بين ليلة وضحاها تنقلب الموازين

البارت 2

منذ دخلتُ في عُمرِ الزهور، وأنا لا أرى من الزهورِ سوى أشواكها، لا رأيتُ الزهور ولا أزهرتُ أنا، لا زلتُ أسيرُ على اشواكِ عُمري، علّني أبلُغ دربَ الياسمين...

_‏"إنما القلوبُ أمانةٌ
‏فتخيَّروا لقلوبكم مستقرها ومستودعها..

‏أنتَ لستَ للجميعِ
‏العالمُ مليءٌ بالأشخاصِ الذين مهما فعلت لهم
‏فأنتَ وبكلٍّ بساطةٍ لن تعجبهم
‏ولن تنالَ رضاهم..

‏لكنه مليءٌ أيضًا بأولئك الذينَ سوفَ يحبونك بشدةٍ
ويرون ما تقدِّمُه عظيمًا..

‏هؤلاءِ هم أُناسُك!"

روان:  انت اكيد تخبلت شجاي تگول
مصطفى:  ليش بشنو غلطت
روان:  منتبه الفضاعت الغلط الجاي تگوله الشئ الماتعرفه يااستاذ اني واخوك احمد واحد يحب اللاخ من خمس سنين
مصطفى:  شنو شنو الجاي تگوليه اني اول مره اسمع هذا الشئ منچ انتي احمد ولا مره لمحلي واول مره يضم عليه شغله
روان:  وهسه عرفت رجاءا انسى كل الگلته هسه
مصطفى:  اني جدا اعتذر وراح اخلي احمد هو ياخذچ ويرجعچ
روان:  يكون احسن وتسوي فضل
مصطفى: رجعت للبيت واني بحالة صدمه ومامصدگ السمعته وخايف تگل الاحمد مااريد اخسره بسبب
تافه مثل هذا
رجعت مختنگ للبيت لگيت احمد گاعد بالصاله يتفرج تلفزيون
احمد:  ها الله يساعدك ابو الصوف شنو الاوضاع
مصطفى:  شمرت عليه السويچ وگتله زفت هاك بعد انت احتار بيهه اني مالي شغل لا اخذها ولا ارجعهه
احمد:  اها ليش ليش شصاير
مصطفى:  تعرف كلش زين احنه مانصافه
احمد:  ليكون طولت لسانهه عليك
مصطفى:  لا ماكو شئ داخل ارتاح شويه تعبان لا تگعدوني اذا نمت
احمد:  ماشي تمام
للعشره لبست وخذت السياره وطلعت حتى ارجع روان للبيت انتظرت اباب المدرسه طلعت تتمايل بمشيتهه دخيل ربج على هالحلاه رفعت رأسهه شافتني وترست الابتسامه وجهه
روان:  هلو حبيبي اي عفيه بعد يوميه تعال انت عليه لتدزلي اخوك والله ماابلعه غثيثثثثث
بعدني مامكمله جملتي ووگف السياره بسرعه حتى رأسي نضرب بالكشن شني السالفه شبيك جيت تدعمنه على كيفك
احمد: سمعي روان بما ان احنه راح نرتبط اريد اگلچ شئ واريدچ تخليه حلقه بأذنچ مصطفى بالنسبه الي خط احمرررر مصطفى مو بس اخويه مصطفى سندي وعضيدي والي يمسه يمسني الشغلات الچنتي تسويهه حتى تضوجينه ماريدهه تنعاد بعد ولسانچ وياه مايطول بعد واريدچ تحترميه كل الدنيا بكفه ومصطفى عندي بكفه ثانيه ابيع الدنيا واشتريه
وصلتهه لأهلهه ورجعت ادري بيهه ضاجت واعرف نفسي دست عليهه زايد بس احسن اريدهه تتأدب اطيتهه مجال هوايه بعد كافي
يوووم يوووم وينچ
سوسن:  هنا بالمطبخ يمه تعال
احمد:  شني ابو الصوف وين مااشوفه
سوسن:  نام شوي وصعد فوگ عالسطح
احمد: معناهه يريد يگعد وحده راح اخذ حمام واصعدله

