أفلا يتدبرون القرآن

١٣ : الجزء الثالث عشر ( يوسف ، الرعد ، إبراهيم )

#معاني_القرآن
#اقرأ_أفهم
#الجزء_الثالث_عشر

( سورة يوسف ... سورة الرعد .... سورة إبراهيم )

تعالوا نتعرف على شئ من هدايات هذا الجزء المبارك

⭕️ سورة يوسف ⭕️

أسماؤها : ( لم يُعرف للسورة إلا هذا الإسم ... نسبة لذكر قصة سيدنا يوسف فيها )

خصائصها : ( قصة يوسف هي أطول قصة في القرآن كاملاً __ انفردت سورة يوسف بذكر قصته كاملة من البداية إلى النهاية — ذُكر اسم سيدنا يوسف في هذه السورة ٢٥ مرة ولم يذكر في القرآن في مواضع أخرى إلا موضعين فقط __ سورة يوسف كاملة ليس فيها ذكر للفظ الجنة أو النار )

١- سورة يوسف ابتدت بحلم وانتهت بتحقيقه ... بس ده كان له ضريبة ... وهي ( الصبر ) .... سيدنا يوسف صبر كتير كتيرر جدا على كمية الابتلاءات الل قابلها في حياته ... كان يخرج من ابتلاء يدخل في ابتلاء ... والصبر كان راس ماله ....وعلشان كده ربنا قال في آخر السورة ( إنّه من يتقِ ويصبر فإنّ الله لا يضيع أجر المحسنين )

٢- سورة يوسف بشكل عام هيا قصة ... ولكن فعلياً بتكلم وبتخاطب المهموم والمُبتلى والل حياته متخبّطة

٣-سورة يوسف قال عنها ابن عطاء ( ما استمع سورة يوسف محزون إلا استراح لها)

٤- سورة يوسف بتعطيك طريقة عملية علشان تتخلص من أي ذنب أو شهوة مسيطرة عليك ومش عارف تتخلص منها

⭕️( وقالت هيت لك قال معاذ الله )

مفيش أي أداة عطف بين الجملتين توحي بالتأخير أو التريث أو إنّه أخد وقت يفكر

⭕️ سورة يوسف بتقلك ( كن صارماً مع شهواتك قبل أن تبلعك )

٥- سورة يوسف أحسن قصص القرآن ... بتتكلم عن الحقد والغل والحسد ممكن يعملوا ايه في أصحابهم وفي ضحاياهم ... بتتكلم عن الصبر على الابتلاءات .... بتتكلم عن التمكين بعد الصبر ده... بتتكلم عن حسن الظن بالله زي ما سيدنا يعقوب عمل ....بتتكلم عن نفسية المنتصر وروعة العفو والصفح ( لا تثريب عليكم اليوم ) ....

٦- ‏في نهاية سورة يوسف عليه السلام ( إِنّ ربّي لطِيفٌ لِمَا يَشاءُ ) ...بُعده عن أبيه لُطف...رميه في الجب لُطف...شِراؤه بثمن بخس لُطف...فتنة العزيز لُطف...سِجنه لُطف...وخروج الفتيان قبله وبقاءه بضع سنين لُطف...ثم بعد ذلك أصبح ملكًا

⭕️ الخيرة في ما اختاره الله ...أتضيق صدورنا للبلاء بعد رحمة اللطيف ؟

٧- سورة يوسف تعلمك ‬⁩ أن المريض سيشفى.. والغائب سيعود.. والحزين سيفرح.. والكرب سيرفع بإذن ﷲ.

