اسكربتات منار الجمل♥️⁩⁦

سكربت 1

عنترة بن وداد 😂⁦♥️⁩

=يا كراش يا جارحنى ومش راضى
انا قلبى بقاله كتير فاضى
كل اما بشوفك فى الشارع
انا اقول هيحن المرادى
ويعدى البأف كأنى رصيف

_بأف أما يلهفك يا بعيد ...انا بأف ياض

=يعنى انتى سبتى كل الغزل ومسكتى فى بأف أما نكديه صحيح

_ياض بقا كفايه بهدلة لكرامتك والله بدأت تصعب عليا كرامتك المتبهدله دى

=المهم حسيتى بحاجه من ناحيتى مش مهم ايه هى يا عسسسسسسي

_ولا ولا بقولك ايه بلاش دلعك البايخ اللى زيك دا
وبعدين دا غزل ...حتى الغزل بتاعك رخيص

=اللاااه مش انتى اللى بتحبى فارس قطر يا ست عبلة

_يا أخى قطر أما يلهفك .....حتى دا مرحمتوش من هبلك ...اسمه فارس قطريه يا جاهل وبعدين ايه جاب فارس قطرية ....لعنترة ابن وداد

=اللاه وماله بقا عنترة ابن وداد يا ست عبلة ولا انتى ميعجبكيش غير الولاد الملزقه بس إنما ولاد البلد الرجاله لا

_تصدق بالله محد ملزق غير ك فى حياتى ....يا أخى دا انت لازق فيا بغرا

=الحب بقا ...الحب يا ست عبلة بيعمل اكتر من كدا اه والله

_انتى مبتفهمش عربى يبنى افهمهالك ازاى...وبعدين ف رمضااااننن فى رمضااان

=والنبى انتى عسسسس

_وانت بارد

=مقبولة منك يا عبلة قلبى انتى

*بعدت عنه ومشيت وانا بحاول احلى ضحكتى انا مش فاهمه حبيت واحد سرسجى زى دا ازاى بس بحبه بقا
انا عبلة عايشه فى حاره شعبية عاديه جدا ومن احنا عيال صغيرة والكل هنا بيقول عليا انا وعنترة هتكون لبعض زى قصة عنترة ابن شداد وعبلة
ومن الوقت دا وعنترة ماسك فيا زى ظلى ....كل تمشى فى مكان ورايا دخلت الكليه وكان هو مجموعه اكتر منى بس دخل معايا عشان يفضل جمبى وزى ما بيقول يفضل جمبى
عملى مشاكل كتير فى كل حته كنت بروحها وكان بيبعد اى ولد بيحاول يقرب منى ...اى عريس يجى ليا كان بيطفشو ....ولما حد يسأله ليه عمل كدا
يقول عبلة لعنترة وعنترة لعبلة وانا بحبها ومحدش هياخدها غيرى

بابا اخد معاه للموضوع عند ...ورفضه اكتر من عشر. مرات كل ما يتقدم يرفضه كان رد عنترة عليه أنه يطفش اى عريس يجى ليا
انا مأخدتش بالى انى بحبه ...ومعرفتش حبيته امتى لقيت نفسى فجأه كدا بحبه وكل ما يحاول يقرب منى كل ما يزيد حبه جوايا
بس مكانش ينفع اسلمله وكان لازم افضل البنت التقيله الصعبه زى ما رضوى قالت 😂
عنترة كان وهيفضل افضل راجل شفته فى حياتى هو الوحيد اصلا اللى موجود فيها قلبى محبش فى حياته غير عنترة وبس

طلعت اوضتى ووقفت فى الشباك ورا الستارة وفضلت مستخبية عشان اشوفه وهو واقف تحت يغنيلى