ما عاد ابي احزن !! (رواية سعودية)

10

♯̶ِ ماعاد ابي احزن !..

Part 10

مرحبا ياضيف الأضلاع والعوق الدفين
مرحبا لو منت طيب وانا ماني بخير .

______________________
: ترا ريم هي اللي تعبانه مب صديقتها  لا تكذب عليك
حنان: شفييها ريم؟
سيف : تذكرين جرح راسها؟
حنان: ايوا؟
سيف : اضن انه التهب عليها وراحت تشوفه وانتي تذكرين الخطر اللي جاها لما انجرحت عشان كذا قلت اخذك لها
حنان : كيفف تكذب علي ريم؟ انا خابرتها ما تعرف الكذب علي تشوفني مثل ما تشوف امها !
سيف : خايفه عليك وما تبي تكسر فرحتك فيني الي اصلا ما تمت
حنان : خلنا بمره نروح لها الوقت راح عيب علينا
سيف مسك يد امه وقال بترجي : يمه تكفين ذي حسبت بنتك روح شوفيها
حنان : خلاص خلاص بنزل تبي نتنزل معي؟
سيف بحماس : خلاص يلا انزلي وطلع عطره من درج السياره وغرق نفسه بالعطر
حنان بضحكه: ما راح تشوفها ليش تتعطر؟
سيف انحرج ونزل راسه وقال: ما اتعطر لها اصلا انا ما شفتها من عمرها ١٥
حنان : اي اي صدقتك يلا انزل
______________
فتحت غرفه ريم بعد ماشافت ابوها طلع ودخلت وقالت: شوفي ريموه خلاص قرب طلاقك انتي ما تستاهلين ضفر من اسامه واسمعي هالكلام
وشغلت جوالها (ريم: ردينه؟
ردينه: ايوا ردينه شفيك مصدومه يعني؟
ريم: لا بس غريبه تجيني يالغرفه حياك ادخلي وبعدت عن الباب ودفت كتفها ردينه ودخلت سكرت الباب ريم  بفرحه بوجود اختها وقالت : يروح اختك انتي امريني
ردينه : مين محمد؟
ريم :مين محمد؟

ردينه: لا تردين سؤالي بسؤال جاوبي
ريم : انتي من تقصدين
ردينه : اللي طالعه معه اليوم
ريم ضحكت : ما يفوتك شي انتي
ردينه : ترا صورتك
ريم : عادي صوريني والله ما فرق
ردينه : بوريها لأسامه
ريم: وريها لأبوي بعد
ردينه: يعني مب خايفه صح؟
ريم : اللي ما سوى شي غلط ليش يخاف) وقفلت التسجيل تحت نظرات ريم المصدومه
: والله انك وقحه تصدقين؟
ردينه: تعلمت منك
ريم: دزيها برا بنام
ردينه وهي تقرب منها بغضببب شديد وبايم من عيونها الشر قالت : اسمعي يا بنت ابوي انا ما اطيق وجهك لا ترفعين صوتك علي او تغلطين علي فاهمه !
ريم وهي مره قافله معها : لا مب فاهمه ويلا وريني عرض اكتافك
ردينه وهي تهجم على ريم مثل الكلب المسعور وتصارح وتقول : انا بكسر لك اكتافك راح تندميين راح تندمينن
ريم وهي تبعدها عنها : وجعع راسيي يعور ابعددددي ابعدي يا غبيه
ردينه: اكرهك يا هبله اكرهككك واكره امك معك
ريم وهي متنرفزه وراسها يوجعها من ضرب اختها لها دفتها بصعوبه وقالت : اااففف متى تفكيني من مشاكلك انتي لازم تشوفين دموعي عشان ترتاحين؟ امي اطهر مخلوقه شفتها وهي امك يا معفنه تفهمنينننن ولا لا اذا ما تفهمين قولي لي افهمك تممام؟

