بين ليلة وضحاها تنقلب الموازين

البارت 12

بقلم اسراء عباس
"ولقد مرت عليّ ليالي ثقيلة من شدتها كُنت أبكي حتي تتورم عيناي ولا أشعر بنفسي عندما يأخذني النوم، والله إنني من ثقلتها كُنت أقول لنفسي لن يأتي الصباح إلا وانت بين يدي الله.

والأن بعد أن أصلح الله كل شيء بطريقه مُدهشة والله لأنني مهما أتت عليّ الدنيا أقول أن الله الذي لطف بي سابقاً لن يتركني اليوم
إن الله أعظم من أن يُفلتنا ونحن في أشد الحاجة إليه.

قبل لا نبدي ضغطو عالنجمه مراح تخسرون شئ

مصطفى: اكو هوايه شغلات غامضه بهاي الشركه اكو اجتماعات مغلقه دايما تصير بينهم واكو ملفات دايما تجي وي ملفات البضائع مكتوب عليهه خاص ومغلقه باللاصق الاحمر لازم اعرفهه شنو هي لازم

الدكتوره:  لتخافين حبيبتي ابنچ بخير ممات بس خليناه بالخدچ لان اجه بشهر الثامن ووضعه جدا حرج لأن بعده مكامل بس هو بخير
روايه: اريد اشوفه دكتوره عفيه
الدكتوره: اي حبيبتي عادي تعالي ويايه تشوفيه وهو راح يجيبوه الچ كل ساعتين حتى ترضعينه تمام
روايه:اي تمام
رحت شفته سوده عليه حبيبي اول مااجيت للدنيا تلگت الاجهزه والكانونات عمت عيني عليك ياروحي فدوه رحتلك اني مصطفى ماما انت راح تعيش وراح تكبر وراح تكون سندي بالحياة

مصطفى: توغلت داخل الشركه وگدرت اكسب ثقة اصلان وجماعته خلال سنه وحده بس الحد الان جاي احاول اعرف شنو شغلهم السري وشنو هاي الاجتماعات الجاي تصير تالي الليل بالشركه لازم تعرف لازم وضروري
وبمره من المرات چنت رايح الاصلان على مود احچي وياه على الشغل واني گاعد وياه گام يفتح الخزنه حتى يطلعلي فلوس البضاعه الراح توصل من انقره فتحت الموبايل وصورته فيديو حتى احفظ الرمز مال القاصه
اصلان: هذا المبلغ كامل
مصطفى: بس اكو شى مهم اريد اگوله المبلغ المكتوب بالملف اكثرررر من ثمن البضاعه بهواي
اصلان: هذا شئ مو اختصاصك يحقلك تسأل فقط ضمن اختصاصك
مصطفى؛: تمام سيدي
مراح اهيد ولا اسكت الا اعرف شنو شغلهم السري بسيطه اني الكم والزمن طويييييييل