‏⁧‫٨- سورة يوسف منهج حياة للمبتلى والحزين والموجوع لما فيها من أنواع التنقلات:
‏من حال إلى حال
‏من محنة إلى محنة
‏من محنة إلى منحة
‏من ذل إلى عز
‏من رقٍّ إلى ملك
‏من شتات إلى اجتماع
‏من حزن إلى سرور
‏من رخاء إلى جدب
‏من جدب إلى رخاء
‏من ضيق إلى سعة
‏من إنكار إلى إقرار

‏فتبارك من قصها فأحسنها وبيَّنها سبحانه

⭕️ سورة الرعد ⭕️

٩- سورة الرعد من السور القصيرة الل آياتها سهلة وكلماتها واضحة وشارحة بعضها

١٠- سورة الرعد في بدايتها بتبين مدى القوة الإلهية والقدرة الإعجازية للخالق في آفاق الكون وأعماق الغيب.... هتلاقوا الآيات دي في أول ٣ صفحات من السورة .... آيات تحرك أي حاجة مستخبية في قلبك ( أمان وخوف ويأس ورجاء )

١١- سورة الرعد فيها آية في الصفحة الثانية منها ديماً بقف عاجز وخجلان قدّامها ...( وإنّ ربك لذو مغفرة للناس على ظلمهم ) الل هو مفيش حاجة ينفع تتقال بعد كده

١٢- سورة الرعد اتكلمت عن أثر القرآن في النفوس الآية ٣١

١٣- وتختتم السورة ب ١٠ وصايا في الآيات ( ٢٠-٢١-٢٢ ) ... من استجمعها وعمل بها كانت عاقبته عقبى الدار

١٤- وبما إننا في سورة الرعد ...فايه هو الرعد ده ؟

⭕️ الرعد ده (ملك من الملائكة) والصوت الل بنسمعه في السماء لما تشتد الأمطار والعواصف يبقى صوته ...في الحديث ( أقبلت يهود إلى النبي صلى الله عليه وسلم قالوا أخبرنا ما هذا الرعد .. .فقال ملك من الملائكة موكل بالسحاب بيده مخراق من نار يزجر به السحاب .....قالوا ما هذا الصوت الذي
نسمع ... قال صوته )

⭕️ فالرسالة هنا إنّ الشدائد والحاجات المرعبة الل من وجهة نطرك الل بتقابلك في حياتك قد يكون في طيّاتها الخير لك .... زي ما البرق والرعد ظواهر مرعبة ولكنهما مقدمات للمطر

⭕️ سورة إبراهيم ⭕️

١٥- سورة إبراهيم في المجمل بتحكي برده عن قصص الرسل مع أقوامهم وإنّ صلب الرسالة عبادة الله وإخراج الناس من ظلام الأصنام إلى نور التوحيد .... ( والجملة الل هتتكرر معانا كل يوم إن القصص بتتكرر علشان بيبقى فيه حاجة جديدة ده وقت إنّك تعرفها ) .... وكمان علشان تثبت النبي صلى الله عليه وسلم والمسلمين على الحق الل هما عليه قدام الل كانت قريش بتعمله من تعذيب واضطهاد وسخرية وتكذيب

١٦- بعد كده السورة حكت بعض مشاهد يوم القيامة وخطبة الشيطان الل هتقهر الناس الل كانوا فريسة سهلة له وهيتحسروا بسببها ... ( وقال الشيطان لما قضي الأمر ... الخ الآيات)

١٧- بعد كده السورة هتاخدنا لقصة قدوم سيدنا إبراهيم إلى مكة في مشهد من أروع مشاهد التوكل

١٨- سورة إبراهيم فيها آيات كلنا محتاجنيها اليومين دول زي مثلا ( يثبت الله الذين ءامنوا في الحياة الدنيا وفي الآخرة ) .... زي مثلا ( وءاتاكم من كل ما سألمتوه وإن تعدوا نعمة الله لا تحصوها ) .....زي مثلاً ( وما من دابة على الأرض إلا على الله رزقها ) ... الخ الآيات الل هتلاقيها بتكلمك انت شخصياً

١٩- وتختتم سورة ابراهيم ببيان حال المجرمين وقسوة مصيرهم المنتظر ( آخر صفحة )

#amr_gamal