اسكربتات منار الجمل♥️⁩⁦

مريض الحُب⁦♥️⁩

مريض الحُب ⁦♥️⁩⁦♥️⁩

غريبه عاشقك حتى وانتى مش هنا
انا لسه باقى على اللى بينا صورنا لسه تدلنا 🖤🍂

دكتور عبدالرحمن فى حاله جديده وصلت ومحتاجه حضرتك تمضى هنا
عشان نستلم الحاله ونبدأ فى العلاج البيولوجى

*مين اللى محول الحاله دى ؟

_ دكتور معتصم القذافي

*مرحلة ايه هى ؟

_ الأخيرة يا دكتور

*اخدت علاج اقراص ولا هتدخل على البيولوجي علطول

_اشتغلت علاج مكثف لمدة سته شهور لكن مفيش استجابه

• تمم يا هدى حطى الورق قدامى وانا هخلصهم دلوقتى

قلعت النضارة بتاعتى ورجعت راسى لورا وفضلت مغمض عينى شويه
بحاول ارتاح لانى بشتغل فى اليوم اكتر من ١٦ ساعه شغل متواصل بدون راحه ولا اى فواصل ...حقيقى طلع شغل الدكاترة دا موضوع صعب جدا لكن انا منستش ومعتشتش حياتى غير لما بدأت تكون كلها شغل
بقيت اشغل نفسى بكل الطرق عشان مقعدش مع نفسى وافكر ..وافتكرها💔
شوفتو المهزله دكتور كبير من أكبر الدكاترة فى مصر ومش عارف اعالج نفسى
مش عارف اعالج نفسى من حُب مدفون فيا ...حب بائس
شاب مراهق فى سن العشرين كان بيحب بنت وبيجرى وراها شمال ويمين
كان بيقول ليها مصباح علاء الدين
عشان ترضى وتكون معاه. ...لكن وفى لحظه قالت له مينفعش اصل انت اخويا
ولكسرة خاطره وتعب قلبه وعشان هو كرامته اغلى من اى شئ تانى
محاولش معاها مرة تانيه
وفى لحظه الشاب العشرينى بقا كهل عجوز برفض الحب ليه
دفن نفسه فى شغل وحياه روتينيه ممله عشان يبعد اى تفكير من دماغه أو حتى يحاول يعرف عنها اى شئ
بقت بالنسباله شخص غريب ...بقا هو لنفسه انسان غريب
يبص على شكله فى مرايته يشوف خيال شخص مريض
مريض الحب مين يداويه ؟وفين اراضيه ؟
دا مريض الحب الله يكون فى عونه مرضه ملوش علاج
وكبر الشاب العشرينى وبقا شحط تلاتينى
ومازال للاسف بيحب ام الضفاير اللى مبعرفش عنها حاجه
قلبه المسكين بيحبها وعاشقها
وهى فينها؟
منعرفش يقلبى فينها وفين أراضيها

فتحت الحاله اللى قدامى وشوفت الورق عينى وقفت على اسم الحاله
" مي مراد علمدار"
الحياة وقفت ...مي ؟ ازاى ؟
بنتى وصحبتى وحببتى البنت اللى طول عمرى بحبها وقلبى بيتمناها
حب دفنته جوايا وانا بطمن قلبى انها كويسه مش مهم أنها بعيد المهم انها كويسه
بس هى مش كويسه ...هى تعبانه حببتى انا تعبانه
بعد ما فوقت من حالة الذهول اللى دخلتها لقيت دمعه نزلت من عينى مسحتها وانا بهدى نفسى انى هعالجها مهما كان التمن وهتكون كويسه

رفعت سماعه الفون وكلت هدى : عاوز حالة الكرونز اللى لسه جايه محدش يمسكها غيرى

_ حاضر ي دكتور تؤمر بحاجه تانيه