مصطفى:  من اضوج احب اصعد للسطح اگعد وي نفسي بس يصير عكس الاريده ولا مره صعدت وگدرت اگعد وحدي
روايه: -هلو مصطفى شلونك
مصطفى: هله روايه تمام انتي شلونچ
روايه: الحمدلله ليش گاعد وحدك وهموم الدنيا كلهه على رأسك
مصطفى:  مامكتوبلي اگعد وحدي بس گليلي انتي منين تطلعيلي
روايه:  منا من السياج انزل عليكم
مصطفى:  ولد انتي ولد
روايه: لا بنيه ليش
مصطفى:  اكو بنيه تصعد سياج وتطفر عالجيران ماتخافين انتي ماتخافين
روايه: لا مااخاف اكو قنفه على سطحنه من خلالهه بسرعه اصعدلكم
مصطفى:  روحي روحي لا يجي احد ويشوفچ شيگول
روايه:  رايحه انت هم انزل لا تبقه ضايج وحدك
مصطفى:  نازل نازل امري لله
هاي البنيه اسمهه روايه بت جيرانه ساكنه هي وامهه وحدهم انتقلو يمنه قبل خمس سنين تقريب واول مره شفتهه بيهه صعدت غراض للمخزن الفوک وهي چانت تشر ملابس عالسطح بوكتهه چانت لابسه تراك ضيگ عمرهه تقريب 12 سنه شعرهه واصل لنهاية ضهرهه بقيت صافن عليهه اريدهه بس تلتفت واشوفهه كملت جاي تاخذ الطشت من الگاع وشافتني صدت عينهه بعيني عليهه عيون مثل سواد الليل وعليهه نظره تطيب العليل
روايه:  انت ماتستحي شكو تباوع عليه هالشكل مضيع شئ بيه
مصطفى: لا مو يمچ هسه صعدت جاي ادخل للمخزن وشفتچ واستغربت لأن اول مره اشوفچ هنا
روايه:  مره ثانيه من تصعد للسطح طلع صوت حتى اذا احد عالسطح ينتبه ويتستر
مصطفى:  اويلي يابه وعليهه لسان تگول لسان دلالات
بويه على كيفچ مانعرف بيچ هنا ولا شايفچ قبل
روايه:  وهسه عرفت ممكن تروح
مصطفى:  لا مو ممكن هو اليشوف هيچ حلاوه يطي گلبه يعوفهه وينزل
اني گلت هيچ وماحسيت غير المي الباقي بالطشت صار بوجهي
روايه:   شگد ادبسز وماتستحي
مصطفى:  هههههه ماادري اضحك على نفسي اصوج وحده زعطوطه هيچ سوت بيه
نزلت وراهه راحت من بالي كلششش ولا ذكرتهه التهيت بالدراسه بوكتهه چنت انقطاع سادس وقرايه دگ بهاي الفتره چان احمد وروان على علاقه بس اني ماادري بوكتهه بعدهي مشاعري ماباديه على روان بس چنه عرك ونگره
وره اول لقاء الي بيهه بأسبوع تقريب صعدت ادرس فوگ ماچانت ابالي ابد اصلا نسيتهه اول ماصعدت چانت بوجهي تشر بالملابس تقربت من السياج وصفرتلهه هي نزت والتفتتلي خزرتني خزره اويلي يابه تشل
روايه:  الظاهر عجبك المي الذببته عليك ذاك اليوم وتريد تجربه مره ثانيه
مصطفى:  لا دخيلچ مااريد بس اريد اعرف شسمچ انتي
روايه:  وشنو دخلك بأسمي انت
مصطفى:  اريد اتعرف مايصير
روايه: لا ما
بعدني ماكملت جملتني وشفته صار يمي طفر على سطحنه
شتريد امشي لا يجي احد ويشوفك
مصطفى:  منو يشوفني غيرك ياحلو
روايه:   ماما لا تصعد وتشوفك والله تموتني دفعته من صدره لزم اديه ثنينهن عصرهن حيل
مصطفى:  مانولد الي يمد ايده عليه جاي تخلص ايدهه مني لويت ايدهه وره ضهرهه ولزكت ضهرهه ابطني گتلهه ثبتي لا تتحركين بس خليني اشم ريحة هذا الشعر بس گليلي طبيعي هذا العطر لو خالتله شئ
روايه:  صرت ادفع بيه مايوخر دموعي نزلت عفيه عوفني انزل الله يخليك
مصطفى:  دخت بعطرهه وماچنت اسمع مناجاتهه ولا انتبهت لدموعهه وعيت على نفسي وعفتهه اسف والله مااقصد ماانتبهت على نفسي
روايه:   حقيررررررر عفته وركضت جوه حتى الطشت نسيته
جميله:  شبيچ يمه ليش تركضين ولونچ مخطوف
روايه:  ها لا ماكو شئ بس خفت جيرانه عدهم چلب وعايفينه بالسطح بلا حبل وخفت يطفر عليه مالي شغل بعد مااصعد اشر هدوم اخاف اجه يوگف گلبي