ما عاد ابي احزن !! (رواية سعودية)

23

‏على الهون ياسود الليالي عليك اللوم
  ترا قلوبنا . . من  واقع  ايامنا وجله

ليالي الحزن ساعاتها في عيوني يوم
وليالي الفرح لاعرضت عرضت عجله .
___________________

بعد شهر من زياره صمود لـ احمد َ اصدر الحكم عليه بالقصاص وقالوا بعد اسبوعين يتم تنفيذ الحكم تاب لله توبه نصوحه ورجع للي خلقه تمنى زياره من عائلته وصار اللي تمناه وفي يوم الأربعاء وكان باقي12 يوم على تنفيذ القصاص زاروه ريم و ديم ومعزي لحالهم  دخل غرفة الزياره يناظرهم يتمنى طيف من اطياف عائلته الباقيه اللي دللهم وحبهم وعزهم !
تقدمت ديم اللي بان عليها التعب والهالات لأسباب مجهوله عنهم معلومة لها !
سلمت عليه وتكلمت بصوت مرتجف يشهّد الزمان اسباب شتاته ودموعها تُسكب من مدامعها لو جمعوها تملأ بحار : زين اللي قابلتك قبل يقصونك دام اني جيتك هنا خلك رجال و طلقني ما ابي اكون ارمله
ابتسم بقهر وقرب لها بيضمها حضن الوداع لاكن ارتجف قلبه من صوت العسكر ما نعينه يقرب لها ولو يفكر فيها مُقيده اقدامه ويديه فكيف بيقدر يحتضنها !
تقدمة منه وبصوت هامس : أحمد يا أحمد وش اقول عنك مسامحتك في كل شي كللل الأذيه اللي جاتني منك لاكن لنا لقاء عند رب العالمين على اتهامك انت وجارنا بشرفي وعرضي وعلى انك ابعدتني عن ولدي معزي سنين ...  سنين ما ذقت الهنا افكر بريم وردينه ومعزي اخذ قلبي الهم والحيره روح متطمن ان الباقي غفرته لك روح وروحي بترتاح روح بتعيش ريم بسعاده روح ما نبي منك لا ورث ولا هم  روح يمكن تمسح بروحتك السمعه السيئه عن بناتي اعتلى صوت بكاها وهي تردد : روححح بس رووححح
جاها معزي يجلسها وتقدمت ريم توقع منها عتاااب قاسي نفس امها دموع تسيل منها لاكنها كانت هادديه سِوى من لمعه عيونها وبريقها ومحاجرها اللي تمتلئ بالدموع قربت خطوه... خطوه... خطوووه... ورمت نفسها بحضنه تبكي الم السنين العُجاف تبكي بدال دموعها دم، مين ما كان ابوك يبقى وجوده امان لو كان قاسي لو كان ظالم يبقى امان بكت وبكت ولا شبعت قالت له بصوتها الناعم  وبين سعالها من كثر البكي : ليتك ما سويت كل ذا ليتك كنت حنون معي بالعلن مو بالسر تدري يا ابوي انا بشكرك، بشكرك لأنك  ما سمحت للزمن ولا لقلبك يصنع معي ذكريات عشان ما اتعذب بفراقك بابا انا احبك ولا زلت احبك وراح أحبك

