يرتب عبدالاله شماغه الأحمر كانو يملكون عشاء عائلي لخطبه مراد و أخته هذه الليلة
يشيك عبدالاله على شكله قبل يعطس بقوه مو وقته ابدا هالتعب مره مو وقته يحاول يسيطر على تعبه الواضح يعني اليوم
فرحه أخته أكيد بيحضر لو أنه بيموت من التعب !!
[ عبدالاله ]
نطق سلطان و اللي توه داخل الغرفة يشوف اخوه اللي يعدل شماغه
[ ابغى عطرك الأسود ]
[ شفه بالدرج ]
نطق عبدالاله بخفوت و بصوت مبحوح و باستسلام لاخوه يعني تعبان و مزكم و حرارته مرتفعه !!
و كلها اجتمعت عليه هذا اليوم بالذات ؟ غير العزيمه هذي و اللي كانو يجهزون لها منذ ايام
[ يوه انت منتهي مره ]
نطق سلطان بقلق وهو يحط يده على جبهه عبدالاله اللي أرتعش من يده الباردة
[ كل لك بنادول بسوي لك زنجبيل ]
نطق سلطان قبل ينزل تحت يجهز المشروب الحار لأخوه و اللي كان يرتعش من البرد و جسمه ضعيف
قرر بس يحضر أول ساعه بعدها راح يرجع لغرفته ..
ينزل لتحت وهو يسلم على عمانه الموجودين تلمح عيونه صالح و اللي كان واقف يسولف مع مراد عند باب المجلس
يجلس في اخر المجلس وهو يتذكر برود صالح القاتل تجاهه طول الفترة اللي راحت و هذا اللي رفع ضغطه
صالح يتجاهله ؟ هو بيذوقه العذاب لأنه يكره هالحركات السخيفة جدا !!
كان واضح عليه التعب من هدوءه و حتى عيال عمانه لاحظو هذا الشي عليه لان عبدالاله معروف بإزعاجه في العزائم
و مشاجراته مع الكل و أطفال العائله اللي كانو ما يطيقونه من كثر ما يضربهم و يزعجهم
[ ما تشوف شر ]
نطق فارس بعد ما عرف بمرض عبدالاله رفع له رأسه وهو ينطق بصوت تعبان
[ الشر ما يجيك يا حبيبي ]
ياخذ عبدالاله كوب الزنجبيل و الليمون الحار من سلطان و اللي كان ماسك زمام الامور في المجلس لتعب أخوه الواضح
يعقد عبدالاله حواجبه بضيق من الطعم الاذع و الصداع اللي مو راضي يفكه بتاتا مع ازعاج المجلس و الاصوات العالية
رفع عيونه و قابل عيون صالح المتلهف على نظره واحده بس منه بس عبدالاله تأكد من أرسال نظره عتاب له قبل يشيل عيونه
ينقبض قلب صالح من هالنظره القصيرة و اللي أثارت مليون شعور بداخله !!
كان عبدالاله يبغى بس يرجع لغرفته ما يدري يداري ألمه النفسي و لا ألمه الجسدي ؟ كان فعلا تعبان و مهزوم من كل جهة حوله !!
أنت تقرأ
long time
Romanceيغمر شعور الغيره و الكره قلب عبدالاله وهو يرى أبنه عمه حب طفولته منجذبه لفتى أخر وهو أيضا يكون أبن عم عبدالاله و الذي لم يره لسنوات كثيره بسبب مشاكل بين العائله الذي لم يعلم عنه عبدالاله هو أن أبن عمه غريب الاطوار يحمل مشاعر حب له ايضا بالمقابل !!
