اسكربتات منار الجمل♥️⁩⁦

ام كلثوم ٢⁦♥️⁩🌿🌿

ام كلثوم قالت ايه ؟
قالت بخاف عليك وبخاف تنسانى
ام كلثوم تقصد ايه ؟
الحيرة اللى ما بين بتحب حاجه ومنها بتعانى
وانسحابك للاغانى وانت بتألف قصص
ومن جرحك اللى هربت منه ولما جات حسيته تانى
الوجع مش حكر ع الستات
خلاص؟
وفى شنبات بتتأثر
وقصص مردومه فى الرجاله ومش بتمر
ورجاله أن تسيب تضحك وان تنساب تدوق المُر
وحشتينى
وصعب رجولتى تنطقها وانا المتساب
فبكتبهالك قبل ما انام
حاجات حسيتها بوجودك وقلقت نومى بالايام
وانا الطوبه اللى طوب الارض بيعايرونى بقساوتى
بقيتى أن تظهرى بصبح ضوافر ناعمه بكر وخام
كأنى قبل ما اقابلك مموتش متين واحده
مدوبتش بنات ع السكه فى عنيا وسميتهم
انا قبلك عرفت كتير وفهمو انى حبيتهم
وسهرو الليل وانا ف اوضتى ونايم لأجل فجر جديد
كتير قبلك اختاروا القرب من قلبى وانا اللى اختارت اكون عربيد
بيعرف كل يوم واحده
ويكتب كل يوم عنها
ويوصف شكل ضحكتها
ويمدح حُسن فستانها
ويجى الفجر على غيرها وتصبح تانيه فى مكانها
وتشتم قسوتى وقلبى وتفضل ياما تلعنها
وانا نايم وبتألم
يا حلوه الحب بيغلب
مكنتيش زيهم هامش
كتبتك ع السطور موضوع
وكنتى أن تزعلى قلبى يمد ايديه ادب وخشوع
طب الستات لو اتسابو بترتاح لما بتعيط
مابالك باللى حزنه سكوت
وعينه ما بتقتبلش دموع
-فارس قطريه-

كلمات لفارس قطريه مناسبانى
مش عشان بس انا تعبان لا ...فعلا حاسس بجرح كبير جوايا
انا فعلا كلمت بنات كتير وعرفت كتير
ازاى متخيل فى لحظه كدا انى هلاقى اللى بحبه ويبقى نصيبى
ومتعبش وتكون كل حاجه سهله
انا فعلا مديون لبنات الدنيا بكسرة خاطر 💔
وانا رجعلى الدين بكسرة نفس وكسرة خاطر وكسرة قلب
انا حاسس انى متخان من اقرب الناس ليا

مع انها مفيش يوم عشمتنى ولا حتى كلمتنى بس حاسس انها كانت واعده قلبى تفضل معاه حبيتها بجد ومحصلش نصيب

ام كلثوم طلعت مخطوبه
لابن عمها ....وانا اللى كنت فاكر انى بحبها 😅
دلوقت بس عرفت اد ايه انا حبيتها لما عرفت انها مش ممكن تبقا ليا فهمت يعنى ايه بجد تحب حد ومتلاقيهوش
فهمت كلمة بنت لما تقولى متكسرش قلب بيحبك بجد
فهمت لما كانت واحده تانيه وتدعى عليا وتقول ربنا يدوقك من نفس الكاس
انا دوقت خلاص دوقت وتعبان اوى موجوع ...انا فعلا موجوع
بفكر !كام بنت حست بنفس الوجع دا لما سبتها
ما بالك أنها نعشمتنيش زى ما انا عملت فيهم
وحاسس بكل الالم دا جوايا
المفروض هما حاسين ب ايه ؟