ردينه صفقت ريم كف بقوه حتى هي بنفسها انصدمت كيف ضربتها كذا؟
بعدت عنها وهي تسيطر علي خوفها وتبين انها قويه و لا تأثرت : امك لحالك مو امي
وطلعت بسرعه وسكرت الباب خوفاً من ردت فعل ريم المُخيفه
ريم قامت وهي تصارخ وتكسر كلشي حولها وتردد كلمه :' يا رررب فكني منهم يااا رب فرج هميي تعبت تعبتتت' وصرخت بقوه وراحت تغطي وجهها بالبطانيه وتصررخ بقوه
كلل ذا تحت أنظار اسامه المصدوم من كلشي من جمال ريم من نعومتها و من تناقض شخصيتها ولسانها الطويل ومن ردينه ووقاحتها
منصدم من اخته رزان ساعتين كفيله بتغيير مسار كبير بحيااته
سكت وهو يسمع الباب يطق ريم قالت : ما ابي احد اتركوني وروحو  ما ابيكم
فتح الباب، وريم  صدت ضحك بنفسه ع براءتها بس يسأل من هالمره ياللي جتها؟
ريم قامت تركض وتبوس راسها وتضمها بحراره
وتجلسها ع السرير
حنان : ما كأني اليوم شفتك
ريم : اي اليوم ما كنت  مركزه لاني خايفه ع جمانه
حنان: لسه تكذبين يعني؟
ريم بتعابير لطيفه محاوله اخفاء كذبها لاكنها مقفوطه مقفوطه : انا اكذب اعوذ بالله تخيلي اكذب
حنان :كيف جرح راسك الحين
نقزت ريم من السرير : من علمك؟ جواسيس البيت ما يخبون شي
حنان  : سيف قال لي
ريم : وخير أن شاء الله من علمه الدبه؟
حنان بضحكه: قلبه علمه
ريم  ابتسمت جواتها لاكن اضهرت تعابير التقزز وقالت : يع هو وقلبه بعد
حنان بتثميل للزعل : تراه ولدي
ريم : كوليه عليك بالعافيه
حنان قامت لريم ومسكت اذنها بشويش وقالت : انا خالتك يا قليله الادب
ريم تبعد يد خالتها عن اذنها وهي تقول :خلاص يا حنان خلاص تكفين  حنان رحمتها و بعدت وهي تضحك
ريم حطت راسها على فخذ خالتها وقالت بنبره حزينه : ودي اعرف وين امي ليش مو راضيه تخبرنا عنها ليه
حنان : افضل لها ولنا  صدقيني
تنهدو الثنتين وقالت ريم : خاله انا بقولك مشاعره لين انام احس وجوده مريح جنبي
ابسمت خالتها وبدت ريم تسردد مشاعرها لانها متضايقه حيلللل : تدرين انا مدري متى ارتاح يعني اخر مره اذكر اني شفت امي كنت بثاني ابتدائي تعبت كثيييرررر وتضايقت لما بعدت عني  اذكر اخر مره مسكت يدي وقالت لي لا تتضايقين مهما حصل ابداً انا احبها مدري ليه لاكني اتذكر دفاها  اللي تعطيني اياه وتوقف بوجه ردينه لما تضربني بوحشيه،  ضحكات ضحكت الم وكملت  اتذكر لما مسكت يدي ودخلتني المدرسه كان شكلها صغير وملامحها ناعمه اخذت منها ردينه كثير اتمنى لو اني مكان ردينه بكون قدام المرايه دايم اااه يمه يا كسر قلبي عليك

وسكتت ريم  ولفت وضحكت من قلبها رغم حزنها لما شافت  خالتها نايمه  وفجأه اتصل جوال خالتها واخذت الجوال وردت وكان المتصل سيف
: الو
فز قلبه وطرا له بيت شعر ينطبق عليها
( يااهلا باللي صوتها رد الحياه ..
ياللي ليا نطقت شفاها ينبت الورد)
رد : اهلين وين امي
ريم : نامت عندي خلها اليوم
سيف : مقدر صحيها بنروح لمشوار مهم
ريم : تمام وانتبه لخالتي وجهها تعبان لا أوصيك
سيف : لا توصين حريص   يلا خليها تنزل تحت
ريم : تمام
اسامه كان يراقب كل كلمه تقولها يبي شي سئ تسويه ما لقى شي ابداً فـ حس انه ما يستاهلها وقرر قرار حازم واللي هو ..

______________

جالسه تناظر البحر وتتأمله تذكرت لون عيون ولدها اللي غرق بالبحر  وابتسمت بحزن وطرت على بالها بنتينها وتتذكر انه بنتها سبب طلاقها سبب غيرتها تذكرت بنتها الصغيره وهي عيونها تدمع وتقول بنفسها  كيف شكلها الحين هل يا ترى تزوجت وش صار فيها اختها الكبيره لسه تغار منها او ابوها لسه يضربها بعنف شديد   غمضت عييونها لدقايق حتى سمعت صوت بنتها تقول : .....

_____________
  انتهى البارت اتمنى تعطوني رايكم بصدق  ووش تتوقعون هل اسامه يطلق  ريم او  يبدأ صفحه جديده معها؟ ولا تنسون تصلون على حبيبنا محمد ﷺ

Baaaay