ليش متاكلين
اثير بخاطرها( لو بقولهم عن الاستاذ بيسوون سالفه لاني م قلت لهم من الاول اسكت افضلي ) : مو مشتهيه
يزيد : اكلي م كلتي شي تراك
اثير : هفف ياخي وش تبون بطني ولا بطنكم هفف ( راحت لغرفه )
حور : اتركوها انا اتفاهم معاها
عبدالله: غريبه عليها
يزيد : كله دلع طنشوها
( في المدرسه )
( يارا تفكر بصاحبتها وينها الحين وكيف الوضع وش صار عليها ، وبالمدرسه ممنوع احد يطلع من فصله وراحت لرهف ومها )
يارا : هاي بنات
مها : اهليين يارا
رهف وقفت : وش تبين جايه
يارا : هوب هوب ناويه مشاكل ؟
رهف : اقول ي المجرمات لولا الحكومه هنا ولا كان ذبحتك
يارا : مجرمات وش تقصدين ؟
رهف بضحكه: ياحليلها ماتدري ان صاحبتها مجرمه مطلوبه قانونياً
يارا : تقصدين اثير ؟
مها : أثير وعبدالله ويزيد وحور
ورهف : حتى الحيه ذي حور الي توقعنها ملاك طلعت من تحت لتحت
( يارا بصدمه، طلعت تتكلم مع المدير ، بس ماسمحو وسوت تمرد لما جاء الضابط سعود )
سعود: وش سالفتك انتِ
يارا : ابغى اتكلم مع المسؤول هنا ؟
سعود : اسمعك تفضلي !
يارا : مو قدامهم
سعود يقلب عينه : لحول جيبوها لمكتب المدير
( مكتب المدير ، سعود يجلس ع حافة الطاوله)
سعود : تفضلي حنا لوحدنا ؟
يارا بتوتر: اثير مستحيل تقتل احد
سعود : طيب وبعدين ؟
يارا : مو عاجبك كلامي ، اقولك صاحبتي واعرفها صح تكون حسوده وحقوده ، بس تقتل نفس بريئه مستحيل اعرفها زين
سعود يوقف : صح تعرفينها وتعرفينها زين ، بس مافي شي يثبت انها بريئه هي لو على قولتك بريئه كان ماهربت صح كلامي ؟
يارا : بس...
( الضابط دخل )
الضابط يلقي التحيه : فيه رقم غريب اتصل على رقم ام اثير وحددنا موقعه "بالشرقيه "
سعود : جهزو القوات ، رايحين لشرقيه
يارا تمسك سعود من يده : ابغى اروح اشوف صاحبتي معاكم ، ابغى اطالع بعينها قبل تنمسك
سعود يفك يده : وش شايفتنا، اوبر ؟ خليك بالمدرسه ولا احد يطلع مفهوم ؟
( يارا كان بخاطرها تروح ولا خلته بخاطرها ، طلع الضابط سعود ، ويارا وراه وركبت سيارته يوم ركب )
سعود : ماتفهمين انتِ
يارا : مراح اتحرك من مكاني
سعود : لا حول ولا قوة الا بالله ، مو مسؤول عنك لو صار شي
يارا : مراح يصير شي
سعود : بكيفك
( بالمدرسه )
( بسام شك بالموضوع وتوتر زياده وهُم متجهين لشرقيه وحاط أمله في اثير )
( في الشرقيه )
( حور دخلت على اثير منسدحه على السرير )
حور تطق الباب : عادي ادخل؟
اثير وهي مسندحه : تعالي
حور قربت من اثير وجلست بسرير جنبها : شفيك ؟
اثير : تخافين علي ؟
حور : مو خوف بما اننا ، يد وحده من حقي اعرف وش فيك
اثير : تعالي انسدحي جنبي وتأملي السقف
حور ترفع راسها : شفيه السقف ؟
اثير : امشي وتعرفين !
( حور انسدحت جنبها )
اثير ترفع اصبعها : تشوفي النقطه الي بالجدار
حور : اي شفيها !
اثير : طالعي فيها وفكري باسوأ شي مر في حياتك
حور تلف على جنبها ووترفع رقبتها :
شرايك نفضفض لبعض ، فيس تو فيس بدل لا نطالع السقف
اثير تلف على جنبها وترفع رقبتها :
يلا قولي اسوأ شي تكرهينه وانا بقولك
حور : اكره احد يقول لي ي بنت فقر كنت انحرج
اثير : وانا كنت اتفشل من ركبي
حور : ركبك ؟
اثير : اي شوفيها !
حور تطالع بركبها: ههههه بس ؟ شي بسيط عادي ، وانا اكره البنات لانهم متنمرات على شكلي
اثير : بالعكس جميله والله
حور : شكراً على رفع المعنويات
اثير : صدق صدق ، يعني كيف شعورك وانتِ ساكنه مع عبدالله ؟
حور : عادي مافي أي شعور ! لهدرجه تحبينه
اثير : اموت فيه ي حور اموت فيه
( صارت لحظه صمت بينهم )
اثير : بعترف بشي !
حور : وش ؟
اثير : الاستاذ بسام كلمني
حور تعدل الجلسه : تستهبلين !
اثير : والله ، وقال لي نفذو الخطه
حور عصبت : وانتِ جالسه كذا ولا قلتي لنا !!!
اثير : عصبت منه لانه قفل الخط بوجهي
حور : تستهبلين ؟؟؟ مأتفهك والله
( وتطلع حور تنادي الشباب ينفذون الخطه )
( فجأه صارت اكبر مصيبه واكبر فضيحه "للمدرسة ثانوية بني الزايد"
وللحكومه ، لان الموضوع كان سر بينهم بس الان صار علني )
- الاخبار : تم قتل فتاه بريئه في "مدرسة ثانوية بني ال زايد " وتم اتهام ابنة صاحب الشركات ، ابو اثير
- وارجو النظر الى مدرسة "ثانوية بني ال زايد " واتخاذ الاجراءات اللازمة اتجاهها ، التي تسببت بالعديد من المشاكل
- رد من ابو اثير : ابنتي مسالمه لا تذئ احدا ، او تقتل ارواحاً بريئه ، كانت تخبرني بانها تعاني من المدرسه ومشاكلها دائماً ، اين مدير المدرسه ؟ هو المسؤول ، وسوف يتحاسب على فعلته ، اذ لم يحاسبه القانون سوف احاسبه انا .
- الاخبار : برأيكم ماذا نفعل اتجاهه هاذا المدرسه ؟
أنت تقرأ
مدرسة ثانوية بني آل زايد
Ficção Adolescenteتتكلم الروايه عن (مدرسة ثانوية بني آل زايد ) وذي الثانويه معروفه بالرياض ومشهوره بثراء وكل من فيها من عائلات راقيه "للبنين و للبنات" وتحصل المشاكل وتبداء الاحداث ..
