🌛 عدنان 🌜+١٨🔞

🌛الفصل الثاني🌜

حينما امر عدنان بفك قيد المدعو مرعي و الذهاب به الي طبيب الوحده لمداوات جروحه ثم يذهب الي بيته لجمع اغراضه هو وابنته المريضه و زوجته
ارتعب مرعي كثيرا واخذ يتوسل اليه ان يرحمه من اجل فتاته
مرعي : احب علي يدك يا بيه ارحمني لجل خاطر بتي المرضانه اني مليش موطرح تاني اروحه يا بيه
عدنان : هتجول ايه يا واكل ناسك انت حد جالك اني الرحمه انعدمت مني اياك
اني بجولك اكده لجل ما اني هكلملك مستشفي كبير في مصر علي ما تخلص الوحده و تروح تجيب حريمك اكون اتحددت مع دكتور معرفه يحجزلك فيها و هخلي وهدان يوصلك بالعربيه لحدت اهناك تجعدو في المستشفي لحدت ما بتك تعمل العمليه وتطيب ان شاء الله
اقترب مرعي وهو يبكي فرحا و قد نسي الامه امسك يد عدنان ليقبلها مع رفض الاخر وهو يقول : حجك علي يا بيه حجك علي راسي اني خذيان منيك يا ريتني جتلك مالاول ولا سمعتش كلام الشياطين دول خوفوني منيك لما جلتلهم اني رايدك تساعدني حجك علي يابيه جزمتك فوج راسي
عدنان : خلاص يا مرعي اني لولا ما خابرك انك راجل زين مكنتش سامحتك واصل بس تكرم لجل بتك ربنا يكتبلها الشفا يلا روح جبل الليل ما يهل علينا
ذهب مرعي وهو يبتهل بعلو صوته بكثير من الادعيه لهذا المتجبر ذو القلب اللين

نظر الي الاثنان الاخران وقد اصدر حكمه قائلا : انت وهو منشان عيالكم بس اني مهجتلكمش بس من الليله ملكوش جعاد في نجع الجبالي جبل الليل ما يهل علينا تكونو غورتو منيه
احد الرجال : احب علي رجلك يا بيه ماتخلينا نهمل دارنا هنروح فين بس بعيالنا وحريمنا اني مستعد اخدمك لحد ما اسدد تمن الي سرجته بس متطلعناش من دارنا
اكد الرجل الاخر علي هذا الحديث واخذا يستعطفانه كثيرا ولكنه لن يتراجع عن حكم اصدره في حق من خانه ابدا
قال وهو يهم بالذهاب : خلااااااص الحديت ديه ممنوش عازه لو مش عايزين تباتو الليله في جبركم يبجي جبل العشيه تكونو هملته النجع كلياته

في داخل مطبخ السرايا نجد الحاجه فوزيه هي و نعمات و العمه عنايات يقفون مع الخاله حسنه يعدون طعام الغداء كما اعتادو فهم لا يتركون صنع الطعام لاحد غيرهن
دخلت عليهن ام جميل وهي تهلل من الفرحه بعدما حدثها ولدها فيما دار بينه وبين عدنان وطلب منها ان تفاتح ام ايه في موضوع الخطبه
التفت جميع النساء لها ينظرون لها باستغراب فهي خرجت في حال و رجعت في حال اخري اكثر ابتهاجا
اول من نطق كانت نعمات : خبر ايه يام جميل داخله تهللي ليه اكده فرحينا معاكي
توجهت ام جميل الي الحاجه فوزيه اولا فهي كبيرتهم ولا يجب تعديها وقالت : خير يا حاجه كل خير طول ما سي عدنان بيه ربنا يحميه واجف ويانه
الحاجه فوزيه : انطجي طوالي يا مخبله انتي
ام جميل : من بعد اذنك يا حجه انتي داريه اني جميل ولدي رايد اسم الله عليها ايه بس لجل ديج الحال و جهاز عبير اخته كان هايتجدملها من زمان بس دلوك اتحدت مع الي ربنا يحرسهولك من كل شر و يباركلك فيه يارب و جاله عالي جواته والبيه وعده لو ايه موافجه هي وامها هيجوزهم بعد شهر من دلوك
اطلقت عبير وملك الزغاريط فرحا لاخيهم فهما يعلمان مدي حبه لتلك الايه وهي ايضا
اما الاخيره فاحمر وجهها خجلا ولكن بداخلها قد دقت طبول الفرح
الحاجه فوزيه : عدنان بيه ولدي مادام وعد هيوفي بس الجول جوله لازمن نشوف راي العروسه وامها لاول
وأني الي هطلبها لجميل بنفسي داني مربياته وكيف ولدي بالتمام
اخذت ام جميل تدعي وتبتهل لها ان يحفظها هي واولادها من كل شر تلك المراه الحنون
وجهت الحاجه فوزيه حديثها الي ام ايه قائله : ها يام ايه اني و عدنان بيه ولدي بنطلبو يد بتك ايه لجميل رايك ايه
ام ايه وهي فرحه للغايه : هو في جول بعد جولكم يا حجه الي تامره بيه يمشي علي رجابينه
نعمات : لاه يا سعيده بتك ست البنته كلياتهم ولازمن تاخدي شورتها لاول والي انتي ريداه هنعملهولك
سعيده : اللهي يجبرك يا اصيله يابت الاصول
عنايات وهي تضم ايه تحت زراعها وتمزح معها : ها يا يويو موافجه عالواد ديه ولا نجوله امك في العش ولا طارت
ضحك الجميع علي مزحتها
وردت ايه وهي خجله للغايه : الجول جول امي يا خاله اني مليش راي بعديها
عنايات : تسلم الايد الي ربت يابتي ديه جميل ام دعياله عشان ربنا يكرمه بست البنته ادب واخلاج و جمال ربنا يهنيكم يابتي واني هديه مني تنجيد فرشتك كلياتها
سعيده بدموع الفرح : يكرم اصلكم يا حاجه احنا ملناش غيركم اني وبناتي بس اني شايله جرشينات لليوم ديه مهخليهاش تنجصها حاجه
الحاجه فوزيه : بلاش رط فاضي يا سعيده بناتك احنا الي مربينهم ولينا فيهم اكتر منيكي و جهازها علينا من الي تشاور عليه و تشتهيه نفسها هو احنا حدانه كام ايه
هلل الجميع فرحا بهذا الخبر السعيد واخذن يطلقن الزغاريط ولكن قطع عليهم فرحتهم دخول (غراب البين ) كما يطلق عليها ومن غيرها
بهيه بصوت عالي : خبر ايه يا مخبله انتي وهي ايه الغاغه الي عملينها دي سرعتونا
عنايات : مالك بس يا بهيه بدل ما تباركي لسعيده وام جميل علي خطوبه عيالهم ايه وجميل
بهيه بتكبر : طب يا عمتي مبروك للكونتيسه ايه يخلصو الوكل للرجاله لاول و يروجو السرايا بعدين نبجي نرجصلهم ولا هايسيبو وكل عيشهم الي معيشهم و يجعدو يجلعو