ما عاد ابي احزن !! (رواية سعودية)

3

♯̶ِ ماعاد ابي احزن !..

Part 3

قامت ببطئ وتحس بصداع ورطوبه وبروده بالمكان فتحت عيونها بشويش لان الضوء يوجع عينها رغم انه خفيف ! لقت نفسها بنفس مكانها قامت بشويش شافت الدم تحتها والم مو طبيعي بدلت ملابسها وغسلت شعرها وهي تبكي من الالم طلعت لبست ( بجامه حرير بيضاء مليانه بالقلوب الحمراء وجورب ابيض وسليبر ورفعت شعرها الرطب بعشوائيه) تذكرت جمعتها مع جمانه صاحبتها لما لبسوا نفس البجامه ابتسمت واخذت جوالها شافت الساعه انصدمه! ٧ المغرب !! 12 ساعه مغمى عليها ومحد فقدها نزلت دمعتها وبقهر مسحتها عشان ما تبان ضعيفه ابداً حتى لو قدام نفسها راحت حطت مرطب شفاة وردي ومسكرا ومشطت حواجبها وناظرت نفسها نظره اخيره ونزلت حاولت تتجنب انو احد يطلع لها تمشي بشويش الا فجأه !!!! ...
____________

مكان ثاني ...

يمشي وهو يغني ومروق اخيراً قدر  يمثل انه يسيطر على مشاعره يمشي ويغني :

وينك يا درب المحبه
وينك يا درب المحبه
هل اقفلوك الحبايب
هل اقفلوك الحبايب
كذبو علي الف كذبه
كذبو علي الف كذبه
وقف قدام امه وهو يضحك ويقول حنونتي تعالي عندي لك خبر ..

حنان :اشوف سيوفي مروق اليوم هات الخبر
سيف بضحكه :وش لي على هالخبر؟ كم تدفعين؟
حنان : اخفس يا قليل الحيا هههههه انا ادفع لك يلا على حسب الخبر اعطيك
قام وجلس جنبها ومسك يدها وهو يضحك قال : مجاااني وبيعجبك الشي اللي ابيه منك بتعرفينه بعدد الخبر
حنان : طفشتني تكلم
سيف : نسيت ريم ما عاد ابيها وابي اتزوج طفشت من العزابيه
حنان تنحت : منجدك انت انا واثقه ان ريم راح تتطلق اصبر
سيف : ما عاد ابيها احمد متحجر يعّل التسبد ما ابيها عفتها على كثر الحب كرهتها وانا يا يمه ابيك تخطبين لي تقدرين ولا اخلي خطابه وانفجر ضحك هههههه
حنان : بخطب لك الساعه مباركه تقر عيني بشوفتك انا وعيالك يا وليدي سيف باس يد امه وطلع وهو يدندن ويغني

ياحب مالي فيك غير الشقى
يااحب اخذ من حياتي ما بقى
ياحب مالي فيك غير الشقى
يااحب اخذ من حياتي ما بقى
عشته بإحساسي ولا به شك
يبدل شعوري
حبك جرى بدمي وذاب
وهو يمشي حط يده بجيبه وبانت ملامح الضيق عليه تنهد بقوه وهو يقول بنفسه " خلاص اخذها الزمن والحظ وتحرم عليّ حتى لو تطلقت الله يستر عليها ذي اول بدايت حياتي ".

____________
نرجع لريم ...
تمشي بشويش وفجأه وخي تمشي حست بخوف وركضت وطلع صوت السليبرات مع جريها راحت المطبخ وهي تتنفس بقوه ولا يفتح باب المطبخ الخلفي تخبت وتسمع اختها تضحك بمياعه ودلع وهي تكلم :هههههه خلاص حبيبي سومي لا تزعل ما تستاهل اهمشي تطلقها يا حبيبي وقلبي احبك مره ، ارسلت بوسه بصوتها وقالت باي بدلع يسد النفس وقفلت ،
ريم بداخلها حمدت ربها اختها بتفكها من ازمه وبتتزوج حبيب طفولتها سيف وهي ما تدري انه بيتزوج وبعيش وبتكون تعيسه ..