رفعت راسها بهدوء مسحت دمعه تسللت من مدمعه تبعتها دمعه ودمعتين مسحتهم وهي تبتسم له وباست راسه رفعت عيونها الناعسه للعذبه للضابط اللي قدامها هي تجهله لاكنه يعرفها ويعرفها زين
ريم: انتبه له تكفى طلبتك انتبه له
ثامر وهو ينزل عيونه عنها : اكيد عمي احمد احطه بعيوني لو انه على خطأ
ديم وهي كأنها عرفته : انت ياوليدي كأني شافيتك فيك من ملامح ساره "امه" الفلاني
ثامر وهو يبتسم : ايه نعم هذي امي ومن عرفت انك رجعتي ودها تزورك بس ما تدري وين بيتك
ابتسمت له بحنان ديم وقالت له بحنيه الارض : انت ثامر ولا انا ملخبطه
ثامر : الا يا خالتي انا ثامر
تسللت ضحكه لطيفه من ريم وهي تقول : يمه صرت طويل مره
معزي وهو متأزم من الوضع هو وأحمد اللي تعب وهو تنحنح
معزي : اقول وش رايك نتكلم برا ونخلي الاهل جوا؟
ثامر : اعتذر منك بس هذي اوامر
أحمد وهو يحس انه فيه ضيقة الارض : معزي يا ابني ابيك تسامحني وتحللني وقول لديم  تسامحني ولا تتفرقون ضمي تحت جناحك ردينه تراها ضعيفه
استودعتكم الله
لفت له ريم وهي فيها دموع الارض : وانا طيب؟
احمد وهو يأشر على حضنه بعيونه يعني تعالي
ركضت لها ريم نقزت بحضنه وهي تبكي تبكي بدل دموعها دم !
ما بعدها عنه الا معزي بعد ما اعلنو انتهاء الزياره !
طلعت وهي تجر خُطاها و معزي ضامها من كتوفها وهي منهاره ما وقفها الا صوت شخص يناديهم : خالتي ديم ريم ريم خالتي ديم
لفت له ديم : هلا يا ولدي؟
:هاك ورقه وقلم اكتبي عنوانكم امي ودها تزوركم
ديم وهي تلف علي معزي : اكتب له مو حافظه العنوان 
اخذ القلم والورقه وصار يوصف بالورقه وقبل يعطيه قطع افكاره كلمة ثامر : واكتب رقمك معهم
لف له معزي بصدمه
ابتسم له ثامر ابتسامه بلهاء ورفع كتوفه
كتبه واعطاه الورقه
مشى وهو مبسوط ما توقع قرار يتخذه بيوصله لها ابتسم برضى تام عن اللي سواه وكمل طريقه
__________________
في بيت ام سيف
سيف وهو يقهوي امه هاه يمه تخطبين لي تغريد؟
ام سيف بقهر : لا والف لا البنت ماصخه مهي من ثوبنا تبي اخطب لك بخطب من بنات عمامك ولا ريم
سيف بقهر : بس انا ما احب ريم يمه ابي تغريد غيرها تحرم علي اي بنت ابيهاام سيف وهي ترمي الفنجان بالصنيه بقهر من عناد ولدها اللي تكرهه : الله لا يبيك يا سويد الوجه َوش مسويه فيك هالشيفه كانك تبي تتزوجها رح شفلك من يخطبها لك
سيف وهو يبتسم توقع بيصير شي يقهر ريم لاكن مو بذا القهر بعد ما فكر يخلي خالته هي تخطب له !!
فكره مجنونه لاكن يبغى ينتقم ويحول الشك ليقين
ويكسر قلبها
__________________
رجف قلبها ويدها ترجف خافت منه ما تدري وش السبب بس قلبها خاف منه !
صد عنها بعد ما قال لها : مو مشكله انكب الشر
ردينه وهي تغطي وجهها بيدها وتبكي : انا آسفه ما انتبهت
زياد وهو يبعد يدها عن وجهها : معليه حصل خير حصل خير
ردينه :طيـ...
سمعت خطوات ركض لفت شافت اكثر بنت كرهتها من جت هنا ترف
ترف وهي تركض وتحتضن زياد : اشتقت لك يا طيارنا!
زياد وهو يضحك: طياركم على طول
ترف: شسوي عاد انت صرت طيار
لفت وجهها لردينه وهي تشوفها مو حاطه شي بس حلوه! انفها احمر وخدودها اعطتها نظرة قرف
: ادخلي جوا وش تستنين ولا خططتي على اخوي بعد؟
ردينه :تررف انا ماسكه الشر فكيني منك ومنك شرك قرفتيني ترا!
ترف : امانه ردينه متى امك سألت عنك يا بنت الـقاتل
هو بعقله ( اسمها ردينه بس وش سالفتها يل تُرى)
قطع تفكيره صراخ ردينه وترف ترف فوق ردينه وطايحه فيها ضرب وردينه تحاول تدافع عن نفسها
ترف بنفسها" لو انه سمع اللي قالته كان انا بعداد الموتى الحمد لله كان مسرح "
صرخت ردينه بقوه ودفت ترف عنها قامت وشعرها حوسه وفي وجهها خرش كبير
ردينه: تزعلين لما اجرحك بكلامي واقول الصدق وانتي تحسبيني ما ازعل يلا انقلعي يا رخيصـ...
رجعت انهلت عليها ترف بالضرب وانزعج منهم زياد سحب يد ترف بعدها وسأل بصوته الحاد وهو عاقد حاجبيه
: تكلمو الان وش سبب المشكله!
ترف : الحقيره تضربني وتبك قاطعها زياد بعصبيه
: انا شفتك يدك انتي اللي انمدت مو يدها وبعدين معك يا ترف وطولة لسانك
لف بيشوف ردينه بسآلها  شافها تمشي تتجهه لجوا
يناديها بس تردد وناظر ترف بحده وقال لها: لا أشوفك تقربين منها هي بدرب وانتي بدرب مسموع؟
ترف وهي تردح: لا والله تبيها تضربني واسكت يعني؟ الدنيا مو سايبه اف الله يضيق خلقها ...

___________________
انتهي البارت اتمنى يكون عجبكم اللهم صل وسلم على نبينا محمد وعلى آله وصحبه أجمعين ﷺ
احبكم اقرو روايتي الثانيه بتعجبكم ❤️
هالبارت قصير بس وعد البارت الجاي يكون اطول