اسكربتات منار الجمل♥️⁩⁦

ونحب ليه

هاى يا سگاكر ⁦♥️⁩

اتمنى تكونو بخير يارب
رجب مبارك عليكم يارب ⁦♥️⁩⁦♥️⁩

تفاعلو يا حلوين 😘

لو جاى فى رجوع إنسانى
بكدب لو اقول غير كدا
وانا ليه هجازف تانى واطمن للناس
انا منستهوش كل دا
بكدب لو اقول غير كدا
منجحتش ابطل افتكره وافكر فيه
واهو بقا ماضى كله اتنسى
عادى دا طبيعى بعد الأذى
وانا ليه بجازف تانى واطمن للناس
لو جاى فى رجوع انسانى
شوفلك موضوع تانى
ارجع ليه للى اذانى وعليا ب ايييه

كلمات منطقيه من شخص غير منطقى بالمرة
او بمعنى أدق انا الشخص الغير منطقى
لانى عارفه ومدركه أن فى جوايا بذرة صغيره مستنياه يحاول مرة كمان
عاوز فرصه ؟
خد عشرة
محتاج طريقه نتكلم ؟
انطق اسمى بس وهكون معاك
يمكن تشوفوه قلة كرامه
أو انعدام للشخصيه
لكن بالنسبه ليا انا دا حُب
انا بحبه وبحب كل شئ منه حتى لو فى يوم كنت أنا واحده من ضحايا غضبه ؛ مفيش مرة قفلت بابى كاملا فى وشه
كنت بسيب الباب موارب
مستنياه يحاول يكلمنى
مستنيه بس يـُطل ويُطلب وانا هقول شُبيك لبيك طلاباتك مُجابه وبين ايديك 💔

كل دا كان مجرد حديث فى ركن صغير جوا قلبى
عقلى رافض فكرة وجود شخص زيه فى حياتى مرة تانيه
هو مكانش مُدرك حجم الأذى
او مكانش شايف أنه غلط فى حقى أو حق حبى ليه
مشافش اهاناته الكتيرة والمتعددة بكثرة غير متوقعه
وأنى عادى اسامح لمجرد انى بحبه
اه بحبك لكن كبريائى كأنثى رفضت السكوت فى حقها
بيطالب بحقه وأنى اقف فى وشك واقول خلاص زمن السماح والتسامح انتهى
ليه افضل انا الركن الهادى دائما وقت عصبيتك واتقبلها
ليه افضل انا الكاس اللى تصب فيه كل غضبك وانا مطلوب منى احتوى كل الغضب دا
انا فعلا عملت كل دا مش لانه مجبرة زى ما انت متخيل
بس ببساطه انا واحده بتحب
بحبك يعنى هستحملك
بحبك يعنى انا جمبك وقت ما كله يسيبك
كنت بستنى تبرير بسيط لسبب زعلك
يعنى هتحط زعلك فيا فهمنى ايه سببه
لكن مكنتش بلاقى نتيجه واحده تنصفنى
وحيد؟ فأنا أُنسك
كئيب؟ هسعدك
محتاج ؟همد ايدى الاتنين وافتحهم ليك
عاوز لحظه صفا ولحظه هدوء
طب ليه لحظه؟ قدامك عمرى كله هقدمه ليك بس تكون معايا
كل اللى كنت محتاجاه تكون انت موجود فى نهاية الطريق
يعنى بعد تعب ومعاناه تكون انت الجايزة حتى لو هتكون وردة ومليانه شوك
كنت محتاجه كلمه تطمنى انك جمبى
ومعايا مهما يحصل
مش محتاجاك تتكلم معايا بالمنطق والعقل
بس محتاجه دفى قلبك جمبى
انا شخص قنوع برضى بأقل الاشياء اللى ممكن تتقدملى
لكن للاسف ملقيتش حاجه اتقدمت ليا عشان ارضى بيها
فراغ ...دا كان ردك على كل شئ فى حياتنا
دايما كنت بسمع أن حِمل الليالى خفيف لو شالوه اتنين

بس كان دايما تقيل عليا وعلى قلبى
ليه انت سبتنى لوحدى ؟

انتكاسه ....كل شئ فى الحياه بيحصله انتكاسه ترجع كل شئ للصفر
لما بكون اقتنعت انى تجاوزت ومشيت
بلاقيك فى وشى راجع ومستنى اسامح
بتطالب بأقل حقوقك من وجهه نظرك
فرصه تانيه
حببتى هتغير دا انا بحبك
بتحبنى !
كلمه غريبه تقيله صعب قلبى يتقبلها
وزى ما بيقولو الحب افعال لا اقوال
فى ليله بضحك ومبسوطه وخلاص تخطيتك
بقيت نقطه سودا فى حياتى اللى فاتت
ومستحيل ارجع افكر فيها مجرد تفكير بسيط
بسمع ريلز وبضحك من قلبى ما هو حِمل الحب انزاح
مسدج ظهرت من العدم مكتوب فيها "وحشتينى"
مجرد بس ما شوفتها حسيت كأنى زى ما بيقولو رجعت لنقطه البدايه
ل اول مرة كلمتنى فيها وقولت "ممكن تسمحيلى اقتحم حياتك "
ياريتنى ما سمحتلك ...ياريت ايدى اتقطعت وما رديت عليك
كانت غلطه ...صدقنى غلطه غير مقصودة
طفله طايشه ومراهقه لقيت الحب الكداب والاهتمام الزائف من الشخص الخطأ
انبهرت بيك وانت بتشرحلى قد ايه تعبت وجريت ورايا ولفيت كتير عشان بس توصلى
عذراء المشاعر زيي انخدعت ببساطه وطيرت فى الهوا ان فى شخص زيك بيسعى ورايا وبيحبنى
انسان ناجح ...مثقف ...وسيم ...هل فى حد يتمنى اكتر من كدا؟
وافقتك وسمحتلك تدخل حياتى
لسه فاكرة اول مقابله بينا يوم ما قولتلى انى حلم كان صعب أوصله

وانك مش مصدق انى دلوقت بقيت معاك

وبعد فترة والانبهار راح خلاص بدأت واحده واحده تتجاهلنى
ابعت ومتردش غير بعدها بفترات طويله
اطلب اقابلك ترفض وتتحجج
بعد ما كنت موجود فى كل حاجه انسحبت بهدوء من كل حاجه
عشان ايه كل دا هو مفيش غيرك فى الدنيا يتحب
بس الذنب ذنبى وانا وحدى اللى غلط انا وبس
غلطت غلط كبير انى سمحت ليك تقتحم حياتى البسيطه والهاديه

احب اقولك انك فوقتنى
اخدت اكبر صدمه فى حياتى وان الحب خدعه كبيرة اوى
وحاجه مش موجوده
ونحب ليه ؟
دا الحب عذاب وتعب والم
بينتهى بكلمه " انا مبقتش احس ناحيتك زى الاول "
طبيعى ما انا بقيت شخص دايم فى حياتك
باعتبار انى مستحيل استغنى عنك وأنى مقدرش اعيش من غيرك
بس انا عيشت
وحبيت
حبيت نفسى وقلبى وحياتى

دوس نجمه يا حبيب اخوك وانت معدى 😂⁦♥️⁩⁦♥️⁩
رأيكم فى كومنت يهمنى
وشيرو لينك الاسكربتات يحلوين