عبدالاله و الذي كان مستاء من الوضع امامه فجاه قررو عمانه يصحبونهم جميعا للملاهي البعيدة و الاسوء انهم راح يروحون مع بعض لأعاده احياء المشاعر الطفولية على قوله عمه كان يراقب الفوضى امامه و أبناء عمومته و اللي يتهاوشون على الأماكن
يخجل عبدالاله يقول ان عمه استأجر لهم باص عشان يكفيهم كانو كلهم متجمعين الا عمه عبدالرحمن و اهله و اهل عمه رائد
كان فعلا يتساءل مين يطلع للملاهي من الصباح ؟
كانت الساعة تشارف على عشره الصباح و ما امداه يأكل شي كان يتضور جوع و ما شرب الا كوب قهوه من يوم ما صحى !
[ عبدالاله ]
تنطق الفتاه و اللي توها وصلت تلفت انتباهه
[ وجهك مفقع ]
تنطق وهي تضحك يبتسم عبدالاله على ضحكها
[ ساحبيني من السرير ]
[ اول مره اشوفك كذا ]
تنطق باعجاب وهي تصفر تغمز له يخجل عبدالاله و اللي فعلا كان اول مره يلبس تيشرت ب هاللون الزيتي و الشورت البيج
[ صدق حلو ؟ تنسيق سلطان ]
[ ايه واضح و لا انت وش تلبس غير الاثواب ]
تنطق له وهي توقف جنبه تمد له الكيسه الصغيره
[ مريت المخبز القريب مننا جبت لك فطاير مو تقول لي انك جوعان ]
[ ههههههه لو انني داري اشغلتك كل شوي ]
[ يا ويلك عاد الحين وش يسوون ؟]
[ عمي يقول البنات قدام و احنا بننحشر ورا ]
[ ايه ازين كفو يا عمي رائد ]
تنطق لعمها بصوت عالي وهي ترفع ابهامها له ما كان عمها يدري ايش تقول بس ابتسم بوجهها بتسليك
تتوجه ايلاف لفتيات عمومتها وهم يتبادلون الاحاديث يتنهد عبدالاله اللي كان يبغى يركب اخر واحد من بينهم يبغى يتمتع
بالهواء النظيف قبل يدخل داخل ينحشر معهم بالكتمة الفظيعة !!
يستند صالح على سيارتهم السوداء و اللي توها توقفت اخوانه الطفولين كانو متحمسين بجنون ل هاليوم الا هو جاء معهم بالغصب
بسبب إصرار ابوه و ما حب يكون غثيث و وافق عليه الا ان رحله طويله مع أبناء عمومته راح تقوده للجنون بكل تأكيد !
ينزل نظارته الشمسية وهو يشوف عبدالاله اللي كان يأكل وهو معقد حواجبه بضيق شكلهم كلهم مغصوبين هذا اللي فكر فيه صالح
قبل ما يقترب منه وهو يلتقط فطيرتين يحشرها في فمه وهو يتوجه للباص يركب مع اخوانه
كان عبدالاله بيهاوشه كالعاده بس فمه كان مملوء لانها كانت لذيذه بكل جديه
أنت تقرأ
long time
Romanceيغمر شعور الغيره و الكره قلب عبدالاله وهو يرى أبنه عمه حب طفولته منجذبه لفتى أخر وهو أيضا يكون أبن عم عبدالاله و الذي لم يره لسنوات كثيره بسبب مشاكل بين العائله الذي لم يعلم عنه عبدالاله هو أن أبن عمه غريب الاطوار يحمل مشاعر حب له ايضا بالمقابل !!