روايه: عدت على ولادتي ست شهور الايام القضيتهه بالمستشفى على ماتحسن ابني اصعب لحظات بحياتي صعب من تشوفين ابنچ وهو عمره ايام والاجهزه معلگه بجسمه وابر وكانونات بس الحمدلله عدت وابني هسه گدامي وبمره من المرات الي احسهه لحظة انتصاري لحظة انتقامي من الظلم نص الليل وندگ عليه الباب محد يدگ علينه الباب غير عمامي فتحت الباب وگفت وراه وصحت منو
*خويه اني صديق ايهم ايهم بالمستشفى وحالته جدا حرجه
روايه: ليش شبيه
*والله مااعرف بس هو الي عرفته من البنت الچان عدهه شارب كميه كلششش چبيره
روايه: بيا مستشفى هو
*مستشفى الصدر التعليمي
روايه:: تمام خويه شكرا هسه ابلغ اهله
رحت بلغت عمامي ورحناله للمستشفى بقه وقت طويييل يلا طلع الدكتور بلغنه
الدكتور: البقيه بحياتكم مگدرنه نسوي شئ نوبه قلبيه حاده ادت لوفاته بسبب تناول كميات كبيره من الكحول
هديه: مات وليدي مات مات يمن سوده بوجهي عزا العزاني يمممممممممه كون الموت الي مو الك يمه يمه يبو وجه الحلو راح ياخذك مني الترااااااب يمممممممه
روايه: الجهنم ان شاءالله وعساه لا شاف رحمه
هديه: ليييش ليييش ولچ يمه ليش لا تحچين هيچ ماااات مااات وماتجوز عالميت بس الرحمه
روايه: الله لا يسامحه وان شاءالله يتعذب على كل يوم وكل ساعه عذبني بيهه وان شاءالله ينشوي بنار ويوگع جلده ويطلعله جلد ويرجع ينشوي
هديه: الله يخليچ سامحيه سامحيه ابوس ايدچ مااات مااات بعد ماكو فايده للحقد
روايه: مااسامحه وينكم عني من چان كل يوم يخليني انام وجسمي يون عليه من الضرب والچويات وينكم عني هسه جايين تردون اسامحه وبسهوله الاخر نفس بيه مااسامحه
وانتي انتي بالذات چنتي تدرين بيه يعذبني ومع هذا ساكته وماتحچين حتى بيوم ضربني حد الموت وجبت ابني بالثامن وتعرضت للخطر بقيتي ساكته كلكم كلكم تدرون بالجاي اعيشه وياه ومع هذا مغلسين كلكم تدرون بأبنكم سكير وبيه مرض نفسي مايرتاح اذا مايعذب احد يستمع من يشوف احد يتلوع من الوجع ومع هذا ضلمتوني وياه تعرفون كلش زين ابنكم سادي يتلذذ بعذاب غيره وعفتوني وياه ابيت وماسألتو شصار بيه ماصار طبهه مرض مو بتنه مگطوعه من شجره ماالهه احد ياخذ حقهه بس نسيتو شغله الي رب اسمه المنتقم الجبار وامهل امهل الحد مااخذ حقي وبأبشع صوره كشفتلهم على ايدي شوفو شوفو هاي كل جسمي انمله اثار حرق مثلهه واكثرررررر جسمي تشوه والسبب ابنكم وتردوني اترحمله عساه لا شاف رحمه ان شاءالله لو اشوفكم جسمي كله تبچون
رجعت البيت حضنت ابني ونمت لا حضرت عزاه ولا رحت دفنته
هديه: اليوم الثالث والنسوان كلهه تسأل عليچ ونگللهم متأثره عليه وواگعه بالفراش بس اليوم الثالث وانتي مرته لازم تأخذين عزه رجلچ
روايه: مااروح واذا رحت راح افشلكم وافضح ابنكم وهو بگبره
هديه: ليش يمه ليش ماچنتي هيچ شغيرچ
روايه: يااااااااااااااااااااا هه عمه هو هذا سؤال تسأليه الي السنتين العشتهه وي ابنچ كبرتني فوگ عمري عمر عمري 19سنه بس اليشوفني يگول 30 كافي ظلم الخاطر الحسين كااااااااافي
هه تردين اروح احضر عزه ابنچ تدللين بسيطه لبست ثوب احمر وحطيت مكياج ولبست ذهب ورحت البيت عمي دخلت والانظار كلهه صارت علي وبدء التبسس مال  النسوان يا عزه العزاهه شبيهه هااي تخبلت شلون تجي عزه رجلهه هيچ لا اكيد من الصدمه أثرت على عقلهه خواته وامه حاولن يطلعني بصريخ وصياح انتي تتشمتين بالموت ومااعرف شنو
كااااااااافي كاااااااافي سكتو لحد يحچي اني مااتشمت بحكم ربي بس اني عندي اليوم عرس مو عزه وجايه گدام كل الحضور اگللهم اني اول مره تفرح بموت رجلهه تدرون ليش لأن ماكو وحده عاشت العشته وي ايهم اشوفكم جزء جدا بسيط من العشته وياه وهذا شئ بسيط ماعدا المااگدر احچيه شوفتهم الحروق البجسمي كلهه غطت وجهه من فضاعة المنظر كل يوم بدون اي سبب يطفي الجگاره بجسمي يتلذذ ويضل يضحك وفوگ كل هذا مايوم عاشرني حالي حال اي مره متزوجه يغتصبني بكل وحشيه ومايعوفني الحد ماالفرشه تنملي دم هذا شئ بسيط اكو شغلات مااگدر اگولهه
هديه: الله لا يسامحچ فضحتي الولد بگبره
روايه: اجه عمي مسعود وجرني من ايدي وخذاني البيتي
مسعود: ابقي هنا ولا تطلعين كافي فضايح كااااااافي
روايه: تستاهلون اكثر من هيچ