لملمت اللى فاضل من روحى وحاولت اكون انسان نضيف
او انسان بجد ....حاولت ابعد عن كل حاجه وحشه
انا عارف ومتأكد أن ربنا رحمته بيا كبيرة اوى وهيسامحنى
على كل ذنب عملته ....
بعدت عن كل ما هو مؤذى ...بعدت عن البنات اللى كل يوم بعرف واحده شكل ....بقيت لوحدى
بقيت اصلى
اقرا ف المصحف واحفظ
يحافظ على النوافل
والاذكار
وفى كل سجده منستهاش ...حاولت والله ومعرفتش
عرفت الحب بمعناه اللى بجد
عرفت انها حب اتزرع فى قلبى مش ب ايدى
عدت سنه والتانيه بقيت شخص تانى
ملتحى
متدين .
عارف ايه الصح وايه الغلط وبعدت عنه
حاسس ان ام كلثوم محنه جت فى حياتى عشان تودينى الطريق الصح
اعتزلت الحياة إلا حبها
بعدت عن كل البنات الا ذكراها
بقت محفورة جوايا ومعلمه
فى يوم ماما قالتلى أنها جايبالى عروسه وأنى خلاص كبرت ومفيش فايده قعدت كدا كتير
وغصب عنى زى كل مرة روحت عشان اقابل العروسه
وانا مقرر هقول مش مستريح ..بس هراضى ماما لانها مش هترتاح
دخلت البيت بس حسيت احساس غريب
حسيت بحاجه جوايا ....بقبضه فى قلبى
قعدت وكنت يوزع ابتسامات وبس وانا بتمنى اخلص عشان أخرج من هنا انا تعبان
ولما قالو دى عروستنا القمر تعالى
رفعت عينى اشوفها ومعرفتش انزلها
فستان ابيض بورد صغير
وخمار جميل بلون الورد
هى كانت حلمى الجميل وحلمى اللى بقالى سنين بتمناه
كانت أم كلثوم ...بجمالها وادبها ورقتها وعيونها الخجلانه
اول ما شوفتها حسيت يقلبى بيرفرف
حستنى يبتسم لوحدى ...مقدرتش اشيل عينى من عليها
فضلت يتكلمو وانا بس ببصلها وهى بتبتسم وهى بتضحك بهدوء وهى بتكلم بصوت هادى ..حاسس انى بحلم
فوقت على ماما وهى بتضربنى ف جمبى الظاهر انى فضلت باصص فيها كتير والكل اخد باله
نزلت على ماما وقولتلها انى عاوز اقعد معاها
قالت مش ايه بقا نسيب العرسان مع بعضهم شويه
قامو وسبونا لوحدنا
وفضلت بس ابصلها
ااااه وحشتنى اوى
فوقت على صوتها وهى بتقول :هنفضل باصصلى كتير
-انتى بجد
-: انت شارب حاجه

_انتى مش فاكر انى ؟
دا انا انا احمد اخو خدي

:احمد اخو خديجه من الدرس القرآن ايوا انا فاكراك بس اللى مكنتش متخيلاه انك لسه فاكرنى

_لسه فاكرك ؟ انا منستكيش يوم واحد يا ام كلثوم ولا دقيقه

:ولا انا نسيتك يا احمد ...بس انت مختلف عن آخر مرة يمكن امم مش عارفه شويه ..
_فوقت ...انا فوقت كنت تاييهه وفوقت الحمد لله ربنا هدانى وبقيت شخص تانى

: الحمد لله دعواتى ليك جابت نتيجه

_دعواتك ؟ مش فاهم

:انا من اول م شوفتك وانا فى جوايا نطفه اعجاب ليك وكنت بدعى ربنا يهديك وربنا يجمع ما بينا بخير

_هو انتى مش كنتى مخطوبه ؟

:كان مقرى فتحتى على ابن عمى لكن ابن عمى اتوفى من حوالى ست سنين يعنى الموضوع قبل ما اعرفك

بهمس:يا خديجه الكلب

وبصوت عالى قال:ام كلثوم تقبلى تشاركنى الجاى من حياتى وتقبلى بحبى

بخجل وابتسامه:اقبل

اختارك قلبى يا رفيق دربى وحبيب روحى ⁦♥️⁩🌿

لو عجبتك دوس نجمه وتعليق يا حبيب اخوك ⁦♥️⁩😉