مصطفى: بيوم اجيت الفجر عطلت الكامرات قبل لا اطلع من الدوام ورجعت الفجر دخلت المكتب اصلان وطلعت كل الملفات المشمعه بالاحمر وصورتهه كلهه وصرت كل يوم اجي وقت اجتماعاتهم الليليه واصورهم من بعيد
وگدرت احصل على كل المعلومات الي تدينهم اصلان طلع تاجر مخدرات محترف وبشده ومو بس هيچ اصلان فاتحله مستشفى بلا رخصه ويتاجر بالاعضاء البشريه وفوگ كل هذا يخطف الاطفال والاكبر منهم ويتاجر بأعضائهم كل هذا گدرت اعرفه من خلال اجتماعاتهم السريه

روايه: وره العزه بعشر ايام اجتني مرت عمي
هديه: يمه صارلي اسبوع ماانام الليل كل ماانام تجيني احلام يجيني وليدي يصرخ من الوجع ويگلي يمه خلصيني من العذاب بعد مااتحمل ادري هذا ذنبچ وذنب امچ الله يخليچ سامحيه وبري ذمته ابوس ايدچ
روايه: مراح اسامحه وروح امي الماتت بحصرتهه عليه مراح اسامحه وحتى لو اسامحه مراح يخلص من العذاب على بالچ ابنچ جاي يتعذب بس لان ظلمني لا ابنچ مات وهو كافر تدرين شنو كافررررر ابنچ مات زاني وسكران يعني لو تختميله القرآن الف مره مراح يفك منه العذاب وعساه بالازيد
دگت على صدرهه وصرخت
هديه: يممممه شلون بيه يمه اشسويت بنفسك اشسويت مافكرت بأخره مافكرت بموت
روايه: ابنچ بيوم المات چان نايم عد وحده بت ليل وهناك وتخربط ووگع وقبل لا يفقد گايللهه تتصل على صديقه وهو اجه وبلغني ابنكم مايستاهل الرحمه عمه ابنكم ماكو ذنب ماسواه بحياته سكر وزنا وظلم وتعذيب وكلشي ماكو عمل سواه يستاهل ينغفرله عليه فلا تعبين نفسچ وتدعيله
هديه: اني ام وهسه يكبر ابنچ وتعرفين شنو يعني ام حتى اذا اعرف ابني سوه كل هاي الشغلات مراح ابطل دعائي اله

روايه: ثاني يوم رحت البيت عمي
اني جيت حتى اگللكم اني راح ارجع البغداد اخذ ابني واروح
عباد: هو بكيفچ لعب هو بنيه بعدچ بهذا عمرچ وعلى ايدچ طفل ترحين تعيشين وحيدچ ابغداد
روايه: ليش عمي اني اشفت منكم شو لا حمايه لا امان ولا اي شئ ماكو فرق وهناك احسن على الاقل اكو ناس تحبني
عباد: وين ماتولين ولي بس ابنه يبقه عدنه
روايه: لا عمي ماحزرت ابني ماافرط بيه لو على گطع رگبتي اريد اربيه احسن تربيه مااريده يطلع مثل ابوه
مسعود: عوف البت بحالهه يعباد عوفهه واطيهه نصيبهه ونصيب ولدهه وخليهه تعيش حياتهه كافي الشافته من ابنك
روايه: بقيت اسبوع وياهم الحد ماحولولي كل حصتي لحساب ماما ابغداد
وراهه بديت اجهز نفسي حتى ارجع لبيتي

مصطفى: الو هله بيچ شنو شنووووووو شجاي تحچين اختفت شنو اختفت يعني وين راحت وييييين هي لعبه لو قطعة ذهب حتى تختفي شلووووووووون

حبايبي قربنه عالنهايه
كثرو التفاعل وياي
مو تنسون نجمه+تعليق+شير لرابط القصه